¹ Ganɛmɛ ɔ Mɔyizi ɖo nukun kpe do asi ɔ tɔ Jetlo vɔsanamawutɔ madyanitɔn sin gbɔlɛ wu ɔ Gbeɖokpo wasu bɔ e kplan gbɔlɛ hɛnyi zogbelɔ gido bo wa so mawu tɔn kɔn ɖo Holɛbu . ² Awɛnsagun mawu mavɔmavɔ tɔn wa ze ɖo nukunmɛ na ɛ ɖo myɔ ɖe mɛ ɖo atinlɛ tɛntɛn mɔyizi ɖo kpɔn bɔ wuɖye zunvilɔ bi wɛ ɖo myɔmɛ co nuɖe kaɖo myɔ ji ă . ³ Mɔyizi ɖɔ : un na lɛkɔ yi kpɔn nudoxlɛ amɛ xe bɔ nɔwutukɛ zunlɔ maɖo myɔ ji ă . ⁴ Xe mawu mavɔmavɔ mɔɖɔ e lɛkɔ bonawa kpɔn nuxe e ɖo mɔɖe ɖe ɔ uwɛ mawu ylɔ ɛ ɖo zunvilɔ mɛ boɖɔ : mɔyizi mɔyizi bɔ e yigbe boɖɔ nyɛ ɖye . ⁵ MAWU ɖɔ : Nɔkpɔn a kisiya fi bo ɖe afɔkpa towelɛ sin afɔ towelɛ ɖó atɛn xemɛ a te ɖe anyigba mimɛ wɛ . ⁶ Mawu lɛ ɖɔ kee : Nyɛ wɛ nyi mawu atɔwe tɔn , nyɛ wɛ Ablahamu , Izaki , kpo Jakɔbu kpo nɔ sɛn Mɔyizi sɔ nu cɔn nukunmɛ ɖó e ɖibu ɖɔ we nakpɔn mawu nukunmɛ . ⁷ Mawu mavɔmavɔ ɖɔ : Un mɔ y axe togun ce Izlayɛli ɖo ji ɖo Ejipu ɖe , bɔ un se axwa xe e ɖo do ɖo kɛntɔ untɔn untɔnlɛ nukɔn ɖe , ɖo un nyɔ vivɛsise untɔnlɛ nyi ⁸ Un jɛte bona hwlɛn ɛn sin Ejipunulɛ sin alɔmɛ bɔ un na kplan ɛn hɛnyi to ɖaxo ɖagbwe ɖagbwe ɖe mɛ to xe mɛ anɔsin kpo winsin kpo ɖo tɔsa te ɖe ɖo to xe mɛ kananulɛ hetinulɛ , Amolinulɛ , Felezinulɛ , Hevinulɛ , kpo jebusinulɛ kpo nɔ nɔ ɖe . ⁹ Kpɔn u ɖye axwa Izlayɛlivilɛ tɔn wa kaka daliye , bɔ un mɔ y axe Ejipunulɛ ɖo do na yee ɖe . ¹⁰ Din ɔ yi un zɔn we ɖàhlan Falawɔn de , bɔ a na kplan togun ce Izlayɛli tɔnsin Ejipu . ¹¹ Mɔyizi ɖɔna mawu ɖɔ mɔ ɖe : Amɛnɔkɛ un nyi bona yi Falawɔn de bo na kplan Izlayɛlivilɛ sin Ejipu . ¹² Mawu ɖɔmɔɖe : Un na nɔ kpɔ xɛwe ; bɔ e na nyi gesi ɖe ɖo awuwe ɖɔ nyɛ wɛ zɔn we ɖohlan : Nɛ a kplan togunlɔ sin Ejipu lɔ mi na wa azɔn na mawu ɖo so xe ji . ¹³ bona ɖɔna yee ɖɔmɔɖe : mawu miitɔlɛ tɔn ɖowun ɖohlan mi de ; nɛ ye ka kan nyikɔ untɔn byɔ ɖé nakɛ un na ɖewu na yee gbwɛn . ¹⁴ Mawu ɖɔna mɔyizi ɖɔmɔɖe : Amɛ xe un nyi ɖe wɛ un nyi e lɛɖɔ kee ɖɔmɔɖe : Alexe a na ɖewu na izlayɛlivilɛ xwe ɖe ɖye : Amɛxe e nɔ ylɔ ɖɔ un nyi ɖe wɛ zɔnwun ɖohlan mi de . ¹⁵ Mawu ɖɔna mɔyizi keeba ɖɔmɔɖe : A na ɖɔna Izlayɛlivilɛ ɖɔmɔɖe : Mawu mavɔmavɔ mawu miitɔɔlɛ tɔn , mawu ablahamu tɔn , mawu Izaki tɔn , kpo Mawu Jakɔbu tɔn kpo wɛ zɔnwun ɖohlan mi de nyikɔ ce nɛ kaka sɔhɛnyi kakasa nyikɔ ce nɛ sin jijimɛ yi jijimɛ . ¹⁶ Yi kple amɛɖaxo Izlayɛli tɔnlɛ bo ɖɔ na yee ɖɔmɔɖe : Mawu mavɔmavɔ mawu miitɔɔlɛ tɔn wɛ tɔn ɖo jiye mawu Ablahamu , Izaki , kpo Jakɔbu tɔn kpo e ɖɔmɔɖe : Un mɔ mi , bɔ un mɔ nuxe e ɖo wa xɛ mi ɖo Ejipu ɖe . ¹⁷ Bɔ un ɖɔmɔɖe un nakplan mi sin Ejipu fixena mi ɖo yaji te ɖe sɔyi Kananulɛ ,Hititilɛ , Amɔlitilɛ , Pɛlizilɛ , Hivitilɛ , kpo Jebuzinulɛ kpo tomɛ fixena anɔsin kpo wiinsin kpo nɔ satɔ te ɖe . ¹⁸ Izlayɛlivilɛ naɖoto we bɔ hwi kpo amɛɖaxo izlayɛli tɔnlɛ kpo nayi Ejipu sin axɔsulɔ de bɔ mi na ɖɔ na ɛ ɖɔmɔɖe : Mawu mavɔmavɔ mawu eblelɛ ton sɔ aɖeke ɔ doxlɛ mi nagbe mii na mazin azan atɔn zɔnlin ɖo zogbelɔ ji bona savɔ na mawu mavɔmavɔ mawu mitɔn . ¹⁹ Un nywɛnyi ɖɔ axɔsu Ejipu tɔn kana jo mido kpɔn gbeɖe ɖɔ mi nɛyi nɛ manyi kpo hlɔnhlɔn kpo ă . ²⁰ Un na drɛn alɔ ce bɔ un nado nu asin xɛ yee kaka kpo azɔn dobu xe un naɖo wa ɖo tolɔ mɛ ɖe kpo nɛ gido ɔ e najo mido bɔ mi nayi . ²¹ Un na kpɔn alɛnu na togun xe ɖo ejipunulɛ sin nukunmɛ bɔ nɛ mi nayi lɔ mikana yi asivɔ alɔvɔ ă ²² Izlayɛli nyɔnulɛ ɖokpo ɖokpo nabyɔ nuxe e sɔ sikagan alo kɔbagan sɔ blo e nyilɛ ɖe ɖo nyɔnu xe ɖo xwe yetɔn kpa alo xwe yetɔngbelɛ ɖe si kpo nudido kpo bɔ sunnuvilɛ kpo nyɔnuvi mitɔnlɛ kpo nahɛn bɔ mi na vɔ nuzinzan Ejipunulɛ tɔn bi .