¹ Yaa maama yeni tie Limiali Diedo n den maadi Sofoni yaama,wani yua den tie Kusi bijua ,Gedalia bijua , leni Amadiyia bijua, Ezekiasi bijua, yaa yogunu Amoni bijua Josiasi den tie Juda bado. ² Limiali Diedo den yedi : n baa bolinni yaali ye mitinfamma po ki fo kuli . ³ N baa bolini bi niba leni ti yandi, ti bonyugiditi leni i jami yaali n ye mi ñima nni. N baa bolinni bi nibiadiba leni bi tuonjoagima.N baa bolinni yaa niba ye mitinfanma po kuli. ⁴ N baa fii ki sedi Juda yaaba leni Jelusalema dogu yaaba kuli po.n baa bolini li kani yaa bonli n sieni ki tie o bulo baali yaala kuli. baa yaa kopadicianba n den tuuni o po, nilo baa kuli kan go yaa tiadi bipoo. ⁵ N baa bolini yaaba n do a diena tanpoli ki kpiagidi a ŋmabila, leni yaaba gbandi ki n yeli ki go polini ki taaga bi bado yeli. ⁶ N go baa bolini yaaba lebidi ki ŋa mini li miali diedo kaa lingi n tundi. ⁷ cuo mani i ñoana O Diedo, wani Limiali Diedo nintuali, kelima Limiali Diedo pabienli daali nagini , o bogini li padili, ki gagidi ki gandi wan yini yaaba. ⁸ Limiali Diedo padili daali, n ba faligi a koanbala leni a badijabila kuli, leni yaaba yie i nilanbuoli tiadi ⁹ Laa daali, n baa faligi yaaba n yugi ki kandi li bulñoakoakaali, yaaba mabindi ki fenli bi niba piama ki gbiendi bi camba dieli. ¹⁰ Limiali Diedo yedi: laa daali a bubula baa tieni i djami buluñoabu yeni kani, i kuudi baa fii u dogu ñianlieli po, a juana baa yaa baali kelima ku fuciangu po. ¹¹ Mua mani yinba Makiteki ñianli yaaba, kelima a kpenkpenda kpendu kuli kpe, a ligi kubila ligi kuli bodi. ¹² Laa yogunu, n baa gaani ki lingi leni mu fidisanmu Jelusalema niini , ki faligi yaa niba n duandi bi yama ki tua Limiali Diedo ki tiendi yaali n ŋani bi yaali n bia. ¹³ Bi yibalinba baa tugi bi piama kuli, ki bolini bi diedi mo. bi maa ti diedi ama bi nan kan kua lienni bi ŋuu diven tiidi ama bi nan kan go ño li daama. ¹⁴ Limiali Diedo pabienli dacianli yeni nagini, li nagini gbeni, li kpendi tontoni. Laa daali ba ya tie pabienli daali, Limiali Diedo pabienli daali n tangi yeni, baa a jakoanda baa moa boncianla. ¹⁵ Laa daali baa tie pabiencianli daali, fala leni ti yanyagiciandi daali, li tingbali leni mi bolimi daali, li baa yaa tie bigicianli daali , a tawala leni gbangbadigu daali. ¹⁶ Laa daali kakaci baa piebi i kaani kuli, bu toabu kuudi baa fii sedi ki moa leni i dogi kanpaali, leni a dietoatoada. ¹⁷ N baa kuani bi nisaaliba fala nni,N baa teni ban yaa cuoni ki tulini nani a juama yeni kelima bi tieni N po ti tuonbiadi; N baa teni bi soama n wudi i kani kuli nani ku tangbungu yeni. ¹⁸ Bi ŋanjilifa bi mo bi Wula kan fidi ki faabi ba Limiali Diedo pabienli daali. leni limiali Diedo ponli fantama ki tinga kuli baa buodi li baa bia hali boncianla , O baa bolini li ŋandunli niba kuli.