¹ Be un ɖɔ ɖe mawu ɖe alɔ sin togun untɔn wu wɛ a gbeɖe ɖo nyɛ ca lɔ izraɛlvi wɛ un nyi bo nyi abraham sin tɔgbéyɔvi bɔ un jɔ sin bɛnjamɛ sin hɛnnu mɛ. ² Mawu ka ɖé alɔ togun untɔn xé éiɖgesi xoxo ɖe wua alo mi ka nyɔ xo xé nuwinwlan ɖɔ sin elie wu na xé e jɛ hɛ na mawu sin izraɛl wu gbɔn ɖé a yé . ³ Axwétɔ yé hu xoɖɔɖɛtɔ towe lɛ bo gba vɔsa kpɛn towe lɛ gudu gudu nyɛ ɖokpo gee wɛ kpo bɔ ye lo din bo na hu un. ⁴ Vɔ ɖewu tɛ mawu nɛ nyɛ lɔsu un hla amɛ kotokun canwé xé ma donu do na vodun baal kpɔn ɖé ɖɛ . ⁵ Mɔ wɛ bɔ ɔ kaka jɛ din ɔ ɖe kpo ɖo numɛ caca fɛnu tɔn wutu. ⁶ Vɔɔ nɛ e nyi sɔ gbɔn fɛnu ji wɛ ɔ be ka nyi azɔn wiwa untu kɛ a nɛ ma mɔ a be fɛnu ka nyi fɛnu baa . ⁷ Untɛ wɛ nu xe izraɛl ɖo din ɖe ɔ ka mɔ ɛn a vɔɔ amɛ xé mawu can lɛ ɖe wɛ mɔ ɛn bɔ amɛ xé kpo lɛ ɖe ɔ eji tri na yé. ⁸ E sɔ gbe ɖi ɖi na xe yé wlan gbɛn ɖɔ ɖee mawu na yé gbigbɔ amlɔndidɔ tɔn unkunvi lɛ co yé ka a kpéwu mɔ nu ɖé a oto lɛ co yé ka a se nu ɖe kaka jɛ din. ⁹ Davidi ɖɔ unɖe nuɖukplɔn yetɔn nɛ nyi eɖɔ ganmɔ afɔ klɛnkpɛn tɛgbɛ tɔn na yé . ¹⁰ Unkunvi yétɔn lɛ nɛ do zinflu na nɔ kpɔn yé a mɔ nu ké ba bo yé nɛ nɔ gozo mɛ tɛgbɛ. ¹¹ Un ɖo kan biɔ ɖɔɔ yé klɛn afɔ bo na jɛ anyi wɛ a eo vɔ sɔ gbɔn anyi jijɛ yétɔn ji wɛ whlɛngan wa na mayisenɔ lɛ bɔ izraɛlvi lɛ na fɔn asisi xete. ¹² Vɔɔ nɛ anyi jijɛ yétɔn nyiadɔkun jijɛ anyihɔn mɛ tɔn bɔ kɔlilɛ yétɔn sin mawu gido nyi adɔkun na mayisenɔ lɛ ɔ aletɛ e ɖe nɛ yé lɛkɔ wa mawu de. ¹³ Din ɔ ma yi senɔ lɛ wɛ un ɖo xo ɖɔ na sin kaka gaxé mɛ ɛ un nyi apotru na mayisenɔ lɛ ɖéɔ é ji nɔ jɔ un do azɔn cé wiwa mɛ . ¹⁴ Vlavo ɔ unna ko fɔn asisi ɖo anɔyevi lɛ mɛ vlavo ɔ mi na ko whlɛn amɛ ɖee gan ɖo yé mɛ. ¹⁵ Do xé mawu ɖe alɔ sin yé wu ɖe ɔ é na bɔ yé ca gbɛ xɛ anyihɔn nɛ mawu lɛ kɛ alɔ bo yi yé ɖé ka a le ɖi fɔnsɔnku ɖɔun a yé. ¹⁶ Nɛ nunkun hɛtɛtɛ tɔn lɛ nyɔ ɔ be wɔ untɔn ca na nyɔ nɛ éké lɔ nyi ɖagbwe ɔ be mɔ wɛ alavi lɛ ca na nyi ɖagbwé . ¹⁷ Nɛ yé sɛn alavi ɖé é sin bo sɔ huiɔ xé nyi olivi tin lavi ɖo atɛn yétɔn mɛ bɔ nuɖuɖu nɔ sin olivitin sin eké mɛ na wé ɔ . ¹⁸ Nɔ kpɔn ayigo ɖo alavi ɖe ɔ lɛ wu bo vɔ ɔ. nɛ alo goyi lɔ flin ɖɔunɖé kɛ nyi hui ɔ kɛ hɛn aɖɔ lɔ ɖo ta a vɔ atinɖɔ lɔ un wɛ hɛn hui ɔɔ. ¹⁹ Vlavo a na ɖɔ un ɖé yé sɛn alavi lɛ sin bo sɔ nyɛ ɔ sɔ tlɛ ɖo flin . ²⁰ En ɛn nugbowɛ do mayise yetɔn wutu wɛ yé sɛn yé vɔɔ hui ɔ liké goun ɖo yisé towé untu nɔ kpɔn nɛ a nɔ lɛn susu gigan ɖé ɖo hwi ɖéké wu bo vɔ nɔ ɖinu simawu . ²¹ Do nɛ mawu ma kpɔn de mɛ na alavi xe jɔ xɛ atin lɔ lɛ a ɖé lɔ bé ka na kpɔn dé mɛ na hui can a. ²² Kpɔn azɔn dagbwe mawu tɔn lɛ kpo na xe alɔ untɔn nɔ sinawu ɖo amɛ xe jɛ anyi lɛ ɖé ji vɔɔeké kɔn ɖo awu we nɛ nɔte ɖo xomɛ nyɔnyɔ un tɔn mɛ lɔ nɛ ma nyi mɔ a bé e sɛn hwiɔ nyigbe. ²³ Mɔ ké ɔ nɛ yé ma kpo ci mayisé yetɔn mɛ a bé mawu na lɛ trɛ yé ɖo atin lɔ wu do mawu ɖo acɛ bo na lɛ trɛ yé . ²⁴ Do nɛ yé sɛn wé sin olivi tin gbémɛ tɔn wu bo sɔ trɛ ɖo olivitin dagbwe xe ma jɔ xɛ bɔ junu xé nyi alavi adodwe lɛ ɖé yé ma lɛ trɛ yé ɖo . ²⁵ Nɔvilɛ ɖo un ka jlo ɖɔ mia nɔ manyɔɛ mɛ lo azɔn xé wu a nɛ nɔ kpɔn mia nɔ lɛn mi ɖéké lɛ ɖo nunyɔɛnyitɔ ji bo. azɔn xé wɛ nyi ɖɔ izraɛlvi susu na tri ji kaka mayise nɔ lɛ bi na lɛvɔjɔ wa mawu dé. ²⁶ Nɛ xé lɛ jɔ wa yi vɔlɔ yé na whlɛn izraɛl gan ɖi na xé nu winwlan lɛ ɖɔ gbɛn sion wɛ whlɛn gantɔ na sin bo na wa. é ɖé jacob sin avɔsisa mɛ. ²⁷ Bɔ xé wɛ na nyi alɛnunu cé xɛ yé ganxé mɛ un na sunsun nylando yétɔn sin ɖé. ²⁸ Do akpa ɖé ji ɔ sɔ gbɔn awɛndagbwé ji ɔ junnu lɛ nyi kɛntɔ na mawu ɖo mi lɛ ɛ wutu vɔɔ ɖo akpa ɖé vo ji ɔ sɔ kun ɖo na xé mawu can yé ɖɛ gbɔn ɖé wu ɔ yé nyi wanyina mɛ lɛ ɖo yétɔ lɛ ɛ wutu. ²⁹ Do nunina yɔylɔ mawu tɔn kpo ka nɔ huzu a. ³⁰ Do mi nyi tonu masetɔ na mawu san vɔɔ din ɔ mi yi nublawuku na amɛ mawu tɔn ɖo tonu mase yétɔn untu. ³¹ Mɔ ké ɔ junu nɛ lɛ nyi tonu mase na mawu tɔ din ɖéwu lɔ wɛ nyi ɖɔ sɔ gbɔn nublawu xé yé ku na mi ɖé mɛ ɔ yé lɛ can yé yi nublawu ku na amɛ mawu tɔn . ³² Do mawu na bɔ agbɛtɔ lɛ bi nyi tonu masetɔ nɛ e na kpéwu ku nublawu na amɛ lɛ bi. ³³ Oo aɖɔkun mawu tɔn tito nunyɔɛnyi untɔn kpo aɖawun ɖéɖé untɔn kpo klo amɛ ɖé na kpé wu mɔ ɖéwu ɖé sin kojo ɖiɖo mawu tɔn wu. amɛɖé na kpéwu mɔ nu jɛ tito untɔn lɛ wua. ³⁴ Do amɛ nɔ kɛ mɔ nu jɛ mawu sin ayixa wu bɔ amɛ nɔ kɛ na kpéwu kplɔn nu ii. ³⁵ Aloɖé amɛ nɔ kɛ na nu ɖé mawu bɔ é na lɛ sɔɛ nɛ. ³⁶ Do nu lɛɛ bi wɛ nyi untɔn sɔ gbɔn ɛn ji bo lɛ nyi untɔn mawu tɔn wɛ nyi gigo kaka bo sɔ yi ami.