ATCHAMADO_BEN-kqk_exo_text

Ta 24

¹ Mawu ɖɔ na Mɔyizi ɖɔ: yi mavɔmavɔ lɔ dé, hwi kpo Aalɔn kpo, Nàdàbu, kpo Abicu kpo, sɔ kpé na àmɛ gaxóxó kanɖé gban ɖó Izlàyɛli vi mɛ, bɔ mi na yi lità ànyi ɖó zɔ. ² Mɔyizi ɖókpo géé yi mavɔmavɔ lɔ sin nukun mɛ; àmɛ xé kpo lɛ ɖé kà sɛ kpɔɛ à, moké tógun lɔ kà xódwé à. ³ Mɔyizi lekɔ wà, bɔ ɖó mavɔmavɔ lɔ sin gbé lɛ bi na Togun lɔ kpo osɛn untɔn lɛ kpo, togun lɔ bí yi gbé ɖó hànu bo ɖɔ: mi na blo nuxé wɛ mavɔ mavɔ ɖɔ lɛ bi. ⁴ Mɔyizi wlan mavɔmavɔ lɔ sin xó lɛ bi, bɔ din loɔ, éfɔn ɖó fifɔnme zanflun tɛɛn; é blo avɔsakpɛn ɖókpó ɖó ósó lɔ sin glɔ, é blo aévɔsà kpɛn wuiawé na àkɔtà wuiawé xé nyi Izlàyɛlitɔn lɛ ɖé. ⁵ Ézɔn ɖékàjɛ vi lɛ kpo wɔkpovi lɛ kpo, bo ɖɔ yé nɛ yi blo àvɔsisà miɔtɔn na Mawu mavɔmavɔ lɔ, bo na hú anyibu bo na sɔ sàvɔ xé nyi àmɛnu vɛvɛ tɔn ɖé nyi. ⁶ Mɔnyizí so àhun lɔ sin maɖó àwé sín àkpá ɖokpo, bo kɔnnyi àvɔsisà le wú. ⁷ Ésɔ àkɔjijɛ wéma lɔ, bo xiɛ do togun lɔ bi sin nukɔn, mi na blo nuxé wɛ Mawu mavɔmavɔ lɔ ɖɔ ɖé bi, bo na sétonu nɛ. ⁸ Mɔnyizi sɔ àhun lɔ, bo mimidó togun lɔ wu, bo ɖo ɖɔ: unɖié àhun wɛ Mawu, mavɔmavɔ lɔ sɔ àjijɛ xɛ mi, di aélé xé éɖɔ gbuɛn gbɔn xóxɛ lɛ mɛ ɖé ɖo un. ⁹ Mɔnyizi yi kpo Aalɔn kpo, Nadàbu kpo Abixú kpo, sɔ kpé na Izlàyɛli sín àmɛgan xóxó kanɖé gban kpo. ¹⁰ Yé mɔ Mawu Izlayɛli tɔn, ɖó àfɔ untɔn lɛ glɔ, é kpàbà di sàfi ɖɔun, di jixwé ɖɔ un ɖó mimɛ untɔn mɛ. ¹¹ Kà dlɛn àlɔ untɔn ɖó hlan àmɛgan xóxó Izlàyɛli tɔn lɛ bà, yé mɔ Màwu, bɔ yé dú nu bo nú àhan. ¹² Mawu, mavɔmavɔ lo ɖɔ na Mɔnyizi ɖɔ; wà dàlié ɖó ósó lɔ ji, bo nɔ flɛn, un na nan yé ókplɔn ókpɛn tɔn, xéji wɛ un wlan sɛn célɛ kpo nu zon àme célɛ kpodó ɖé, bɔ mi kplɔn yé. ¹³ Mɔnyizi cité, kpo àmɛsintɔ untɔ josuwé ¹⁴ Éɖɔna àmɛgan xóxó lɛ ɖɔ: mi nɔté kpɔn mi ɖó fi, kàkà hwéxénu wɛ mi na le kɔ wà midéɖé. Aalɔn kpo xu kpo na na nɔ midé; ne àmɛɖé ɖó unɖé sin hudo lɔ, yé lɛ bɔ é na biɔ. ¹⁵ Mɔnyizi lià ósó lɔ ji, bɔ àkpɔkpɔ blà ósó lɔ bi. ¹⁶ Mɔnyizi lià ósó lɔ ji, bɔ àkpɔkpɔ blà ósó lɔbi. Gigó Mawu, mavɔmavɔ lɔtɔn nɔ ósó Sinayi tɔn ji, akpɔkpɔ blà dowé na àzan anyizɛn. Ɖó àzan cawé gɔ lɔ gbé lɔ, Mawu, lɔ wlɔ Mɔnyizi ɖó àkpɔkpɔ lɛ sin àtɛntɛn mɛ. ¹⁷ Izlayɛli vi lɛ kpà gigo na Mawu, mavɔ mavɔ lɔ kaka bɔ é cídi, miɔ ɖáxó ɖé ɖó jiɖó ósó lɔji ɖɔ un. ¹⁸ Mɔnyizi biɔ akpɔkpɔ lɔ me, bo lià ósó lɔjí Mɔnyizi nɔ óso lɔ ji na óklé kanɖé kpo ózan kpo.