¹ I jii pebit k tun k bintul duo yudaanɔ a tunm k bin nyi sela, k tɔkn paapieounŋ ni, k saa baal siɔn bipuo jual. ² Yuo k aulɔn tan sii gaal moab bonpoi tan sii tie nan nuanŋ nba ninmɔnn baalɔ ku yuuk, k bia tie nan nuanŋ nba k b tuu jienɔ tiauk ni na e. ³ Ii tien kpaani, kii piak balmɔni, k jii a maatu k dɔkn t paak k lii tie nan nyiaɔk na. Dɔknt bin nba k b waab na paak, k daa kuat wun nba hin. ⁴ Ŋaant k moab kunsɔntinna n kal atinŋ ni fatilt binba luon bin biilit ne nui nil k maan nukisuk nan biilu ne saa gbenna, k binba biil duo manŋ saa yaat. ⁵ Daafiid yaabuona ni yeno tan sii tie kpanbal, k saa dia niib nan binben ŋanŋ nan lonm u sii kakii ŋanm tienu paak, k saa te k balmɔni piak. ⁶ Suuda tieb a, t gbat moab tieb nba wɔnt b mɔnŋ bianŋinba wa, t mii nan bi mɔk galuk nan palbifaant, ŋaan b galuk ne tie galyanne. ⁷ L paak moab tieb saa bui, kmaan biak nba k b saa di ne paak b kul saa mɔ, yao nba k b tiat jeŋant nba k b tuu di, Kil Heles duo ni ne b dindann kul saa kpo. ⁸ Kpaant nba kpia Esbɔn, nan damunŋ tiini nba be sibma, k jii saa baal saesel, k duo kunkuok ne biila yii ni din lalme k saa puot mɔkl. ⁹ Mɔta ne n mɔ sibna damunŋ tiini paak, nan ma mɔ saesel paak bian ŋinba nee; n ninnyuut lɔee, kmaan esbɔnn nan Eliel doi paak, jiet kaa k saa maan b pala. ¹⁰ Pal maasl nan kpunkpɔn muk bot doi nii waa; suak hoot kuo k yiin yanŋ kpaant ne ni. Sua ji k mat daan tiluana lenŋ, a wun tien daami, n sen palmann hooti ne waa. ¹¹ N kulie nan pal bienn, Moab tinŋ ne paak, k duun nan pal bienn Kiil Ales duo paak. ¹² Moab tieb bakint b mɔnŋe k do b kunkona paak puokpeli ni, nan b jiantu diit ni k mei, ŋaan li kan somnibi. ¹³ Momaan nba k kaagbennu tul sinsinn k jiin Moab poe ne. ¹⁴ Mɔtaana kaagbennu pak yet a: bina ŋanta nba baat, bina sii tie nan dobii tieb bina na e niib sii salkt Moab yudant e. nan baa yab bianŋ n,ba, bin nba tan saa tenn, sii tie waanninna e b saa.