¹ N saa yin yanŋ k dont n naasinyoamƆnƆ. N naa sin yuak manŋ tie u daan tiinji kpaab poe. N naasinyoamonƆ din mƆk daan tiinii kpaab k l be siannin nba lulin be. ² U din gbiil tinŋ nak nyinn tannae, k buul tiinii nba man; u ji din guu a lin ni, k maa guunn k lintl. u ji din guu a lin tan lon luaŋaannae, ŋaan k l lan luuanbiit. ³ MƆtaanae, yim niib nba be Jelusalen nan Sudaa na, iten min nan n daan tinii buubulaa! ⁴ Bei bia ne k n sao tien n daan tiini kpaab na, k n k tieni? Bei tien k n daan a u sa lon luanŋanaa, kulon luanbiiti? ⁵ MƆtaa na saa wanni ma sa tien n daan tinii kpaab na linba. N saa bit guun nba lintl nae k lu, k yeer guun nba guur na, k lin tien yaann. ⁶ N sa te k lin tien yaann, n sa tek muubiit nan kunkonii pia k luun, n kan ko l muuku. N saa te k sapagbant n da te k saak baa leŋ. ⁷ Islael teeb tie yabint yennu daan tiinii kpaab, suda teeb tie daan tiinii nba k u luom bonciaann. U ba daann bin tun linba ŋane, ŋaan k b mƆ sƆn! u daan a bin tun linba tooke, ŋaan k b te nonbaƆk mƆnii mƆ. ⁸ Yuubann be binba ma ŋeii k pukii b ŋeii paak, k cuan kpaant k pukii b yal po, k yial ji tan k be, k b ji kua b kukuo duo ninŋ! ⁹ Yabint yennu nba wanin linbae na: l ŋagbeŋaa nan l fant kul l sa tien yann na, k sua ji kii be sa kua l ninŋ. ¹⁰ L daan tiinii kpaab yabint piik lek, ŋaan l daan tan sii tie lenn yenn nae, k bonbuulii nba k b bul na l tan sa nae, k bonbuulii nba k b bul na l tan sa nan waamin nae. ¹¹ Yubonn be binba k sinŋaƆk kul k b lin kpaan dapaalm nba gboot, k daajiok k b gboana! ¹² BiƆk nan naatunn, gingann, yelk nan daan, tie b jaam; ŋaan b k tian kangbenuk yennu tunna po, b k laat wa tun linba nan u nii. ¹³ L paak te k n niib b satienm daaba, k b niib sa kpo nan kome, k nyunnyukulu n kuul nibulciƆnŋ na. ¹⁴ L paak kpintinŋ yaat mob, k ŋam pukin u mob yalimu; l yuo sion nibulciƆnŋ nan u palmann, nanuŋant nan u mƆnkint na sa sik. ¹⁵ Waat sa bak, k saakab n di feii, k b yikoodam na sik. ¹⁶ Kaagbenu yennu sann sado buut ni, k ŋant yennu sann n ŋam nan balmmonii paak. ¹⁷ Peii si di nan b dindibuol nae, k saam n yent mƆktaa yial nba tien yann na. ¹⁸ Yuubonn be binba dia faok k tuun biit, k biit tuak nan naakuol panii na paak. ¹⁹ K yiien a: Islael yennu tuunaa nba k u ya wun tun na n kakt tun, k bin la, k fit bannƆ! ²⁰ Yuubonn be binba yi banbil bonŋann na, k bonŋann tie bonbil, k lebtl bunbonnk tie yinyiem, k yinyiem tie bunbonn, k lebtl tonu k l tie manu, k monu tie tonu! ²¹ Yuubonn be binba yi b mƆnŋ ninfandam, k bia mƆk bannu na! ²² Yuubonn be binba mƆk bannu na! Yuubonn be binba mƆk pal nan daan nyunuu, k bia mƆk pal nan bin ŋmat dapaalm; ²³ K ŋaan paab ŋan ŋamt daanƆ nba biil maan k tienƆ mƆnii, k tien binba mƆk mƆnii biit! ²⁴ L paak, nan jelinn nba tie muu k di kinkƆg, nan mukpann nba di mukuonŋ na, n nae k b jinaa saa bat, k b puok n yat nan tanwunn na, k maan k bin k cƆlin Islael yennu maan. ²⁵ L Paak k kaagbenuu wutuul doo u niib paak, k u tant u nuu fk faau; k jual bitbit; k nikpinae yat dua dua sƆnii ninŋ. Nan linba na kul, u wutuol bia lek k sick, k u nuu bia daa tian. ²⁶ U tul nyinn a wun yiin digbanaa nba be banfƆka, k fuon foonii tinŋ na kulpo: k b baat yian yiama. ²⁷ B sua l bak, k sua k jalin siaal, b suak tinŋint k bia guant; k ciin. ²⁸ B talbanpinii polin polin, k b kpanaa tie bon sunsonaa; b taanii taawokaa wakii nan tanaa nae, kb toolt kobaa naan nan glin sapinn na. ²⁹ U gaan jat nan yanbƆlnaann na, k mƆ nan yanbƆl bit na, u gaan jat, k su u bondikal, k saa nann, k sua kan fit k nakin k fatƆ. ³⁰ L dall manŋ, Fuul si fu k gaan jat nan mƆkgbeŋil nyun nba tuu funa; l daal tinŋ nan saapaak kul sa bonn, k palbiciƆnŋ sibe.