¹ Moala ,ya ñoabonli n tiena bili yinba bicopadicianba po. ² yi yaa cengi min yedi yaala, yi ya kuani la yi pala nni ki baa teni n yeli ti kpiagidi, Li Miali Diedo U paaciamu kuli Daano n yedi n baa soani yi siiga ti solindi n go baa soli yi sela ; n baa soli la kelima yii kuani n ñoabonli yi pala nni. ³ Diidi, n baa bolini yi bonbuli kaala n baa taa yin padi ya yandi pobindi ki madi yi numun nni, bi baa taani ki tugi yinba leni tini kuli. ⁴ Lani yi baa bandi ke n bili yi po laa ñoabonli ki bua ke min den kuani ya hantaado leni lefi buolu n yaa ye. Li Miali Diedo Upaaciamu kuli Daano n yedi yeni. ⁵ N ŋantaado leni O den te li miali leni mi yanduanma yaa hantaado yo, N den bangiba li fangili . bi den fangi nni ,ki digibi n nintuali. ⁶ I moamoani bali maama den ye O noabu nni,faama ki den ye bi ñoana nni. bi den cuoni n nintuali leni mi yanduanma leni mi teginma, ki pegidi ki ñandi niba boncianla Mi biadima sanu nnin. ⁷ O kopadiciamo tuonli n tie kibangi bi niba. Bi niba baa buali wane li bali maama. kelima Okopadiciao tie Li Miali Diedo Upaaciamu kuli Daano tondo yo. ⁸ A ma yinba wani nan jadi ki ha U sanu. yi guli niba boncianla leni yi bangima. Yi miidi min den kuani ya hantaado leni lefi buolu Li Miali Diedo Upaaciamu kuli Daano n yedi yeni. ⁹ Lani n teni ke n baa cedi bi niba kuli n yie yi ki fali yi kelima yii tuo ki hua n sanu ki go pia unigagidu mo, yin tiendi n bali maama ya yogunu. ¹⁰ Naani ti kuli ki pia baayendo kaa? Naani Utienyendu yen kaa n tagi ti kuli? Lanwani be yaapo ke ti nan janbidi ti yaba ki biidi Utienu n kuani ya hantaado leni ti yaajanba?. ¹¹ Juda fidi ban den niani ya ñoanianu, Bi soani jelusalema leni Isalele Diema nni kuli ya tuoli n gundi, kelima juda biidi yaali n gagidi Li Miali Diedo po Leni Li Miali Diedo n bua yaala, Bi taa bi puoba , ya nibuoli n hua i buli yeni siiga. ¹² Li Miali Diedo ba ñani jakobo puolihuani siiga, yaaba n tieni laa bonla ki da go li tua hali abada laa niba buolu n taani leni ti diema yaaba ki padi pada paabu Li Miali Diedo Upaaciamu kuli Daano po. ¹³ Go diidi yin tiendi yaala. yi buudi hali ke yi ninsiidi milini Utienu padibinbinli kelima waago tuo ki gaani liba kule yi nuu nni. ¹⁴ yi buali yi yula, be yaapo ke li tie yeni? Li tie kelima Li Miali Diedo den tie siedi fini leni a jawaama yogunu pua , han janbi ya pua, Baa ke O tie ayieninlielo, leni han den niani yua U ñoanianu. ¹⁵ Naani Utienu ki den teni ke yi siiga yua kuli leni O pua tu gbannanyendi leni yanyenma kaa? beyaapo ke O tieni lani ? li tie ke O bua ke yi bila nyaa tie wani Utieni niba moamoani. Lanwani yin fangi mani yi yula. O ba kuli yi siiga n da janbi O jawaama nni pua. ¹⁶ Kelima n nani li poñali Li Miali Diedo , Isalele yaaba Tienu Upaaciamu kuli Daano yedi: Lani yi siiga yua n tieni O pua laa tugitongu buolu . Lanwani yin fangi mani yi yula ke O ba kuli yi siiga n da janbi O pua . ¹⁷ yi coagini li Miali Diedo leni yi macianma, ki nan go tua: ti nan go coagini O leni be? li tie ke yi tua ke yua n tiendi mi biadima tiegi li Miali Diedo nuni po, ke li Miali Diedo pali mani laa nubuolu po yo. yi go tua ya tienu n tiegi yeni nan ye le yo?