¹ Yennu paak ki jin damaspo, gotil Damas ji kan mi tienduo, u siitun tie langbente. ² Daloel duoi dua yane, li tie bonkkobit dindibuol ki bi dua ki sua ki jientibe (bieli). ³ Ki Damas sa kƆŋ u yet, islael tiŋ sii kaa wunban saa kƆn li paak. Ki sili tieb nba bian na si be fei ni nan aslael tieb na; min yennu paak na. ⁴ Ki daal manŋ i baal, Jakob yudante na jaa gbenne ki u gbonnant kpan na n suul. ⁵ Li si tie nan dijontuo nba tuu jan dii, ki u nuu poti di piata (nan baa) ki woli di refaim baƆk niŋ biaŋnee. ⁶ Nan baa tuu nik tilontik ki luana ŋanlee nna n tenn ki juan tiŋ na yiini paapo nan tƆŋiniŋ biaŋ nba nee min islael tieb yennue yet na. ⁷ Daal manŋ i baal, niib ŋmant bi naamii daanƆ yennu paak Ki luon sommil ki tunn bi nunii islael tieb yennu paak. ⁸ Maluŋ binbintaa nba ki bi maa nan bi nii na ji kan gaan bi mƆnŋ bi paaki kuo ki tien yada nan bi ciceli Asela ninnƆŋ, nan manluŋ binbinta nba kibi jokit bonnunubit li paak na. ⁹ Daal mab daal doi nba mƆk panni na tan sa biat yennu ku tie langbant nan yuo nba ki bi din paak islael tieb na. ¹⁰ Kiman slael tieb; tamm I manfuol yennupo nan i tampiuk nba baak i paak na po wa, ŋan jiantil yenbis nba tie digbangana yab na. ¹¹ ŋan li kan sommi ni, Daamii nan tonnu nba kaa tebuk kua jii be nani. ¹² Doi nba paal be wutuol niŋe, ki fufut nan mƆkigbeŋil nyun nba tu liat liel na. ¹³ Nan nyunpona nba saa yian na nib na saa nne ŋan ki yennu yaki nam, ki bi ŋmat nan sajapelin nba tu ijiitambbinina ¹⁴ Wunba kul fial ti tiŋ faat u juontu tan sii tie nnae: daajouk, bi baat nan jaŋmaanie ŋanki li tan sii yentil sanyiƆk na ki bi ji kaa.