¹ Lɔlɔn tɔwo kéminya ŋugbédodo, miɖé poriporiwo, miaki ŋutila ényi miaki gbɔgbɔ miti kɔkɔwé lè Mawu vɔvɔme. ² Midi téféɖe miabe jagɔ lè améɖexu mibé dowa lè amédéwo alo miba améɖéwo. ³ Menyi mélégblɔ be mabufɔmi élabe mègblɔ xoxo be milé téfeɖélé miaki jimé; nenyibé milé agbé alo miku ɖédu. ⁴ Mèɖɔ kakaɖejiga ɖé miaxu, jiléjɔn ɖé miaxu mèyɔ kiki jijɔ nè miaki xaxame. ⁵ Gakeme miyi Masédonia, miaki ŋutilawo mèkpɔ vovo, lè akpazagala, micaka nènɔnɔ méɖésiaɖeme, cakacaka lèyiyé vɔvɔ lédɔmé. ⁶ Ke Mawu ké lèdoxusé amékèwo gbɔjɔla ado xusemi lè Tito ki vavamé. ⁷ Menyi yiki vavaɖéɖé ke Mawu nadɔxu sèmi, co xusé dodo ke Tito ca xɔ lè miagbɔ. ⁸ Enyɔ xufé lèta éna mici axlublémé nyéméhanu, mèkpɔ be mici axlublémé nigapopoɖé. ⁹ Fifia mèlèkpɔ jijɔ mènyi bé ke milé axlublème ényibé miaki xlublani ènam jimétrɔtrɔn, mido vévésésé ɖe miato enyi be milékpɔ gugu ɖe miata. ¹⁰ Elabe vévésése èlena jimétrɔtrɔ ké lé kplɔ amé yiɖé ɖéɖéme mase vévèwo gasiagame yiyèmé ki vévésese lèkplɔ améyiɖé ékumé. ¹¹ Mikpɔ vévéséségan ké micɔ ɖé miaɖɔkoji èxèva ni mi. Lèke micɔ nugan cɔ miaɖokuji, èɖéfia bé mibényièwo. Kala nyi miaki jikagan, miaki vɔvɔ miaki didi, miaki be jɔjɔ nye nye lèvamé lè nusianumé, miatɔn miɖéfia be mibénya lè nyaméwo. ¹² Enyɔ be méxlɔn nimi nyé méxlɔwoni wɔnubaɖawo, alo améké kpéfu baɖawo. mèxlɔni be miaki nɔnɔményuiɛ ɖè miaxu laɖèfia le Mawu ki ŋukumé. ¹³ Yita midoxuséɖo kiki miantɔn ki xɔsé, milé kpɔ jijɔ, igɔmenyibe yiki gbɔgbɔ jéme cɔ miagbɔ. ¹⁴ Nènyibé méjraɖɔkunyè ni mila ŋukpé mélèxun yimégbé sibéléké nyaɖesiaɖé kèmigblɔla ènyi anyikɔɖi miaki aɖégbé nimi ɖè titoxula ènyi anyikɔɖi. ¹⁵ Yiki lɔlɔn ɖé miaxu èganyi gan gakéme èlèɖoku miaki bubu kiki lèké mixɔ ki vɔvɔ kiki miaki bubu kpakpa. ¹⁶ Mèléjijɔ ègɔmé nyibé mékaɖé miaji.