¹ Ma woni kɛ man, bɛɛni ogù owuwó ɔtoɛ ndi ɛnɛn ye nyan wa ilù ye aya peni laodisé, wu fu ɛnɛn mɔ nyan aya ko ri ojù mi. ² Ma sisɛ, fu ndi ɔkan a kankan nyan kowa n'nɔn arakilé wu ɔlayé nyan wa kikɔn idaniloju niyé n'nɔn kiaman otitɔ yé duku n'nɔn ɔlɔhun, ka fɔ ni kristi. ³ Ɔgbɔn wu imanran nyan dùku n'nɔn. ⁴ Ma fɔ bɛ yɛ ndi ni onikan koma tiko tɔnyɛ gbaa ta anukidɔn. ⁵ Bɔ tɛ jɛ ni, iko wa n'nɔn ara, mo wa n'nɔn ɛmi wuu yɛ. n'nɔn mi dɔn nɔna yé ɛma wukiro sisiɛn lɛpasɛ igbagbɔ yɛ n'ɔn kristi. ⁶ Bɛɛni fu ɛyɛ yé ti gba kristi oluwa, ɛrɛn n'nɔn ɛ. ⁷ Ɛ fu ɛsɛɛ yɛ mulɛ n'nɔn ɛ, ɛ duro ntaɛ, ɛ duro n'nɔn igba gbɔ bɛni ɛyɛ ɛti gba ilana ɛwu kɛ kɔnfu ɔgbɔ. ⁸ Ɛ sɔ rayɛ onikan koma sɔyɛ di jɛnjɛn n'nɔn wu afɔ ɔgbɔn ayé wu afɔ ɛwanyan gbo ɔjɛ asa oniyan, gbo odéédé wu nkan ayé ya ɛ, wu kɔjɔn ti kristi. ⁹ Gudugudu ki kɔn ɔlɔhun wa n'nɔn. ¹⁰ Ɛpé tan n'nɔn, wu ni ɔgan alagbara nyan wu asɛ gudugudu. ¹¹ Wu n'nɔn ni ɛkɔn abɛ, yé kosé a fu ɔwɔ kɔn amaa ki kɔn abɛ Kristi. ¹² Anyan riyɛ wu ɛ n'nɔn itɛbɔ omi, ni éjidé lɛpa igbagbɔ n'nɔn agbara ɔlɔhun gindé Kristi lemeji orokùya. ¹³ N'gba ɛ ku n'nɔn isina wu n'nɔn ki madabɛ cara ɛ, iku mu wɛ wuu iyé wu ɔ dare ji yɛ fu ɔna yɛ ya. ¹⁴ Ɔnɔn gbe se yé ɔyɛ fu iyaa wa nyan wu nkan wa lara wa nyan fu iya kijɛ. O nyan an nde wu n'nɔn agbalébù. ¹⁵ O tu asiri agbara wu asɛ, ni o mu nyan si ngban gban wu osɛgu nyan lɛpa ɔna agbelebu. ¹⁶ Isɛɛn, ɛ mɛ jɛ onikan ko dajɔ fu yɛ lɔna n'kan kijɛɛ wu ki mɔn wu lɛpa ɔdɔn kijɛ, osupa titɔn, ɛjɛ ɔsɛn (isimi). ¹⁷ Yɛ nyan jɛ ogii ikan yé ikowa nyan ni ɔmaa ara Kristi ni. ¹⁸ Onikan n'nɔn ki fu arabalɛ wu isɛn angɛli nya, éré ye nko tù n'nɔn manya yɛ nanù lasoko yé nkofu ara dɔfu iran ki nyan wu fu igberaga gbataa isée ara nyan. ¹⁹ Laye tama ɔgan (asaaju) ye ara ɛ gudugudu a pé pa wu ikile lapapɔ n'nɔn ki muù ni ko taman a nyaan ki dagba ye ɔlɔhun a fu. ²⁰ Bi ɔjɛni ɛku wu Kristi n'nɔn nkan ayé ye nya ndi bɛɛ bi ɛ wa n'nɔn ayé. Nkan ye kɔja lɔya ɛ ni kɛ se bi ilana nyan. ²¹ Mesému, mesetɔi, ma fu ɔwɔ kan. ²² Ilinanyan ye ko dii ɛkɔ onian nyan ka fu ko bayɛ. Ye a ko i n'nɔn ɔnan nyan wu ɛkɔn onianyan. ²³ Aya nɛn bɛni otitɔ ki se bi ɔlɔgbɔn, nki dée ni aya sisɛfu ara nyan, ni ki farabalɛ wu ki foju san ara, amaa aya wa laye si ki yɛɛ kan wu ki se ikan a dɔnfu ara.