¹ Li Miali Diedo n den teni ke Malaki soagini o maama yaama isalele yaaba po. ² Li Miali Diedo yedi : n buayi ama yi tua: be n doagidi ke a buati? Li Miali Diedo goa ki yedi: naani Esayu leni Jakoabo kiden tie nataani kaa? Ama n den bua Jakoabo. ³ N den nani Esayu, n den bolini O diema, Yaama n den ye ajuananni, ki teni ke itanboe diedi ma. Mi tua fanpienma. ⁴ Edomi yaaba, ya yedi: ke bi bolini bi dogi, Ama bi baa guani ki maa bi ci. Li Miali Diedo U paaciamu kuli daano baa guani ki yedi: cedi mani ban goa ki maa bici Ndidi go baa bolini i. Bi niba baa ya yi bi diema: "Mi biadima diema",Bani, mi niba mo , bi baaya yi ba : Li Miali Diedo pali n be ya nibuolu po yogunu kuli. ⁵ yi nuni baa le lani kuli, lani yi baa ya tua : Li Miali Diedo pia U paalu baa leni Isalele diema kandima kulipo. ⁶ Li Miali Diedo U paaciamu kuli daano yedi: ki biga jigini o baa, O naacemo mo kpiagidi o canba. N ya tie yi baa,Min pundi kiba ki baa ya jigidi yele? N ya tie yi canba , Min pundi ki baa ya kpiagi yele? yinba bi kopadicianba n fali n yeli ki nan tua : Ti fala lede? ⁷ yi kpendinni n padibinbinlipo ya pienma n joagini n po ki nan go tua: Ti tudi apo lede? yi tudima n tie ke yii pia fangili padibinbinlipo. ⁸ Naani yin yen cuani ki yanjuanga li padibinbinlipo yeni li tiegi? Naani yin yen cuani ya yanga n duugi yaaka yaaga n yia yeni naani li tiegi? Naani yi ya taa laa yanga ki ban puni gufeneeli O baa ga yi cangu leni nunmanga? Li Miali Diedo U paaciamu kuli Daano n yedi yeni. ⁹ Mia mani Utienu moala ne ke wan gbadi ti po mi niñinma! Naani yi bontienkaala baatuo wan mangi O nunga yi po bi? Li Miali Diedo U paaciamu kuli daano n yedi yeni. ¹⁰ Li baa ya hani ki cie yinba bikopadicianba siiga n luoni n diegu buliñoabu yin da go cuondi n padibinbinli po mi fantama fanma fanma. n pali ki mani yi po baa waamu . Mii go bua ki gaa yi muu nni padili ba kuli mo. ¹¹ Li Miali Diedo U paaliciamu kuli daano n yedi yeni. Kelima ki cili u yienu n pudi naani ki ban cuoni hali wun baali naani , I nibuoli kuli kpiagidinni. I kaani kuli bi niba padi ki siagu n po a dugibila. Bi go padi ya pada n hani ki dagidi n po ki kpiagidinni. I nibuoli kuli kpiagidinni. Li Miali Diedo U paaciamu kuli Daano n yedi yeni. ¹² A ma yinba n fali nni ki tua ke O Diedo padibinbinli joagini ki go tua ke yin padi likani ya pada ki pia mayuli. ¹³ Yi tua : ke mini Utienu padibinbinli kani tuonli pia li coagili, yi baga ki ye mo Li Miali Diedo U paaciamu kuli daano n yedi yeni yi kpendinni ti yansukaadi leni yaadi n duugi leni ti yanyiandi yi padi n po laa pada buolu yo. Naani n baa ga laa paabu yi kani? ¹⁴ Li Miali Diedo n yedi yeni. Ti solindi n yaa hua a jajanbida , yua n pia O yan kuli nni ki yantonga ki niani ke O baa padiga O Diedo po ,A ma ki nankandi ki ha kani ki ta yanyianga ki padi kelima n tie Badiciamoe. Li Miali Diedo U paaciamu kuli Daano n yedi yeni . I nibuoli kuli fanginni.