¹ É sɔ́ avɔ kwlesinmɛ, avɔ vɛ́ɛ kpodó avɔ vɛ́ɛ cɛ́cɛ́cɛ́ kpo bo sɔ tɔ̀ sinsɛn wu xe é ná sɔ wa azɔn nyi ɖo cɔcixɔ mɛ lɛ́ɛ. É tɔ avɔ sa na Mawutɔ sin awú lɛ́ɛ ná Aalɔɔn a le xé ná Mavɔmavɔ ɖɔ gbwɛ ná mɔyizi ɖe. ² É sɔ kan didɛ xe enɔ sɔ lun lɛɛnkanvɔ na ɖe bo sɔ lun efodu nyi bɔ kan kwlesi mɛ vɛ́ɛ kpodó vɛ́ɛ cɛ́cɛ́cɛ kpo gbwɛ mɛ, bɔ é sɔ́ kan gansinmɛ bó sɔ koe nyi. ³ É sɔ sika akú bó blo gan gbadjagbaja nyi bo sɛn kan untɔn bó gbi ɖi kan ɖɔwun, bo jɛɛ́n gbɔn kan kwlesimɛ lɔ, vɛ́ɛ lɔ, vɛ́ɛ cɛ́cɛ́cɛ́ lɔ, kpódó kan didɛ xé enɔ sɔ́ lún lɛnkanvɔ ná ɖe kpo mɛ; é bló é mɛ́ asín. ⁴ É blo abata vɔ awe bó tɔ dó efódu lɔ sin to awe lɛ́ɛ wú, bo sɔ hɛ́ɛn nyi ɖó te. ⁵ Efódu lɔ kpódó gokpannu kpo bi wɛ e lún ɖo kpɔ; kan gansimɛ, kwlesínmɛ, vɛ́ɛ vɛ́ɛ cɛ́cɛ́cɛ́ kpódó kan didɛ xé enɔ sɔ lún lɛɛn kanvɔ na ɖe kpo wɛ e sɔ lúni nyi, na xe mavɔmavɔ ɖɔ ná Mɔyzi gbwɛ ɖe. ⁶ É kpa atɔkɛn xé enɔ ylɔ́ ɖɔ onisi ɖe awe bo kɔn siká lilɛ ɖó, lobo wlan Izlayɛli ví lɛ́ɛ sin nyikɔ dó yé wú ɖi na xé ná atɔ kɛnzɔnwatɔ nɔ kɔn nu dó atɔkɛn wú gbwɛ ɖe. ⁷ É bɛ atɔkɛn kpakɔ awe lɛ́ɛ dó efódu lɔ sín abátávɔ lɛ́ɛ ji bó sɔ dó akɔta Izlayɛli tɔn wéawe lɛ́ɛ dó xlɛ́, a lé xé ná mavɔmavɔ ɖɔ ná Mɔyizí gbwɛ ɖe. ⁸ Avɔlúntɔ xé alɔnu yétɔn mɛ́ asin ganji lɛ́ɛ sɔ kan didɛ xé enɔ sɔ lún lɛ́ɛnkanvɔ nyi ɖé bo sɔ lún a kɔtágo xé e nɔ sín dó akɔnta bo nɔ sɔ́ ɖó kojo nyi ɖe, bɔ kan kwlesimɛ vɛ́ɛ kpodó vɛ́ɛ cɛ́cɛ́cɛ́ kpo gbwɛ mɛ; yé sɔ́ kan gasinmɛ bó sɔ koé nyí, ɖi na xé ná e lún efódu lɔ gbwɛ ɖe. ⁹ Ogó vɛ enyi bo ɖó gbogblo lɛ́ɛ; gblogblo lɔ nyi nújlɛkpo ɖokpo sín maɖó enɛ, bɔ gáɖiɖi mɛ lɔ nyi nújlɛkpo ɖokpo sin maɖó enɛ. ¹⁰ É to atɔkɛn ɖagbwe ɖagbwe dé wú bo sɔ́ ɖó acɔ nyí nɛ́; há enɛ sɔ́ ɖó acɔ nyi nɛ́; há enɛ ji wɛ é to dó: é to atɔkɛn sadwani ɖokpó tokpazi ɖokpo, kpodó emɛ lodu ɖokpo kpo ɖó ha nukɔntɔn lɔji. ¹¹ È to atɔkɛn ɛsikabukli ɖokpo, safíi ɖokpó dyama ɖokpo ɖó há awegɔ́ lɔ ji, ¹² bó to atɔ kɛn akpalu ɖokpo, agati ɖokpó, kpodó amɛtisi ɖokpó kpo ɖó há atɔngɔ́ lɔ ji. ¹³ É to atɔkɛn klizoliti ɖokpo, onisi ɖokpo, kpodó jasipée ɖokpó kpo ɖo ha enɛ gɔ́ lɔ ji. Sika wɛ é kɔn li lɛ́ dó atɔkɛn enɛ lɛ́ɛ. ¹⁴ È wlan Jakɔ́bu vi lɛ́ɛ ɖokpó ɖokpó sín nyikɔ dó atɔkɛn lɛ́ɛ ɖokpó ɖokpó wú, ɖi ná xé ná atɔkɛn zɔnwatɔ nɔ kɔn nú dó atɔkɛn gbwɛ ɖe. Atɔkɛn énɛ lɛ́ɛ nyí gesi akɔta Izlayɛli vi weawe lɛ́ɛ tɔ. ¹⁵ È sɔ sika akú bo sɔ blo wlɔ kpɛvi kpɛvi nyí, bó gbii ɖi kan dɔwun ná akɔnta go lɔ. ¹⁶ È kɔn sika lilɛ dó atɔkɛnkpako awe bó blo siká lɔgan awe, bo zɔ ɖó akɔnta go lɔ sin to awe lɛ́ɛ wú. ¹⁷ È sɔ̀ sikawlɔ a we lɛɛ bo dó e gbɔn alɔgan awe xé ɖo akɔnta tago lɔ ɖe sín tó awe lɛ́ɛ mɛ. ¹⁸ È sɔ̀ wlɔ lɔ sín nu awe ɖé lɛ́ɛ gbɔn efɔ́du lɔ sin abátávɔ lɔ́ glɔ́ gbɔn nukɔn bó sɔ́ hɛn efɔ́du lɔ nyí do abatavɔ lɔ́ wú. ¹⁹ È lɛ́ɛ blo sikalɔgan awe, bó sɔ́ yé ɖó akɔn tago lɔ sín tó awe lɛ́ɛ tó tó ɖo do, bɔdó awú agatɔn lɔ́ wú ɖo xoomɛ. ²⁰ È lɛ́ɛ bló sikálɔgan awe ɖó éfodu lɔ sin abatavɔ awe lɛɛ sin do, ɖo núkɔn, ɖo fi xé e tɔɛ gbɔn lɛ́ɛ, ɖo gókpannú xé ɖo efódu lɔ wú ɖe sin ta nu. ²¹ È sɔ kan kwlesimɛ bo dó gbɔn alɔgan lɛ́ɛ mɛ, bó sɔ bla akɔntago lɔ nyi dó gokpannú xé ɖo efódu lɔ ji ɖe wu, ná nɔkpɔn ná e ná tɔn sín efódu lɔ wú bo. Ale xé na mavɔmavɔ ɖɔ na Mɔyizi gbɔn ɖe nɛ. ²² Avɔ kwlesimɛ kɛɖɛ́ wɛ é sɔ tɔ awu xé na nɔ dò na efódu lɔ ɖe È ɖe ali démɛ gbɔn atɛ́n tɛn bɔ è nɔ sɔ́ tá gbwɛn mɛ. ²³ È kó kɔ mɛ nɛ́ lilɛdo bɔ é tri, ná nɔkpɔn na é ná wá vún bo. ²⁴ È sɔ́ kan kwlesimɛ, vɛ́ɛ, vɛ́ɛ cɛ́cɛ́cɛ́ kpódo kan didɛ xé é nɔ sɔ́ lun lɛenkan vɔ nyi ɖe kpo bò sɔ̀ blo atinsinsɛn xé nɔ yló ɖɔ glenadi ɖe gbɔn awu ɖo acɔ nyí nɛ́. ²⁵ È sɔ́ sika akú bo sɔ́ blo gan xé enɔ xúxu ɖe kpɛvi kpɛvi untɔn bo to gbɔn awu lɔ tó, lilɛ do, gbɔn glenádi lɛ́ɛ tintɛ́n. ²⁶ È mɔ gan ɖokpo lɔ, è na mɔ glenadi ɖokpo, bɔ è ná sɔ́ wa sinsɛnzɔn nyi ɖi ná xé ná mavɔmavɔ ɖɔ ná mɔyizi gbwɛn ɖe. ²⁷ È sɔ́ kan didɛ xé ènɔ sɔ́ lun lɛɛnkan vɔ nyi ɖe bo sɔ́ lún awu gaa ná Alɔɔn kpóɖo viɔ lɛ́ɛ kpo. ²⁸ È sɔ kan didɛ xé nɔ sɔ lún lɛ́ɛ kanvɔ nyi ná ɖe bo sɔ́ blo tabla kpodó kúku kpo nyi na yé, bo sɔ́ dó gigó xe yé ɖo ɖe dó xlɛ, è lɛ́ɛ sɔ́ kan didɛ xe è nɔ sɔ́ lún lɛ́ɛkanvɔ nyi ɖe bo sɔ́ tɔ gode kpɛvi kpɛvi nyi na yé. ²⁹ È sɔ̀ kan didɛ xé è nɔ sɔ́ lún lɛ́ɛn kanvɔ nyi ɖe bó sɔ́ blo gokpannu nyi bo koe, bɔ kan kwlesimɛ vɛ́ɛ kpódó vɛ́ɛ cɛ́cɛ́cɛ́ gbwɛnmɛ, ɖi na xé ná Mavɔmavɔ ɖɔ ná Mɔyizi gbwɛn ɖe. ³⁰ Nɛ gídó lɔ, è sɔ́ sika akú bo sɔ̀ blo gan gbajagbaja ɖokpo nyi, bó sɔ́ blo gan gbajagbaja ɖokpo nyi, bó wlan nú dejí bo ɖɔ: Amɛ cincan Mawú tɔn. È wlɛn ɖi ná xé ná atɔ kɛnzɔn watɔ nɔ kɔ nú dó atɔkɛnji gbwɛn de. ³¹ È na sɔ́ kan kwlesinmɛ bó na sɔ́ hɛn gan gbajagbaja lɔ nyi ɖo tabla lɔ wú ɖo aga ɖi ná xé na Mavɔmavɔ kó ɖɔ na Mɔyizi gbwɛn ɖe. ³² Ná xé na é fó Mawu xwe, nɔtɛn mavɔmavɔ tɔn lɔ sín azɔn lɛ́ɛ bí gbwɛn ɖe nɛ́. ³³ Izlayɛli ví lɛ́ɛ bló nú na mavɔmavɔ ɖɔ ná Mɔyizi ɖayi lɛ́ɛ ɖe bi. Izlayɛli vi lɛɛ bɛ nú xé ena sɔ́ blo nɔtɛ lɔ na nyi lɛ́ɛ ɖe bi wá ná Mɔyizi: cɔcixɔ lɔ kpodo nú xé déwu lɛɛ ɖe bi kpo; nú lɛ́ɛ, dotín lɛ́ɛ kpódó afɔ lɛ́ɛ kpó. ³⁴ Kpódó agbogbasa xé e sinu vɛ́ɛ dó lɛɛ ɖe kpo, agbasa tritri lɛ́ɛ, kpo kpódó xɔmɛgbo vɔ lɔ kpo. ³⁵ Kpó dó aɖaká xɛ́ mɛ akɔjɛwema lɔ́ te ɖe kpo, kpó kpo xé nɔ sɔ́ sɔɛ nyi lɛ́ɛ ɖe kpo, kpódó nusú untɔn kpo; Kplɔn xé ji akɔjijɛ ɖaká lɔ ná nɔ ɖe ɔ kpódó nú xé enɔ zan déji lɛ́ɛ de kpo, kpódó kpɔnnɔ xé enɔ ná Mawu lɛ́ɛ ɖe kpó. ³⁶ Kplɔn xé ji akɔjijɛ ɖaká lɔ ná nɔ ɖe ɔ kpódó nú xé enɔ zan déji lɛ́ɛ ɖe kpo, ³⁷ kpódó kpɔnnɔ xé enɔ ná Mawu lɛ́ɛ ɖe kpó. Kan lingbɛnhɛnnú xé e sɔ́ sika akú sɔ blo e nyi ɖe, kpódó kanligbɛn untɔn lɛ́ɛ kpo, kpódó nú xé enɔ zan ɖo ³⁸ kanligbɛnhɛnnu lɔ kɔn lɛ́ɛ ɖe bi kpó ami xé ná nɔ sɔ́tá myɔ lɔ nyí ɖe kpo. Avɔsagba xé e sɔ́ sika sɔ́ blo nyi ɖe, ami xé e nɔ sina amɛ bo nɔ sɔ́ amɛ ɖo vo na Mawu ɖe kpódó ³⁹ Palufɛn wan ɖagbenɔ kpo, kpódó avɔ xé e dó ɖó cɔcixɔ lɔ sin ali nu ɖe kpó Avɔsagba xé e dó ɖó cɔcixɔ lɔ sin ali nu ɖe kpó. ⁴⁰ Avɔ xé e ná ná do lɛdó xwe lɔ nyi lɛ́ɛ, dotin lɛɛ kpódó afɔtin lɛ́ɛ kpo, avɔ xé e ná sɔ́ ɖo xwé lɔ sin agbodenu ɖe, kan xé ená sɔ́ hɛn nú lɛ́ɛ nyí ɖó te lɛ́ɛ ɖe só lɛ́ɛ, nú xé e na zan bó sɔ wa wa azɔn nyi do Mawu xwegbe ɖe kpódó xé é na zan ɖo cɔcixɔ lɔ mɛ lɛɛ de kpó. ⁴¹ Awú xé e nɔ sɔ́ wa azon nyi ɖo cɔcixɔmɛ lɛ́ɛ ɖe, avɔsanamawutɔ Alɔ́ɔn tɔn lɛ́ɛ, kpódó awu xé vi ɔ lɛ́ɛ na dó bo sɔ́ wazɔn lɛɛ ɖe kpo/ ⁴² Izlayɛli vi lɛ́ɛ blo nú lɛ́ɛ bɔ é sɔgbe ɖe ná xé ná mavɔmavɔ ɖɔ ná Mɔyizi gbwɛn lɛ́ɛ ɖe bí. ⁴³ Mɔyizi kpɔn azɔn xé yé wa lɛɛ ɖe bi bo mɔ ɖɔ yé bló nú lɛ́ɛ bi ɖi na xé na Mavɔmavɔ ɖɔ gbwɛn ɖe bɔ Mɔyizi xó doná ɖɛ ná yé.