¹ Kelima diidi n pabienli daali kpendi ki naani leni yaa buaga n tongi hali ki moandi. bi japaadanba leni bi nibiadiba baa buodi nani mi moayoma yeni laa daali bi baa buoni cain, li ba kan sieni. Li Miali Diedo Upaciaamu kuli Daano n yedi yeni. ² Ama yinba yaaba n fangi n yeli baa fii ,Miteginma yienu baa pudi ki cuani mi paagima. yi baa ña ki yaa yugi ki ciini ,nani a naabiwubida yeni. ³ Yi ba ŋmaa bi nibiadiba, kelima bi baa te nani mi fantanpienma yeni yi taana tinga ,Min bogini ya daali yi po. Li Miali Diedo Upaaciamu kuli Daano n yedi yeni. ⁴ Yin tiadi mani N naacemo Musa bali maama po ,Min den teni o N ñoabona leni N mabilikaama yaama , yinba Isalele yaaba kulu po,Holebi juali kani. ⁵ Diidi N ba soani yi po O sawalipualo Eli ,hali ke Li Miali Diedo daali ,li dancianli yaali n pia I jeje yeni daa cua. ⁶ O baa teni bi baanba n gua mangi leni bi bila , a bila mo n mangi leni bi baanba.yeni n kan ti cua ki bolini yi diema.