¹ Mawu mavɔmavɔ lɔ ɖɔxo na mɔyizi boɖɔ : ² ɖɔna Izlayɛlivilɛ ɖɔ ye nɛ hɛn nu bowa nawun amɛxelɛ wɛ na hɛnwa kpo ji ɖagbwe kpo ɖe a na yi ɖo yeesi . ³ Nuxe mi nayilɛ ɖe ɖye : sika , akwɛ , kpo ganvɛɛ kpo . ⁴ Avɔ blɔsinmɛ , avɔ vɛɛ , avɔ vɛɛ cɛcɛcɛ , lokpovɔ kpo avɔ gbɔfunnɔ kpo . ⁵ Avɔ gbɔfunnɔ xe ɖo asinmɛ vɛɛ ɖe kpo xe ɖi akasyatin ɖɔwun ɖe kpo . ⁶ Bonayi ami xe nɔ nɔ kanlingbɛn mɛ ɖe , ami nyɔwan xe e nɔ do ta na amɛ ɖe kpo ami xe e kɔn ɖo celu mɛ ɖe kpo ɖo yeesi . ⁷ Mi nayi kpɛn ɖagbeɖagbe xe e nɔ ylɔɖɔ Onisu ɖe kpo kpɛn ɖagbeɖagbe ɖevolɛ kpo ɖo yeesi kpɛn nɛlɛ wɛ naɖo acɔ na vɔsakpɛn lɔ . ⁸ Ye natun xɔ nawun bɔ un nanɔ ɛn mɛ ɖo atɛntɛn mɛ na yee . ⁹ Mi na tun goxɔ ɖokpo kpo nuxe nɔ nɔ ɛ mɛlɛ ɖe kpo sɔgbɔn alɔkpa xe un na doxlɛ we ɖe . ¹⁰ Ye na blo aɖaka ɖokpo kpo kasyatin kpo bɔ e na ɖiga mɛta awe adaɖe bo nagblo mɛta ɖokpo adaɖe bo nayiji mɛta ɖokpo adaɖe . ¹¹ A na sɔ sika sɔ lɛdwe bi gbɔn xomɛ kpo ago kpo bo nalɛ blo gbɔn tomɛ tomɛ na ɛ bi . ¹² A na blo sika sin alɔgan enɛ bo nasɔ ɖo ada enɛlɛ ji awe nanɔ akpa ɖokpoxwe awe na lɛ nɔ akpa ɖelɔ . ¹³ A na kpa kpotinlɛ kpo akasyatin kpo bo nasɔ sika lɛdwe . ¹⁴ A nasɔ kpotin lɛ gbɔn alɔganlɛ mɛ ɖo adalɛ ji na aɖaka lɔ bɔ e na nyi alɔhɛntɛn xe ye nanɔ sɔ ze aɖaka lɔ nyi ɖe ¹⁵ Kpotinlɛ naɔ alɔganlɛ mɛ bɔ e ka naɖe yeesin in gbeɖe ă . ¹⁶ Un na sɔ kunnuɖiɖe de nawe bɔ a na sɔdo aɖaka lɔ mɛ . ¹⁷ A nablo sika nusu ɖokpo ɖo aɖaka lɔ nu bɔ e na ɖiga nujlɛkpo awe adaɖe bo nagblo mɛta ɖokpo adaɖe . ¹⁸ A nablo wɛnsagunjɔmɛ awe kpo sika kpo A na blo e xɛ sika xe e nya ɖe ɖo dohwin awelɛji na aɖakalɔ sin nusu . ¹⁹ A nablo awɛnsagunjɔmɛ lɔɖo dohwinlɛ bi ji kpo dohwin ɖelɔ kpo ga mi nablo nutita ɖo tintɔnmɛ na nusu lɔ ɖo dohwin awelɛ ji . ²⁰ Awɛnsagunjɔmɛlɛ nadrɛn awa yetɔnlɛ bo nasɔ cɔn aɖaka nusu lɔ bi ji bɔ ye kpannukɔn yeeɖekelɛ bɔ awɛnsagunjɔmɛlɛ na kpannukɔn alɛnuɖaka lɔ . ²¹ A nasɔ alɛnuɖaka sin nusu lɔ su aɖaka lɔ nu bo nasɔ kunnuɖenu xe un na ɖɔ nawe ɖe sɔ demɛ ²² Atɛn nɛmɛ wɛ un na dogowe te ɖo aɖakanusu lɔ sin tamɛ ɖo awɛnsagunjɔmɛ awe xe ɖo alɛnuɖakanusu lɔ jilɛ ɖe tɛntɛn osɛn xe Izlayɛlivilɛ nanyi ɖe flɛn wɛ un nado yee nayee te . ²³ Bɔ a nasɔ sika adodwe sɔ lilɛdwe bonasɔ sika sɔgbɔn tomɛ na ɛ bi . ²⁴ Bɔ a nablo tolɔmɛ lɛdo bi bɔ gblogblomɛ untɔn nablo alɔvi enɛ bɔ a nakɔn sika dewu bi . ²⁵ Bɔ a na blo tomɛ lɛ ɖo bi bɔ gblogblomɛ untɔn na blo alɔvi enɛ bɔ a na kɔn sika dewu bi . ²⁶ A na blo sika sin alɔgan enɛ bɔ a na sɔ alɔgan lɛ ɖo azo enɛ lɛ ji bo na nɔ afɔ enɛ lɛ wu . ²⁷ A lɔgan lɛ nanɔ tomɛ tomɛlɛ bona hɛn kplɔn lɔ sin afɔtinlɛ ²⁸ A na kpa kasyatin bonasɔ sika lilɛdo e bi bɔ ye nanɔ sɔ ze kplɔn lɔ nyi . ²⁹ A na blo agbangbajɛ , kɔkpo , ozɛn kpo asinnugban kpo bɔ ye na nɔ zan ɖo ahwan bibɛ hwenu sika adodwe wɛ a na sɔ blo nu nɛlɛ binyi . ³⁰ A na nɔ sɔ kpɔnnɔ ɖo kplɔn lɔ ji tɛgbɛɛ ɖo nukɔn ce kpɔnnɔ kana han deji gbeɖe ă . ³¹ A na blo kanlingbɛnhɛnnu ɖokpo bɔ e na sɔ sika lilɛ do e bɔ e na ɖo ala canwe afɔ untɔnlɛ awa untɔnlɛ tetin untɔnlɛ bi nanyi nu ɖokpolɛ . ³² Ala anyizɛn wɛ tɔnsin kanlingbɛnhɛnnu lɔ wu atɔn tɔnsin akpa ɖokpowxe bɔ atɔn tɔnsin akpa ɖe ɔ xwe . ³³ Nu xemɛ wɛ flawa nɔtɔnsin ɖe atɔn nanɔ akpa ɖexwe bɔ atɔn mɔke nanɔ akpa ɖevo xwe mɔ lɔ pɛɛ nanɔ akpa anyizɛnlɛ bi xwe bona tɔnsin kanlingbɛnhɛnnu lɔ wu . ³⁴ Kanlingbɛnhɛnnu lɔ nahɛn flawahɛnnu enɛ kpo flawalɛ kpo ɖokpo ɖokpo . ³⁵ Ala anyizɛnlɛ bi naɖo flawahɛnnu awe awe . ³⁶ Nu xemɛ wɛ flawa nɔtɔnsin ɖe kpo ala untɔnlɛ kpo nanyi nu ɖokpo e lɛ pɛpɛpɛ bɔ e na blo e kpo sika bute adodwe kpo . ³⁷ A na blo kanlingbɛn canwe bona sɔ ɖo yeeji bɔ atɛn lɔ mɛ nahɔn . ³⁸ Nu xe e nɔ sɔ bɔ myɔ nyi lɛ ɖe kpo nuxemɛ afinfin nɔkɔnyi lɛ ɖe kpo biwɛ e nablo kpo sika adodwe kpo . ³⁹ Sika adodwe wɛ e nasɔ blo kanlingbɛnhɛnnu lɔ kpo nuxe dewu lɛ ɖe kpo nyi . ⁴⁰ Kpɔn bo blo ganji ɖi naxe un ɖo doxlɛwe ɖo so lɔ ji xwe ɖe ɖɔwun .