¹ Besalɛli sɔ kasyatín sɔ bló vɔsakpê nyi. Ada untɔ́n lɛ́ ɖokpo ɖokpo ɖi aga mɛtya awe kúfán, bɔ jí yiyi untɔ́n nyi mɛta ɖokpo kú fán. ² É bló vɔsákpè lɔ́, bɔ e ɖo azo ɖo azoji enɛ lɛ́ ɖokpo nɛ, bɔe fún ganvɛɛ dóe. ³ É sɔ ganvɛɛ sɔ bló nu xe e no zán ɖo vɔsákpé lɔ́ jí lɛ́ ɖé nyi: agban xe mɛ afínfín nɔ kɔn ɖó lɛ́ ɖé, pɛ́li lɛ́, agban lɛ́, gafú lɛ́ kpó nu xe mɛ e nɔ mɛ nu nyɔwán te lɛ́ ɖé kpó. ⁴ Ébló ganvɛɛ ganja ɖokpo ná vɔsakpé lɔ́, e sɔ ganja lɔ́ sɔ ɖó vɔsakpé lɔ́ glɔ́, bɔ ji yiyi untɔ́n wá vɔsakpê lɔ́ sín mamɛ́. ⁵ É bló alogan ganvɛɛ tɔ́n enɛ bó so ɖó ganvɛɛ ganja lɔ́ sí azoglolamɛ enɛ lɛ́, bó sɔ kpotín gaa lɛ́ gbɔn ɛ mɛ. ⁶ E kpa kasya kpótín awe bo kɔn ganvɛɛ ɖó yé wú. ⁷ E sɔ kpótín lɛ́ sɔ gbɔn alɔgan lɛ́ mɛ ɖo vɔsakpê lɔ́ sín akpaxawé awe bo nɔ sɔzée nyi E sɔ kpótin sɔ bló enyi bɔ xomɛ untɔ́n ɖo vɔn. ⁸ E sɔ ganvɛɛ sɔ bló agban ɖokpo kpó afɔtín xe ji esɔ ɛ flɛn ɖe kpó; nyɔnú xe nɔ kplétá ɖo xolihɛ́nnú goxɔ lɔ́ tɔ́n ɖ̀ sín wunmɛkpɔ́nnú wɛ esɔ bló nú nɛlɛ nyi. ⁹ Kɔxó tiin ná goxɔ lɔ́ káká bo lɛ́ ɖó, bɔ esɔ linlɔ́nvɔ xe dɛ ganjí ɖé lilɛ́ dó e. Avɔ xe esɔ lilɛ dó kɔxó lɔ́ ɖé ɖi aga mɛtá kanɖé wó ɖo goxɔ lɔ́ sín afɔligbé. ¹⁰ Ɖotín kó wú wɛ esin avɔ lɛ́ ɖó, bɔ dotín ɖokpo ɖokpo lɛ̀ kpó afɔ́ lɛ́ kpó nyi. Akwɛgan wɛ e sɔ bló klɔcé xe ɖo dotín lɛ́ wú ɖé kpó gankpo xelɛ́ ná hɛn dotín lɛ́ ɖé kpó nyi. ¹¹ Ɖo talígbé goxɔ lɔ́ tɔ́n ɔ, avɔ ló ɖó gaɖiɖi ɖokpo lɔ́, bɔ e sin gbɔn alɔkpa ɖélɛ́ tɔ́n há pɛ́ɛ, klɔcé lɛ́ kpó gankpo lɛ́ kpó lɔ́, akwɛgan wɛ esɔ bló yé nyi. Ɖo hweyixɔ kaxwé goxɔ lɔ́ tɔ́n lɔ́ avɔ xe e dó ɖo kɔxó ɖé glɔlogbló mɛ untɔ́n ɖi aga mɛtá koatɔɔn. ¹² E sin avɔ ɖó dotín wó wú, bɔ dotín lɛ́ ɖotín lɛ́ ɖokpo ɖokpo flɛn afɔtin ɖokpo ɖokpo ɖokpo jí. Klɔcé lɛ́ kpó gankpo lɛ́ kpó ɔ akwɛgan wɛ blóyé. ¹³ Ɖo hwezɛtɛn goxɔ lɔ́ tɔ́n ɔ, avɔ lɔ́ ɖi aga mɛtá koatɔɔn. ¹⁴ Avɔ xe e dó ɖo aɖisi mɛ agbo lɔ́ tɔ́n ɖé nyí mɛtá canwe kufán, bɔ dotín lɛ́ nyí atɔ́n bó ɖo afɔ́tín ɖokpo ɖokpo ji. ¹⁵ Avɔ xe e dó ɖo amyɔ mɛ agbo lɔ́ tɔ́n ɖé nyi mɛtá canwe kufan gá, bɔ dotín lɛ́ cán nyi atɔ́n bó ɖo afɔ́tín ɖokpo ɖokpo ji. ¹⁶ Avɔ xe e sɔ lilɛdó kɔxo lɔ́ ɖé kpóo wɛ nyi linlɔ́nkanvɔ xe dɛ kan ganjí ɖé wɛ e sɔ blo enyi. ¹⁷ Canvɛɛ wɛ e sɔ bló afɔ́tín xe ji dotín lɛ́ flɛn ɖé, bó sɔ akwɛgan sɔ bló klɔcé lɛ́ nyi ɖó dotín lɛ́ wú kpó kpotín yetɔ́n lɛ́ kpó nyi, súbúgan wɛ e kɔn nyí dotín sín támɛ. Dotín xe ɖo kɔxo lɔ́ bisese ɔ, kpotín xe e sɔ ganvɛɛ sɔ bló lɛ́ ɖé wɛ dɔn yé cá. ¹⁸ Avo xe e dó xwé lɔ́ sín xɔ́lihɛ́nnú ɖe ɔ́ linlɔ́n kan didɛ vɛɛ kpó vɛɛ cɛcɛ kpó wɛ esɔ ko enyi, bɔ é ɖi aga mɛtá wó, bó yi ji mɛtá awe kufán ɖi avɔ xe dó lɛdó kɔ́xó lɔ́ ɖé ɖɔhun. ¹⁹ Ganvɛɛ wɛ esɔbló dotin enɛ lɛ́ kpó afɔ́tín enɛ xe jí dotín lɛ́ flɛn ɖé kpó nyi, súbúgan ɖó tamɛ ná yé. ²⁰ Ganvɛɛ wɛ e sɔ bló dotin goxɔlɔ́ tɔ́n lɛ́ kpó koxo tɔ́ bi nyi. ²¹ Kɔ́bá xe è zán dó goxɔ xe mɛ e ná sɔ akɔjijɛwémá lɔ́ ɖó ɖé ɖie. Levii vi lɛ́ wɛ bló akƥonwuntá lɛ́ alexé ná Mɔyizi ɖɔ gbɔn ɛ ɖé. Itamáa, vɔsanú xwlémawutɔ́ Aalɔɔ ví ɔ́ lɔ́ wɛ nɔ nu. ²² Besalɛli wulii vi ɔ, húu vívú bló nu xé Mawu mavɔmavɔ ɖɔ ná Mɔyizi lɛ́ ɖé bi xléxlé akɔ́ta Juda tɔn mɛ wɛ é jɔ té. ²³ Oxoliyavu, Axisamaki ví ɔ́ wɛ́ dalɔ ɛ; akɔ́tá dan tɔn mɛ wɛ é jɔ́ te, é nɔ́ ɖe nú ɖó avɔ mɛ; é nɔ́ kó avɔ vɛɛ lɛ́, avɔ vɛɛ cɛ́cɛ́ lɛ́ kpó linlɔ́n kan kpó. ²⁴ Siká xe e zán ɖó azɔ́n goxɔ lɔ́ tɔ́n wú ɖé bibló kilo afɔ́ enɛ kanɖé gbantɔɔn nukún awe bɔ glamu afɔɖé kanwekó jɛji; nudagan xɛ è nɔ sɔ da nu nyi ɖo cɔ́cixɔ mɛ ɖé wɛ è sɔ daɛ́ nyi. ²⁵ Súbúgan amɛ xe è xya lɛ́ ɖé tɔ́n bló kilo afɔ́wó afátɔ́n afɔ́tɔn nukún awe kpó glámu núwɔntɔn kantɔ́n gban kpó, nudagan xe nɔ sɔ da nú nyi ɖo Mawu xwé gbé ɖé wɛ è sɔ da ɛ nyi. ²⁶ Súnnú xe ɖó xwe bɛ́sín kó sɔ yi nukɔn lɛ́ ɖé bo ko ɖo amɛ xe e xya lɛ́ ɖé mɛ ɖé ɖokpo ɖokpo ná kɔ́ba glamu atɔ́ɔn, yé amɛ xe ná lɛ́ ɖé bi xwii yi agbɛtɔ́ adɔkpo gban afɔ afɔtɔ́n nukún awe bɔ kantɔn gban jɛɛ ji/ ²⁷ Súbúgan kilo afɔton wɛ è zán bó sɔ bló afɔ́tín kanwe kó xe ji dotín goxɔ lɔ́ tɔ́n flɛ́n ɖé kpó afɔtín xe jí xɔmɛgbovɔ lɔ́ flɛ́n ɖé kpó nú lɛ́ ɖokpo no da kilo gban. ²⁸ É sɔ súbúgan kilo afɔtɔn nukún awe glamu nuwɔntɔn kantɔn gban xe kpo ɖe sɔ bló klɔce dotín lɛ́ tɔn, gankpo yétɔ́n lɛ́ kpó tamɛ ytɔ́n lɛ́ kpó. ²⁹ Ganvɛɛ xe Izlayɛli ví lɛ́ ná ɖé ɖé bi bló kilo afɔwó kantɔn nutún enɛ. ³⁰ Ganvɛɛ nɛ wɛ e sɔ bló só xe ɖo goxɔ lɔ́ sin ali nu lɛ́ ɖé nyi, bó bló vosisakpé lɔ́ kpó ganja untɔ́ kpó, kpó nu xe e nɔ zán ɖo vɔsisakpé lɔ kɔ́n lɛ́ ɖé kpoo kpo. ³¹ U wɛ e sɔ bló dotín xe e sɔ glɔ̀n kɔxo lɔ́ lɛ́ sín dotín lɛ́ sí, dotín agbo lɔ́ tɔ́n lɛ́ sin afɔ́tí lɛ, agbo lɔ́ sín dotín lɛ́ sín afɔ́tín lɛ́, só goxɔ lɔ́ tɔ́n lɛ́ kpó dotín xe e sɔdjɔn kɔ́xó.