¹ Binn nba k Osias kpo, k n b k yomdaanƆ kal naan binbintl nba fok bonciann pak, k u liat fuok mogbannagbe Jiantu ŋasaakak. ² K bonfua sie k lint'Ɔ; k bonfuol kul mƆk kpinkpant ŋanlob; ŋanle tien linba donkin u nunm po, ŋanle tie linba donkin u taa po, k ŋanle tie linba k u dia k yuuk. ³ K b yikin k yen b lieb a: ŋannt, ŋannt, ŋannt tie kagbennu nba tie kunkonn'Ɔ yale! tingbonŋ na gbie nan u yudantel. ⁴ K tanmoï jekl k la tuu fiaka k man kunkol nba fuu na pak, k ŋasaakak maanŋ gie nan muu yuut. ŋanne k n yet a: bonbil be n pak! ⁵ N bota, man n tie nisaalke k k mi maan paku, k man n b niib nba ya ni k mi maan pakue, k n ninbina la kunkonna kpanbal, kangbennu, ⁶ ŋaan bonfuo na yenƆ yul bal n buok, k dia tann nba nyilli u nuu ni, linba k u jii maalunŋ binbintl pak nan babt na. ⁷ U si n mob, k yet' ma. Linba na si a mogbnan wa; a biit kul ji wa, k a biit mun bia piinna. ⁸ N gbat yonmdanƆ kunkol, yenna: n sa tun ŋmee, k u sonm n sonmaa k tul nii? K n jii na: mine na, tun min. ⁹ K u yet ma : li saa, k yet niib na: i gbintl ŋaan k suo sial, i ninbina taat, ŋaan k bant l paaki. ¹⁰ Linin niib na yan, k kpab tuba, k at t k b ninbina da nyuan, k b da loot na b ninbina, k bla da gbia nan b tuba, k bia da suo sial b palaa ni, n nae, k b sa lebt bi binbenŋ k la fatu. ¹¹ Yet a: n lee yuoe, yonmdaanƆ? k u jina : ka ka nan yuo nba digbangbenŋa tan sa bil k niib ji ka tenŋ, nan yuo nba k nibinn tan kantenn ŋei ni, k duo na kul dual langent, ¹² L yuoe want nan kangbennu fukt nan u nilb,k duo na kul dual tinkuonŋ. ¹³ K niib pik ni yanƆ kua e bial, ŋaan b sa biil'Ɔ waa; ŋaan, nan ba tu cua tik (telebnt) ŋaan u dagbel n bial k fuuk tinŋ ni nae, ŋanne want nan bonŋann sa nyi buolu manŋ ni.