¹ Izlayɛlivilɛ tɔnsin Ejipu sun untɔn atɔngɔɔmɛ pɛpɛpɛ wɛ yewanɔ sinayi sin zogbe lɔ ji . ² ye tɔnsin Hlefidimu bowa sinayi zogbeji bo nɔ zogbelɔ me Izlayɛlivilɛ nɔ flɛn ɖo sinayi sólɔ kpa . ³ Mɔyizi yi mawu de ɖo sóji bɔ mawu ylwɛ ɖo solɔji ɖo aga bo ɖɔ na ɛ ɖɔ a na ɖɔ xo xe na Jakɔbu sin xwedo kpo Izlayɛlivilɛ kpo . ⁴ Mi mɔ nuxe un wa ɖo Ejipu ɖe bo mɔ naxe un bɛ mi ɖo awa ce ji ɖi naxe gangan nɔ bɛ vi untɔnlɛ ɖe ɖɔwun bo kplan mi wa dalye . ⁵ Din ɔ enyi mise gbe ce bohɛn alɛnunu ce wu lɔ mi nanyi togun ce vivɛ ɖo togun ɖelɛ bimɛ ɖo anyigbalɔ bi wɛnyi ce . ⁶ Milɛ lɔ minanyi vɔsana mawu sin togun nawun bonanyi akɔta mimɛ xoxe a na ɖɔna Izlayɛlivilɛ ɖenɛ ⁷ Mɔyizi wa bo ylɔ amɛganxoxo tolɔ tɔnlɛ bo jɛ nukɔn yetɔn boɖɔ xolɛ naye ɖi naxe mavɔmavɔ ɖɔ na ɛ xwe ɖe ɖɔwun . ⁸ Bɔ togunlɔ bi ɖo gbe kpɔ boɖɔ : mi nablo nuxena mavɔmavɔ ɖɔlɛ ɖe bi bɔ mɔyizi yiɖɔ nuxe togunlɔ ɖɔ ɖe na mavɔmavɔ . ⁹ Bɔ mavɔmavɔ ɖɔna mɔyizi boɖɔ wuɖye un nawa wa daliwe bo nazɔn azizɔ ɖaxo ɖemɛ bɔ gannɛmɛlɔ togunlɔ nase gbece ɖo hwenu xe un ɖo xo ɖɔnawe ɖe bɔ yena ɖeji ɖo awuwe Mɔyizi ɖɔxo xe mavɔmavɔ ɖɔlɛ ɖe na togunlɔ . ¹⁰ Mavɔmavɔ ɖɔna mɔyizi boɖɔ : yi togunlɔ de bo srawu nayee yé kpo sɔ kpo na yenɛnya avɔ yetɔnlɛ ¹¹ . Yenɛnɔ gbesisɔmɛ azan atɔn ɖó azan atɔngɔɔgbe wɛ mavɔmavɔ najɛte ɖo togunlɔ bi nukunmɛ ɖo sinayi soji . ¹² A nado dohwin nayee lɛdo solɔ bɔ a na ɖɔna yee ɖɔ micɔ miiɖekelɛ na nɔkpɔn mi naxɛ solɔji alo minaɖo alɔ solɔ wu bo amɛɖekpekpe xe sɔ alɔtɔ solɔ ɖelɔ kuba naxo e . ¹³ Bɔ amɛɖe kanasɔ alɔ dewu ă mɔke amɛɖe kana nyihwan alo enaɖega do e ă kanlin wɛɛ alo agbɛtɔ wɛɛ ka nă nɔ agbɛ kpɔn ă ganxemɛ e nakunkpɛnlɔ ɖelɔ yeemɛbi nakisiwa solɔ kɔn . ¹⁴ Mɔyizi jɛte sin solɔji bowa togunlɔ de e srawu na togunlɔ bɔ yenya avɔ yetɔnlɛ . ¹⁵ Bɔ e ɖɔna togunlɔ boɖɔ : Azan atɔngbelɔ minɔ aceji nɔkpɔn mi na kisiya nyɔnu ɖekpekpe bo . ¹⁶ Azan atɔngɔɔgbe zanflun tɛɛnlɔ ji jɛ gbedo ji bonɔ kɛwun bɔ azizɔ ɖaxo kɔtɔɔɖe wa solɔ ji bɔ kpɛn ɖo nuɖɔ axwa lelele bɔ bujɛ togun xeɖoflɛn ɖe biji . ¹⁷ Mɔyizi ɖe togunlɔ tɔnsin fixe yejɛ agban ɖo ɖe na ye nayi dogo mawu bɔ yewa ci solɔ glɔ . ¹⁸ Azizɔ bla so sinayi tɔnlɔ bi ɖo nuxewutuwɛ ɖelɔ mavɔmavɔ kɛte ɖo myɔn tɛntn azizɔlɔ ɖo agayi ɖi azizɔ myɔn ɖaxoɖe tɔn ɖɔwun bɔ solɔ nɔdan gɛnnyigɛnnyi kpo hlɔnhlɔn kpo . ¹⁹ Kpɛn gbelɔ ɖo nuɖɔ kpo axwa syɛnsyɛn kpo Mɔyizi ɖo xoɖɔ bɔ mawu ɖo gbeyi na ɛ kpo axwa kpo. ²⁰ Mɔ wɛ mavɔmavɔ jɛte gbɔn ɖo sinayi soji ɖo solɔji aga mavɔmavɔ ylɔ Mɔyizi ɖo so lɔ ji aga bɔ e yi aga . ²¹ Mavɔmavɔ ɖɔ na Mɔyizi ɖɔ jɛte bo gbɛna Izlayɛlivilɛ ɖɔ nɔkpɔn ye na syɛnta bonadin nudo nakpɔn na amɛsusu amɛsusu nanyi kukutɔ ɖo yeemɛ bo . ²² Vɔsanamawutɔ xena kisiya mavɔmavɔlɛ ɖe lɔsu na srawu na yeeɖekelɛ bonɔ mimɛ ji na nɔkpɔn mavɔmavɔ nasɔ kuba sɔ xo yeenyi bo . ²³ Mɔyizi ɖɔna mavɔmavɔ ɖɔ togunlɔ ka kpewu bona xɛ sinayi solɔ ji ă ɖó a ko ɖɔna miiɖɔ minɛ do dohwin lɛdo solɔ bonɔ srawu na miiɖekelɛ ɖo tɔɖiɖiji ɖo flɛn . ²⁴ Mavɔmavɔ ɖɔna mɔyizi ɖɔ jɛte boyi kplan Alɔɔn na minawa solɔ ji vɔɔlɔ nɔkpɔn vɔsanamawutɔlɛ kpo togunlɔ kpo naɖɔ minaxɛ solɔji bonawa mavɔmavɔ de bo na nɔkpɔn kuba naxo yee bo . ²⁵ Mɔyizi jɛtewa togunlɔ de boɖɔ xolɛ na yee