¹ Jetro mɔyizi syɔtɔ madianu sin vɔsa na mawu tɔ se nuxena mawu wa mɔyizi kpo togun untɔn kpo ɖe , ɖo e se ɖɔ mavɔmavɔ ɖe izlayɛli tɔnsin ejipu to lɔ mɛ . ² Jetro mɔyizi syɔtɔ kplan sepɔla mɔyizi syɔ xe e ko nya san ɖe . ³ E kplan visunnu awe sepɔla tɔnlɛ can ɖokpo nɔnyi gelucomu ɖo mɔyizi ɖɔ un ɖo amɛɖevolɛ tomɛ . ⁴ Awegɔɔ nɔnyi elyezɛli ɖo e ɖɔ gannɛmɛ ɖɔ atɔye sin mawu hwlɛnwun bo yiwun sin adɛnkpe falawɔn tɔn si . ⁵ Jetro mɔyizisyɔtɔ kpo visunnulɛ kpo, mɔyizi syɔ kpo wa zunkanlɔ mɛ fixe ye ɖolilɛ do mawu sin slɔ teɖe . ⁶ E ɖɔ ɖohlan mɔyizi ɖɔ nyɛ asiwetɔ jetro un jya daliwe kpo asiwe kpo vi untɔn awelɛ kpo . ⁷ Mɔyizi tɔn yi asyɔtɔ de bo donudo bɔ e kisi na ɛ e kan lanmɛ yetɔnlɛ byɔ ɖokpoɖokpo bɔ yebyɔ goxɔ xemɛ mɔyizi te ɖe mɛ . ⁸ Mɔyizi ɖɔ nuxe mavɔmavɔ sɔ Falawɔn kpo to untɔn Ejipu kpo sɔ wanyi ɖe na asyɔtɔ kpo nuxe gbo izlayɛ ɖo ali lɔ ji lɛ ɖe kpo naxe mawu hwlɛn yee xwe ɖe kpo . ⁹ 09 Xomɛ hun jetro ɖo nuxena mawu mavɔmavɔ blo na Izlayɛli ɖe wu kpo ɖe xe e ɖe yee sin Ejipu ɖe kpo wu . ¹⁰ Bɔ jetro ɖɔ nyɔna wɛnyi mavɔmavɔ xe ɖe mi sin Falawɔn kpo Ejipunulɛ kpo sin alɔmɛ ɖe Ehwlɛn togun untɔn sin Falawɔn kpo togun untɔn kpo lɔmɛ . ¹¹ Un wa mɔ nukunnu jɛwu dinɖɔ mavɔmavɔ klo hu mawulɛ bi ; ɖo xomɛnyla Ejipunulɛ tɔn flijɛ yeelɔsulɛ ji . ¹² Jetro mɔyizi syɔtɔ sɔ vɔsisa numimɛ tɔn kpo tasɛkple tɔn kpo na mawu Alɔn kpo izlayɛli mɛganxoxolɛ kpo do alɔ nuɖuɖu lɔ mɛ ɖo mawu nukɔn xɛ jetro ¹³ Anyihɔngbe untɔn ɔ mɔyizi flɛn anyi boɖo kojoɖo na togunlɔ ɔ edewukakaa bɔ gbadasu bɔ amɛlɛ kpoɖo anyiflɛnflɛn . ¹⁴ Mɔyizi syɔtɔ kpɔn nuxeɖojɔ ɖo togunlɔ jiɖe bo ɖɔ : nɔkɛ a ɖo wa xɛ togunlɔ mɔha . ¹⁵ Mɔyizi yigbena asyɔtɔ boɖɔ togunlɔ wɛɖo dalye wa boɖo nudodin ɖo mawu de è . ¹⁶ Na ye ɖo xo alo nuwiwa ɖeelɛ lɔ yenɔ wa dalye bɔ un nɔ ɖɔgbo ɖö yee tɛntɛn bonɔ tin tito kpo sɛn mavɔmavɔ tɔn kpo mɛ na yee . ¹⁷ Mɔyizi syɔtɔ ɖɔ na ɛ ɖɔ : nuxe a ɖo wa ɖe kanyɔ ă . ¹⁸ Agbɔ nakpewe bona yawu kpe togun xe ɖo kpɔ xɛwe ɖo fi ɖe ɖo nulɔ klo bo huganwe hwiɖokpo kană kpewu ă . ¹⁹ Din ɔ ɖo towun un naɖo afɔ ɖokpo nawe nɛ mawu nɛnɔ xɛwe a nanyi gbesetɔ togunlɔ tɔn ɖo mawu de bonanɔ bɛ nuwiwalɛ hɛnyi mawu nukɔn . ²⁰ Kplɔn yẽee tito kpo sɛnlɛ kpo bona na bɔ ye nanyɔ alixe yena gbɔn ɖe nyi kpo nuxe yeɖona wa ɖe kpo nyi . ²¹ Kpɔn togunlɔ bimɛ bocan agbɛtɔ sɔgbe xenɔ ɖibusi mawu lɛ ɖe agbɛtɔ bute xe gbɛwanna ahizilɛ ɖe bosɔ ɖo nu nayee xwe alenyi ; kanweko donu wogan kanwekogan kanɖewogan kpo wogan kpos . ²² Yelɛ nɛnyi ɖɔgbotɔ ; hwɛɖɔtɔ na togunlɔ hwelɛbinu na yenɛnɔsɔ xo kpinkpɛnlɛ wa nawe bonanɔ gbo xo kpɛvikpɛvilɛ ɖo yee lɔsulɛ mɛ ɖe agban towe kpo na yenɛhɛn xɛwes . ²³ Nɛnyi a blo mɔha na mawu nawe gbetalɛ lɔ a na kpewu ganji bɔ togunlɔ can nazɔn vivomɛ yi fixe ye xwe ɖe . ²⁴ Mɔyizi se asyɔtɔ sin gbe b oblo ɖo nuxe e ɖɔlɛ ɖe bi jis . ²⁵ Mɔyizi can agbɛtɔ xewu agbɔ telɛ ɖe ɖo togun izlayɛli tɔnlɔ bi mɛ bo ɖo yee ɖo togunlɔ nu ; kanweko donu wogan kanwekogan kanɖewogan kpo wogan kpo . ²⁶ Ye nɔɖo kojo ɖona togunlɔ ganxixolɛ bi mɛ bo nɔsɔ xo syɛnsyɛnlɛ hɛnyi mɔyizi nukɔn bɔ yeelɔsulɛ nɔgbo xo kpɛvikpɛvilɛ . ²⁷ Mɔyizi ɖegbe na asyɔtɔ bo na ɛ ali bɔ jetro wayi to untɔn mɛ .