¹ Wuntu nɔvi lɛ un ɖo biɔ mi sɔ gbɔn awublanu kuku na amɛ mawu tɔn ji ɖɔ mi a sɔ mi ɖéké lɛ na mawu ɖi avɔsa agbɛ agbɛ xé ɖitɔ bo nyɔɛn kpɔn na mawu ɖe ɖɔun. ² Nɔ kpɔn mia nɔ agbɛ ɖi ayihɔn mɛ nulɛ ɖɔun bo vɔ mi huzu walɔ nɛ ayiha mitɔn lɛ nɛ huzu yɔyɔ bɔ mi na pewu ɖigesi nuxe nɔ jɛ unmɛ na mawu ɖé kpo jlo ɖagbwe untɔn kpo. ³ Bɔ un ɖo ɖɔ fɛnu xé yé na un ɖé untu ɖɔun ɖé amɛɖé kpékpé nɔ kpɔn a lɛn un ɖaxo ɖé ɖo unɖé kéwu sɔ hugan xé e ɖo na yin ɖe bo. Vɔɔ mi xweso ɖo ayixa mɛ ɖi na mawu na amɛ ɖokpo ɖokpo yisé ɖo jlɛɛ ji gbɔn ɖé. ⁴ Do mi ɖo awutu hamɛ hamɛ ɖo lankpoti ɖokpo lɔ wu vɔ awujɔnu lɛ bi kɔn nɔ wa azɔn ɖokpo unkumɛ a. ⁵ Amɔha ké wɛ bɔ mi amɛ gbo gbo xé lɛ nyi lankpoti ɖokpo ɖo klisi mɛ bɔ mi nyi awutu ɖokpo ɖokpo na mi ɖékélɛ. ⁶ Sɔ gbɔn fɛnu xé yé na mi ɖé ji ɔ nunina vovo wɛ mi ɖo nɛ amɛ ɖé yi xoɖɔɖɛ sin nunina lɔ nɛ zɛn kpo kpinkpɛn xe ɖo yisé untɔn si ɖé kpo. ⁷ Nɛ amɛɖé ɖo azɔn wiwa sin nunina ɔ ɔ nɛ wa azɔn nɛ amɛɖé ɖo nukplɔn amɛ sin nunina ɔɔ nɛ ɛ kplɔn nu amɛ . ⁸ Nɛ amɛ ɖé ɖo gando lanmɛ na amɛ sin nunina ɔɔ nɛ do gan lan mɛ na amɛ nɛ amɛɖé ɖo nuna amɛ sin nunina ɔɔ nɛ kɔɔn homɛɛ boa sɔ na nu amɛ nɛ amɛɖé ɖo amɛkplantɔ sin nunina ɔɔ nɛkplan amɛ nɛ amɛɖé ɖo nublawu kuku sin nunina ɔɔ nɛ wɛ kpo ayajijɛ kpo. ⁹ Ayɛmɛnu nɔ kpɔn nɔ wanyiyi mɛ bo mi gbɛ wan na nubaɖa nɛ mia tɛ dagbwe wu . ¹⁰ Mi nyi wan na ɖéké lɛ ɖi nɔvinɔlɛ ɖɔun mi ɖo sisi na miɖekélɛ na yɛyi nɛ tin. ¹¹ Na nuxé kan amɛ kplan kplan ɖé ɔ nɔ kpɔn mi tɛnu ɖo amɛ ɖé ji bo nuxé nyi gbigbɔ tɔn ɖéɔ mi nɔ aceji na axwétɔ mi sɛn . ¹² Mi du jijɔɛ unkun ɖiɖo mɛ mi xwesɔ ɖo tintɛnkpɔn mɛ mi xo aɖɛ kpo gandido kpo . ¹³ Nɛ nuxé nyi hian na naɖitɔ lɛ ɖé nɛ nyi hian mitɔn mi ɖo wanamɛ hamɛ hamɛ bo a nɔ sɔ ̵ yi amɛjlo. ¹⁴ Mi xo aɖɛ dagbwé amɛ xé ɖo fusɔ na mi lɛ ɖé mi xo aɖɛ ɖagbwé na yé nɔ kpɔn mia donu amɛɖé bo. ¹⁵ Du jijɔɛ amɛ xé ɖo jijɔɛ mɛ lɛ ɖé mi viavi xɛ amɛ xé ɖo avivi lɛ ɖé . ¹⁶ Mi ɖo linlɛn ɖokpo ɔ lɛ ɖo rlan mi ɖékélɛ dé nɔ kpɔn mia nyi goyitɔ ɖo ayixa mɛ bo vɔɔ mi xwesɔ nɔ kpɔn mi a nɔ mɔ ɖɔ mi nyi nunyɔɛnyitɔ bo. ¹⁷ Nɔ kpɔn mia wa nu baɖa xɛ amɛ xé wa nubaɖa xɛ miɖé bo mi wa dagbwe ɖo unmɛ na amɛ lɛ bi. ¹⁸ Nɛ e na kpéwu nyɔ ɛn wa ɔɔ kaka sɔ na agbɛnɔzan mitɔn biɔ mi nɔ fafa mɛ xɛ amɛlɛ biɔ. ¹⁹ Nɔ kpɔn mi lɔsu lɛ mia virlɔn bo vɔɔ mi jodo na mawu nɛ virlɔn do ye wlan bo ɖɔ cé wɛ nyi rlɔnvivi ce wɛ nyi hɛdida mɔ wɛ axwétɔ lɔ ɖɔ . ²⁰ Vɔɔ nɛ xuvɛ hu kɛntɔ towe ɔ nɛ nuɖuɖu nɛ asin nugblan hwi nɛ asin nɛ a nu do nɛ mi ɖo nɛ lɛ wa lɔ miɔn kan wɛ mi ɖo bɛ ɛ kɔn nyi ta nɛ . ²¹ Nɔ kpɔn nubaɖa wiwa a kpa acɛ na mi bo vɔɔ mi kpa acɛ nɛ sɔ gbɔn nuɖagbwé wiwa mɛ.