¹ Levinu sunnu ɖokpo ɖe levinu nyɔnu ɖokpo. ² Nyɔnnu lɔ mɔxo boji sunnuvi ɖokpo e mɔ ɖɔ enyɔ hwankpɛ bɔ e sɔ ɛ sɔhwla na sun atɔn. ³ Makpewu hwlɛ ba wutulɔ eblo kisi ɖokpo kpo atin xenyi fantin ɖe kpo bosi gudlɔn kpo lanfun kpo do e bosɔ vilɔ demɛ bosɔyido fankanmɛ. ⁴ Vilɔ sin dada ɖote ɖo zɔ bonakpɔn nuxenajɔ deji ɖe. ⁵ Falawɔn sin vi nyɔnu wa nukunmɛfungbe ɖo tɔlɔ to bɔ gbɛ untɔnlɛ ɖo saɖi gbɔn tɔlɔ kpa bɔ e mɔ kisilɔ ɖo fantɛn boylɔ amɛsɛntɔ untɔn ɖɔ nɛ swɛ hɛnwa nawe ⁶ Bɔ e hun in bo mɔ vilɔ demɛ bɔ enyi sunnuvi boɖo avivi i ezun alɛ nɛ bɔ e ɖɔmɔɖe eblenulɛ sin sunnuvi ɖokpo ɖye . ⁷ Vi lɔ sin dada ɖɔna falawɔn sin vi ɖɔmɔɖe e jlowe ɖɔ m:ayi eble nyɔnulɛ mɛ boyi din amɛxe nakpewu na anɔ vi lɔ ɖe hɛnwa ? ⁸ Falawɔn sin vi lɔ nɛ ɛ gbe boɖɔ yi bɔ nyɔnuvilɔ yi boyi kplan vinɔ hɛnwa ⁹ Xe nyɔnulɔ wa ɖe falawɔn sin vi ɖɔ nɛ ɖɔ: sɔ vi xe yi xwe bo nɔ nɛ anɔ un na su axɔ untɔn nawe bɔ nyɔnulɔ yi vilɔ bo nɔ nɛ anɔ . ¹⁰ Xena vilɔ hwɛn ɖe nyɔnulɔ kplan ɛn hɛnwa na falawɔn sin vilɔ bɔ e yi i ɖi vi untɔn sunnuvi ɖɔwun bɔ e nɛ ɛ nyikɔ ɖɔ Mɔyizi ɖo tɔmɛ asinmɛ wɛ un ɖeesin ¹¹ Gannɛmɛlɔ Mɔyizi ko hwɛn bo wayi nɔviɔlɛ de boyi mɔ azɔn syɛnsyɛn xe yeɖowalɛ ɖe bɔ e mɔ Ejipunu ɖokpo ɖo nɔvi ɔ Eblenu ɖokpo xo ¹² . E kpɔn aɖisi bokpɔn amyɔn bɔ xe mamɔ amɛɖe ă ɖe e hu Ejipuulɔ bodɔn kɔ ɖeji bosɔhwla ¹³ E tɔn ɖo azan ɖevo gbe bomɔ Eblevilɛ awe ɖo geji yeɖekelɛ nu e ɖɔna amɛxe ɖo ahwɛ gblegble ɖe ɖɔ: nɔwutu a ɖo awegɔɔ towe xo ? ¹⁴ Nya lɔ yigbe nɛ ɛ ɖɔ nɔkɛ ɖowe ahwɛɖɔtɔ ɖo mi i nu ? a vɛdo wenakpewu hu nyɛcan ɖi alexe a hu Ejipunulɔ xweɖe wɛ sin ? Mɔyizi ɖibu boɖɔ hun amɛɖe nyɔ nuxe un wa ɖe nyi . ¹⁵ Falawɔn se nuxe jɔ ɖe bojɛ ali din ji bona hu mɔyizi bɔ mɔyizi hɔn sin to untɔn mɛ bowayi madyani sin tomɛ bo yiflɛn tɔ ɖe to . ¹⁶ Vɔsatɔ mawutɔn xe ɖo madyani ɖe ɖo nyɔnuvi canwe bɔ ye wa tɔnu asin ba gbe bo ba asin gɔ nuɖugban kanlinlɛ tɔn bo na na asin kanlin yeetɔ tɔnlɛ ganji . ¹⁷ Alɛngbɔkplantɔ ɖeelɛ wa bo nya yee gannɛmɛ wɛ mɔyizi site bojɛ avun ɖo ta yetɔnmɛ bɔ kanlin yetɔnlɛ mɔ asin bo nu ganji . ¹⁸ Xe yelɛkɔ yi xwe ɖe yetɔ Hlewiyɛli ɖɔ : ɖagbe mi yawu gbɔn ye e ? ¹⁹ Ye yigbe na ɛ ɖɔ : Ejipunu ɖokpo wɛ hwlɛn mii sin alɛngbɔ kplantɔlɛ sin alɔmɛ bolɛ ba asin na mii bo na bɔ kanlin mitɔnlɛ nu asin ganji . ²⁰ E ɖɔ na nyɔnuvi untɔnlɛ ɖɔ flekɛ ete ? nɔ wutu mijo amɛ nɛhaa do ? mi ylɔ ɛ hɛnwa na e bonyi nuɖuɖu ɖejan lɔ e naɖu . ²¹ Xe mɔyizi lɛkɔ wa ɖe e sɔ gbeta ɖɔ we naci nyalɔ de bɔ e na ɛ vi ɔ nyɔnuvi xe e nɔ ylɔɖɔ sefola ɖe bɔ e da . ²² E ji sunnuvi bɔ mɔyizi na ɛ nyikɔ ɖɔ Gɛɛcɔmu e ɖo ɖɔ amɛjlo wɛ un nyi ɖo amɛɖevo sin tomɛ . ²³ Xwe susu wayi gidolɔ Ejipu xɔsu wa ku bɔ izlayɛlivilɛ kpoɖo awuvɛse ɖo kannumɔgbenu zɔnlɛ mɛ bɔ ye kpa abobo syɛnsyɛn abobo xe na hwlɛn yee sin kannumɔgbenu ɖe bɔ eyi kaka mawu de ²⁴ . Mawu se aɖukunɖuɖu yetɔnlɛ boflin akɔjijɛ xe e blo xɛ Ablaxamu , Izaki . kpo Jakɔbu kpo ɖe . ²⁵ Mawu kpɔn izlayɛlivilɛ kaka bɔ eblawu na ɛ