¹ Mavɔmavɔ ɖɔxo na mɔyizi ɖɔ : ² ɖe hwɛtɛtɛvilɛ bi ɖovo nawun hwɛtɛtɛvi xe ko nyi Izlayɛli tɔnlɛ ɖe bi agbɛtɔ can kanlin can bi wɛnyi ce . ³ Mɔyizi ɖɔna togunlɔ ɖɔ : Miflin azan nɛ xeji mitɔnsin ejipu ɖo amɛglɔninɔ kannu ɖe ɖó hlɔnhlɔnlɔ mavɔmavɔ tɔn wɛ e sɔ yi mii nyi mi kanã ɖu wɔfinfɔn bă . ⁴ ɖo yé jinukun lïsun mɛ wɛ miɖotɔnsin Ejipu boɖoyi . ⁵ Hwenuxe mavɔmavɔ nakplanwe bɔ a nayi byɔ kananulɛ, Etinulɛ , Amalinulɛ , Evyɛnulɛ kpo jebusinulɛ kpo sin to xe wu é tanu ɖɔ we nasɔ na atɔwelɛ ɖe to xe mɛ anɔsin ɖagbwe kpo winsin kpo ɖosa teɖe mɛ ɖelɔ a nasɔ sinsɛn xe na mawu ɖo sun xe lɔ pɛɛ mɛ . ⁶ A na ɖu wɔ xe mɛ wɔfɔnnu mayi ă ɖe kaka na azan canwe bɔ azan canwegɔɔ nanyi xwe na susu mavɔmavɔ tɔn . ⁷ Yẽ naɖu wɔ xemɛ wɔfɔnnu mate ă ɖe kaka na azan canwelɛ Amɛɖe kană mɔ wɔfɔnnu ɖo xwe twegbe ă mɔke amɛɖe kană mɔ ɖo fiɖekpekpe na to twe ă . ⁸ Nɛ lɔ a na ɖɔna vi twe ɖɔ : ɖo nuxena mavɔmavɔ blo nawun ɖo ganxemɛ un tɔnsin Ejipu ɖe tamɛ nukunɛeji flinflin nũ nɛlɛ tɔn wutu wɛ . ⁹ E naci ɖi gesi ɖɔwun ɖo alɔ towe mɛ bo nalɛ ciɖi nukunɖejinu ɖe ɖɔwun ɖo nukun towe ji na sɛn mavɔmavɔ tɔn nɛci nu towe mɛ ɖó sɔgbɔn hlɔnhlɔn lɔ untɔn mɛ wɛ e ɖewe sin Ejipu . ¹⁰ A nablo ɖo gbeta xe ji ɖo ganxixo xe eɖɔ ɖe ji sin xweɖe sɔyi xweɖe tɛgbɛɛ ¹¹ Hwenuxe mavɔmavɔ nakplanwe byɔ kannanulɛ tomɛ ɖi naxe e tanu bo ɖɔna hwilɔsu kpo atɔwelɛ kpo xwe ɖe ɖɔwun ɖɔ we nasɔ do alɔmɛ nawe . ¹² A naɖe hwɛtɛtɛvilɛ bi ɖovo na mavɔmavɔ kakajɛ kanlinlɛ sin hwɛtɛtɛvilɛ ji lan xe ɖo asiwelɛ ɖe sin hwɛtɛtɛvilɛ bi nɛnyi mavɔmavɔ tɔn . ¹³ A na sɔ alɛngbɔvi ɖokpo huzu tanyi na sɔ akɛtɛvilɛ nɛ a mablo mɔ ă lɔ a nagba azogido na yee a na xɔta na agbɛtɔvi hwɛtɛtɛtɔnlɛ ɖo vï towelɛ mɛ . ¹⁴ Bɔ gan xemɛ visunnu towe nakabyɔwe gbeɖokpo ɖɔ nɔwutukɛ jaa ɖe lɔ a naɖewu na ɛ ɖɔ mavɔmavɔ sɔ alɔ syɛnsyɛn untɔn sɔ hwlɛn mïi nyi sin Ejipu amɛglɔninɔ kannu . ¹⁵ Bɔ xena Falawɔn ɖo tasyɛn boma din na jo mïi do ă ɖe lɔ mavɔmavɔ na bɔ hwɛtɛtɛvilɛ bï ku ɖo tolɔ mɛ sin agbɛtɔvilɛ ji sɔhɛnyi kanlinlɛ ji ɖo Eqjipu to lɔ mɛ nɛwutu wɛ un nɔ sɔ ian celɛ ɖekpekpe sin hwɛtɛtɛvi asu savɔnyi na mavɔmavɔ bo nɔ xɔta na hwɛtɛtɛvi sunnu celɛ . ¹⁶ E naci gesi ɖɔwun ɖo alɔ towe ji aloi ungonu nawe bɔ a nanɔ flinɖɔ hlɔnhlɔnlɔ mavɔmavɔ tɔn wɛ e sɔ ɖe mïinyi sin Ejipu . ¹⁷ Hwenu xe Falawɔn ɖe alɔ sin togunlɔ wu ɖɔ nɛyi ɖe lɔ mawu kakplan ɛ gbɔn Filisinulɛ tomɛ sin ali ă Enyi al ixe ya ɖe co eglo ɖo mawu ɖɔ : Togunlɔ siwun wa lilɛtamɛ bona lɛyi Ejipu ɖo ahwan xe yena ɖo mɔ lɛɖe wutu . ¹⁸ Mawu gbɔbo lɛkɔ na togunlɔ gbɔn zunkanmɛli tunta axu vɛɛ lɔ kɔn Izlayɛlivilɛ xɛ sɔ yetɔnlɛ ɖo hwenuxena yedɛndo Ejipu zaanɖe ɖe . ¹⁹ Mɔyizi bɛ jozɛfu xulɛ sɔhɛn ɖo Jozɛfu ko na bɔ Izlayɛli vilɛ tanu bo ɖɔ : mavɔmavɔ nadin mikpɔn bonakplan mi yi ada bóóó sin toxemɛ kpo xugglo celɛ kpo . ²⁰ Ye tɔnsin SUKɔTI bo zinzɔnlin gbɔn Etan ɖo zunkan ɖaxolɔ tomɛtomɛ . ²¹ Mavɔmavɔ nɔ jɛ nukɔn na yee ɖo kle ɖo jixwesin zizɔ ɖemɛ bonɔ do ali xlɛ yee bɔ zanmɛ lɔ e nɔ zɔn myɔ hunhun ɖemɛ bonɔ ta na yee na ye a kpewu zinzɔnlin zan kpo kle kpo . ²² Azizɔlɔ kɔnnɔ tɔnsin togunlɔ nukɔn ɖokle bã mɔke myɔ hunhunlɔ can kɔnnɔ tɔnsin togunlɔ nukɔn ɖo zanlɛ mɛ bă .