¹ Polu, ajisɛ Krist Jesu ti ndii awu ɔlɔhun, wu ɔma yéwa Timónté. ² Fu onigbagbɔ wu ɔlɔ titɔ yan n'Kristi gba ayà wa nkolɔsi ɛ oréɔfɛ kɔwa wu yɛ wu alafia bɔba wa. ³ A dupɛ fu ɔlɔhun, ba oluwa wa Jesu Kristi ni a gbadua fu yɛ ngbakigba. ⁴ A gbɔ oró igbagbɔ yɛ n Kristi Jesu, wu ifɛ ye ɛnɛ fu ɛnɛ̌n yè anya sisi l'ɔtɔ fu ɔlɔhun ɛ. ⁵ Ndi nkan ye e dé lɔrɔn e ti gbɔ otitɔ afɔ ironyi iré yɛ gbo aà wà fɔ fu yɛ. ⁶ Ironyi iré yɛ aà so éso ni aà nagba aiyé lɔ. Aà so n'nɔn ti ɛ gbo titi ɛjɛ ɛgbɔ gbo ɛma lɛpaà oreofɛ ɔlɔhun l'ɔtitɔɛ. ⁷ gba ntaa alayée ye Epafrasi sé fu yɛ, ɔma ye wa daàdaà n'nɔn isɛ. Gbo odio l'ɔtitɔ fu isɛ Kristi. ⁸ Wu ni ɔwà ƒɔ wa bɛni Emi aà lɔyɛ ƒu ifɛ ɛ. ⁹ Ndi bé ni titi ɛjɛ awa gbo àgbɔ bɛɛ, A ko Simi nki gba adura ƒu ɛ ni aà bi à ɔlɔ hun ni ko ƒu ɛ n'nɔn ima iƒɛ Kikɔn nɔnaà gbɔn wu ote kima. ¹⁰ Kɛ ƒu rin nona yé yɛ ƒu Oluwa, ni kɛ̌ don ƒuu nɔna gudu gudu nki so éso isɛ iré nya, ni kɛ dagbà nnɔn iman olɔhun. ¹¹ Ni ke léara n'nɔn nka nka gudugudu wu agbaà Ogó ɛ ndi kɛ wa layɔ nnɔn itesiwaju n Suru. ¹² ɛ du pɛ fu Baba ye ƒu ɛ l' agbara ni kejɛɛ pin Ogù jɛ wu onian Kima nyan n'nɔn imalɛ. ¹³ Wuu ye tuwà lɔwa agbarà okuku ni ɔgbin wa gaké lɔ njɔba ɔman ailoju ɛ. ¹⁴ Nnɔn ɔma yɛ ni an rapada, ni an fu ɛsɛ wa nya tɔrɛƒu wa. ¹⁵ Wu ni ojuu ɔlɔnun ye aà kàri, Akunsin bi ɛda gudugudu. ¹⁶ Ndi ni n'nɔn ɛn ni aà da nkan gudugudu ye wà l'ɔrɔn wu ye wà nlɛ̌, ye aà ri wu yé akaà ri, obia Angbéle ɔba wu oba, ijoyé nya, ɔlipà nya, alasényan, gudugudu nkan ni aà da ti npa ɛ, fuu ni aà si da nyan. ¹⁷ Oti wa saju nkan yan gudugudu, nkan nya gudugudu wà wà n'nɔn ɛ. ¹⁸ Wu ni ewo ara ijɔn (sɔsi), wu ni ipinpilɛ̌, Akusin bi léméji Ooku nyan. ¹⁹ Ndi ni Kojɛ Akusin nnɔn nkan gudugudu. Ntori, O wu ɔlɔwun wu a ikara wu kɔ gbe nnɔn ɛ. ²⁰ O wo ni kɔ gba ità ɛ fu tan ijà ɛ wu nkanki kàn ƒu araɛ: nkan yé wa Nlɛ̌ gbo, wu nkan yé wa l'ɔrɔn gbo fu se alafia gba ita ɛjɛ ɛ l'agbélébu. ²¹ ɛyɛ gbo, ngba kan wa lɔ ri, alèjo ni ɛjɛ ƒu ɔlɔhun ni ɔta ɛ nya ni ɛjɛ nnɔn iséé yɛ wu iwa iseku yɛ nya. ²² Ama isin, o fu iku ɛ tésé yɛ Ao pɔ wu ɛ. O se ndi nko mu dié ƒu ɔlɔhum nkiman, laisi amin isina kan, nibi ɛbi kan loju ɛ. ²³ Bi oséni ɛ wa nnɔn igbagbɔ, ni ɛ tisaɛn kukun lai nyi pada nnɔn ironyi iré ye ɛ gbɔ ɛ. Ye ni ironyi iré àà ti fɔ fu ɛnin kɛnin ye aà dà labɛ ɔrɔn ɛ. Ye ni ironyi iré ye ɛmi Pɔlu, mɔ di ajis ɛɛ kan. ²⁴ ŋsin, ma yɔ nnɔn iya min mya fu yɛ. Ma tubɛ ankan ŋe bɔ fu iya kristi nyan ɛ l'ewo ijon ye jɛ ara ɛ gbo apéni sosi ɛ. ²⁵ Sɔsi yɛ ni mo di ajisɛ fu. Tipa ɛru ye ɔlɔhun to fu mi fu yɛ n pan ekɔn olɔhum. ²⁶ Ye ni otitɔ ye aà duku titi laé laé ƒu iran nya ɛ. Ama isin aà nya dié fu ɛnin gbaagbɔ nya. ²⁷ Fu nya ni ɔlɔhum aà wo ko dié ki ,yi ogo otitɔ ƴɛ ƒu géféi nyan. ŋdi ni kristi nnɔn yɛ ojɛ ikaàlé ogo. ²⁸ Wuu ni aà kédé. Aà mu ɛnin kɛnin lara kile, ni aà kɔ̌n ɛnin kɛnin lɔgbɔ gudugudu ndi ni katiko fu ɛnin kɛnin to loju ɔlɔhum n kipé nkristi. ²⁹ Ndi be ni ma sisɛ ni ma là kaàkà wu agbara ye àa sisɛ nnɔn mi ɛ.