¹ Dafid nba din maa u ŋaak Jelusalem duo ni k gbenn yuo nba, u bia din ŋanm lambonŋuo, k l tie mɔlol lakil na nba sii be siaminba. ² K Dafid yet a li tie Levi tieb ii ji kin Yennu mɔlol lakil na. K maan ŋamm kua e k Yennu ŋannib a bii jiikin . Ki bia ki tuun ŋua Yennu tuona yuo kul. ³ ŋanne k Dafid ji taan Islael tieb kul Jelusalem. Abin fiit saan k jii ŋua Yennu mɔlol lakil na k baal nann sianminba ki u ŋammil a wun kuan na. ⁴ U bia din yinn Alonn maalu nan Levi tieb k pukin. ⁵ Levi tieb nba din tie kohaf maalu nai na din tie niib kobik na piinle, k Uliel tie b sakua. ⁶ K Melali nakuuk ni, k b tie niib kobii ŋanle nan piinlee. ⁷ Ki Gelsouu nakuuk ni ki bi ti niib kobik nan piintaa, ki Joel tie bi ŋaasakua. ⁸ Ki Elisafann nakuuk ni, ki bi tie niib kobii ŋanlee, k Semaya tie bi ŋaasaakua. ⁹ Ki Helbann nakuuk ni, ki bi tie niib piinniin k Eliel tie bi ŋaasaakua. ¹⁰ Usiel nakuuk ni k bi tie niib kobik nan piik na banlee. K Aminadab tie bi ŋaasaakua. ¹¹ Dafid din ki yiin manntieb Sadok nan Abital nan Levi tieb banluob, ŋamm tie Uliel nan Asaya nan Joel nan Samaya, nan Eliel nan Aminadab. ¹² Ki yetib a , yimme tie Levi buolu ni saakab, yimm nan Levi tieb i ŋamm i mɔŋ k saan jii Islael tieb Yennu mɔlol lakil na, ki baal nann, ki tan kuannil siaminba ki n ŋamm na. ¹³ Yimm Levi tieb nba din ki jii mɔlol lakil na, sinsinn na paak e, Ki yennu donn wutuol ti paak, ki ŋmann ti tuba. Ki maan ti ki jiantilɔ, nan ti bo sii jiantilɔ bianŋinba na. ¹⁴ ŋann e k manntieb nan Levi tieb ŋamm bi mɔŋ a bin saan jii Islael tieb Yennu Mɔlol lakil na. ¹⁵ Levi tieb din kpal daate ki jii Yennu mɔlol lakil na ki paan bi bɔpiat paak. Nan Yennu nba din senn Moyis ki u wannib na. ¹⁶ Dafid din yet Levi nakuuk ni saakab nae, a bin gann bi ninjamm nba sii tie yanainna, ki bin yin palmatil yanni kii faa bommumuat, li kɔna, nan yelii na gingana. ¹⁷ K Levi tieb ŋann Hemann, wun nba tie Joel bija na, nan Asaf ki u mun tie Belekia bija, ki nyii Melali nakuuk ni, nan Etann, ki u tie Kusaya bija: ŋamm e din pieb nangbanaauŋ. ¹⁸ Bi bia din gann niib nba na, a bi sommitib ki faa linba jat ŋamm e tie Sakalia nan Jaasial nan semilamof nan Jeebial nan Uni nan Eliab nan benaya nan Maaseya nan Matilia nan Elifelehu, nan Mikenya nan Asasia nan tammɔguula nba tie Obed Edom nan Jeyel. ¹⁹ Yanyinna nba tie Hemann na Asaf nan Atanne din tie binba pieb naagbai. ²⁰ K Sekalia nan Asiel nan Semilamof nan Uni nan Eliab nan Benaya nan maaeya tie binba pieb naagbajai ki jat. ²¹ K Matitia nan Elifelehunan Mikenaya, nan Obed Edom nan Jeyel nan Asasia faa kɔnnant. ²² Ki knania, wunba tie Levi tieb saakua nan Golii yanyinna na. ŋanne din tie u tuonn ki maan u mii li ŋmakitu. ²³ Belekia nan Elkahue din tie tammɔguula, ki guu mɔlol lakil na. ²⁴ K Sabania nan Josafat nan Netanel nan Amassi nan Sekalia nan Banaya nan Eliesel nba ti manntieb nae din pieb naatuna. Ki be Yennu mɔlol lakil tuann po.Ki Obede don nan Jehia mun din tie Yennu mɔlol lakil na tammɔguula., ²⁵ Ton, ki kpanbaal Dafid nan Islael saakab nan kunkɔnkonna saakab ji saan Obed-Edom ŋaak ni. A bin saa jii Yennu mɔlol lakil na. K jelin k mɔk palpienn. ²⁶ B din kpi najai banlolie nan pei banlolie k mann malunŋ a lin te Yennu somm Levi iteb na ki bin fiit jii mɔlol lakil na. ²⁷ Dafid din lia liant nba ki li gungunt ŋanne. Ki Levi tieb nba din jii mɔlol lakil na, yanyinna kul, nan Kenania wun nba tie yanyinna mɔtaaɔk saakaua na mun lia li biaŋ. Dafid bia din lia liat jak nba ŋanne. ²⁸ Ki Islael tieb kul jii din Yennu mɔlol lakil na. K saa nann Jelusalem nan palpienn nan tintant paali, k pieb pejai yina nan naatuna nan nagbai na yelii k faa biat. ²⁹ Baa di tan baal Jelusalem ki kua nan mɔlol lakil na, ki Sɔɔl bipuo Mikal got takolu ni ki la kpanbaal Dafid waa waak, ki yuuk nan palpienn, ki Mikal yikinɔ u pal ni.