¹ U ba loo ŋmaktu loo miinu, u ba k nian kayakt kaayen. ² Niiŋannua laat k mɔk gbennu nyik caabu , ŋaan k mɔk gbennu dal subin daanɔ tubl . ³ Niilua k cie tenu paak ka, ŋanan niŋamm jiinn kanban cel. ⁴ Poo nba mɔk binbenŋansim tie u sɔɔlua yudant faklik, ŋaan u ba tie fei bont naan nan dindik na u sɔɔlua kpaaba ni. ⁵ Niŋamm dukdut tie i n coalin, ŋaan niibit binbenŋ tie ŋmabtk. ⁶ Niibit maan tie bonkpiatkala nba mɔ sɔn, ŋaan niiŋamm mob tii ni-e ⁷ Tundamm biilua k tent sial, ŋaan niiŋamm ŋei too tuun sie. ⁸ Niilua paaku nyi u yenfooni, ŋaan wunba paal tunlin bii laawuo. ⁹ Li ŋan fii tie canbaa taalik ŋaan ki mɔk tootunnua, k cie fiitie yeudaanua ŋaan k muak linba k a saa dii. ¹⁰ Niiŋannua too diea u bonkoobit faannu, ŋaan niitunt malu ni tun ne ¹¹ Uba koo u kpaab too gbo jiet; ŋaan uba waa bonyaanna too tan k mɔk binbenŋ. ¹² Tundaannua numm fak linba tundanm jiikin, ŋaan niiŋamm jiinn tie lo min ¹³ Baalu tun bee bit mɔbona ni, ŋaan niiŋaannua nyint u mɔnŋe. ¹⁴ Nan a mɔb luanna k a saa gbo linba ŋan, k sua kul saa gal u nii toon pauk. ¹⁵ Jaatuk gooli u sanjɔɔk k lii soo nii; ŋaan uba gbiin kpaami mɔk yen. ¹⁶ Jaatuk wutol ii do yoonba u too te bin banna, ŋaan wunba, sub too gal sukt. ¹⁷ Balminpaaklua muantl balmuani, ŋaan fak daanua kpan ne. ¹⁸ Uba paak waa me blin fiok, ŋaan yendanm mɔbona tiee be. ¹⁹ Balmunni tun k bee yoo kul, ŋaan fak too tien yoo waaminne. ²⁰ Fak bee binba duki bonbiil tiennu pal ni. Ŋaan palmann tie binba kpaan palmaasin ²¹ Sial yuubonn k baat niiŋamm, ŋaan tundamm tun k bee bonbilni. ²² Faak mɔbona k man k mɔk gbennu, ŋaan balmunnie ku nian. ²³ Niiluoa nba sub buali u minu, ŋaan paala muantil bi jaati . ²⁴ Tuntunna nii mɔk yiikooe, ŋaan nu nba mɔk faala tie daabl . ²⁵ Yenpuutuk baakin lii daanua paal, ŋaan maan nba man tien palpienn. ²⁶ Niiŋannua want u nasinyoak sanŋannu, ŋaan niitunt sanjoak too boomme. ²⁷ Faala daanua k mɔk linba k u saapul, ŋaan niilua mɔkinŋant tie tuon ne . ²⁸ Monfool bee balmoani sanjook, ŋaan kuun k bee uani yial ni.