¹ Bik nba mɔk yeanfuuon gbiin u baa kpaamiie ŋaan laalaaluoa k gbiin kpayakt. ² Balmɔni nyuat paak a tu la bonŋanne ŋaan binba luuon bii fa fai, i tu tie kunkɔnne. ³ Wunba gu u mob gu u sieke; wunba yaatl u mogbangbenŋa, tiin k saa u bunbot poe. ⁴ Fal daanɔ sek tu luuon wakan la linbae; ŋaan tuontunna siek tan sa gbuue. ⁵ Nimɔnua k luon faak mobona, tondonɔ tu fa faake k tan yil fei. ⁶ Mont gu wunba tuak sajoŋanŋo, ŋanan tonu baat nan biit danɔ baake ⁷ Sua kpaan u mɔk ŋaan k mɔk sial, k sua mun yi umonŋnandaanua ŋaan mɔk bonciann. ⁸ Nifoslk jikt u mɔkinte k tie u manfuol ŋaan nan daanua mun sua k manbintua ⁹ Niŋanm yinyiontie palmanne, ŋaan tondanm fit tu kpienne. ¹⁰ Dontin monykukua ninyefiint kukonna, ŋaan yanfuon be nan binba gbiinkpami-e. ¹¹ Mɔkint nba k tɔkin ŋant ni tu waatbte, ŋaan wunba bɔli waan-waan l puki-e. ¹² Dunduunmi ki tie ŋann pal tu biile; ŋaan lam nba tun, l tie tiik nba mɔk manfuole. ¹³ Wunba yiinen kpaami tu bote, ŋaan wunba tiin kpaami jaŋmaami tu la nyuat-e. ¹⁴ Yanfodaanua kpaami tie manfuol bunbunn-e, k ft biil kuun balt. ¹⁵ Mɔnii nba ŋan ,mɔ luann nba tie nunkpabɔnŋo, ŋaan todanm sɔnu tu biilu sɔnu-e. ¹⁶ Yandaanua kul tu dukinnewa k tun waa sa tun linba, ŋaan bonjak ŋannin te ku wwatuk montl-e. ¹⁷ Tondaanua nba k b tunmua tu ba yubonninŋe, ŋaan dunduun daanu baat nan laafia-e. ¹⁸ Namu nan fei tie daanua nba k gbiin kpaamiyale, ŋaan wunba gaan ŋmakta laat baakle. ¹⁹ Fii luon linba k tan lal l tu manna siek-e, ŋaan binba k mɔk dudukt k luon bin nyik bonbiil. ²⁰ Wunba saa yanfodanm buol tu tan tie yanfodannua-e, ŋaan wunba tɔki nan bonjata tu la ku be bonbiil ni-e ²¹ Yubonn wa binba tuun biit-e, ŋaan bonŋanna tie niŋanm nyuat. ²² Niŋannua mɔkint tie u yabuona yale, ŋaan biit daanua mɔkint tan si tie niŋannu yale. ²³ Kpaab nba k nandaanua pet nan jiet boncianne,ŋaan k l dua k biil mont kaa lin paak. ²⁴ Wunba bil u ŋmakt l lanbann k luon u bik, ŋaan wunba luonua, u gba a wun ŋmantua-e. ²⁵ Nimɔnua tu di k gbuo-e, ŋaan tondanm tu be kome.