¹ Josue den kpe, Isalele yaaba den mia O Diedo ke wan waani ba bi buolu siiga ya buolu n ba kpa gedi ki tuogi kanana yaaba bu toabu. ² Li Miali Diedo den goa ki yed: Juda buolu yaaba n kpa gedi. N taa mi diema ki teni ba. ³ Juda buolu yaaba den yedi Juda naataani Simeyono buolu yaaba: Fini ti mani ban den boagidi ki teni ti ya diema po. Ti moko ba ti ciani yi yi ya diema po. Simeyono yaaba den ciani ba. ⁴ Bi den gedi ke Li Miali Diedo taa kanana yaaba leni felesa yaaba ki teni bi nuu nni. Bi den kpa niba tudpiiga ya dogu n yi Beseki. ⁵ Bi den sua ke O bado Adoni-Beseka ye u dogu yeni nii nni . Bi den tuogi leni o bu toabu. Bi den paadi kanana yaaba leni Fenisa yaaba ⁶ O bado Adoni-Beseka den sani. Ama bi den hoadi ki ban cuo o ki jia o nabijala leni o taajenbijala. ⁷ O den yedi: Batieba piilele ban den jia yaaba ya nabijala leni bitaajenbijala bi den gandi ti je joangidi n saajekaanu kani. Li Miali Diedo guani nni min den tieni yaala. Bi den gedini o Jelusalema ke o ban kpe li po. ⁸ Juda buolu yaaba den baa Jelusalema dogu ki paadi di u. Bi den kpa u niba ki juu u dogu mo. ⁹ Li yaa puoli den gedi ki ban tuogi leni kanana yaaba yaaba n kaa a juana nni, leni naganu po yaa diema nni leni u tialu nni. ¹⁰ Bi den tuogi leni yaaba n den ye Ebiloni, ban den kpa yi ya dogu Kilijati-Aliba. Bi den paadi Sesayi leni Ahimani, leni Talimani buolu. ¹¹ Bi den (())ani lankani ki gedi ki ban baa Debili dogu yaaba. Debili den kpa Kilijati-Sefeti. ¹² Kaleba den yedi: Yua n fidi ki paadi Kilijati-Sefeti n ba pa o n bisalo Akisa wan tua o pua. ¹³ Kaleba waalo Kenasa bijua Otinieli den paadi u dogu yeni ke Kaleba puni o o bisalo ke o tua o pua. ¹⁴ Wan den pundi Otinieli kani, o den tundi wani Otinieli ke wan mia o baa u kuanu. wani Akisa n den pundi o baa kani ki jiidi o hunbo po, o baa den buali o wan bua yaala. ¹⁵ O den guani ki yedi o: N cua miaboe. panni naani n pia à(())inbuna kelima han puni nni ya tinga po yeni tie tin kuonge, (()ima ki ye. Lanwani, kaleba den puni o ya (())ibuna n ye naanpo n duobi leni naanpo n jiidi. ¹⁶ Musa cuadibaa Jotulo puoli huani Kena yaaba den (())ani jeliko, Ikpakpaliti dogu, ki yegi leni Juda yaaba ki gedi ki ban kali Juda fanpiema nni, Aladi dogu ganu po. Bi den ban kali Amaleki yaaba siiga. ¹⁷ Juda buolu yaaba leni wani Juda waalo Simeyono yaa buolu den fii ki ban baa kanana yaaba yaaba n den ye Tisefati dogu, ki paadi ba. Bi den bolini u dogu yeni cain ke bi ji u Holima. Lani n tie ku dagbengu. ¹⁸ Juda buolu go den paadi ya dogi n yi Gasa, Asikalona, Ekalona leni laa dogi dobila. ¹⁹ Diedo den ye leni Juda buolu ke bi paadi ya diema n ye li juali nni. Ama baa den fidi ki deli utialu nni yaaba wani, kelima bi den pia ti toateliti ke ti tie kudi. ²⁰ Bi den teni Kaleba Hebilona dogu nani Musa n den yedi maama.O den deli ki [[]]ani Anaka botaadi lienni. ²¹ Benjamina buolu yaaba ki den deli Jebusa yaaba yaaba n ye Jelusalema. Bi baa ki ye leni Benjamina buolu yaaba laa dogu nni hali dinla ²² Josefi puolihuani moko den gedi ki baa Betela, ke U Tienu den ye leni ba ki todi ba. ²³ Josefe puoli huani den soani bi niba ban ban diidi Betela dogu, ban go den yi yu Lusi. ²⁴ Ban den soani yaaba den laa o joa ke o (())a u dogu yeni nii nni. Bi den yedi o: waani ti tin ba tagi naani ki kua u dogu nni, lanwani ti ba hanbi apo. ²⁵ O joa yeni den waani ba, ban ba tagini naani ki fidi ki kua u dogu nni. Lanwani bi den bolini u dogo yaaba kuli leni ki jugisiega. Ama bi den cedi o joa yeni leni o diegu yaaba kuli,kaa kpaba. ²⁶ O joa yeni den gedi ki ban kua Heta yaaba diema nni ki maa u dogu lienni ki yini u Lusi. U baa ki yi yeni hali dinla. ²⁷ Manase buolu yaaba ki den deli Beti-seyani yaaba leni Taanaki yaaba leni yaaba leni Jileyama yaaba leni Megido yaaba leni laa tinkundogi yaaba. Lanwani kanana dogi yaaba den suagi ki ye laa dogu nni. ²⁸ Isalele yaaba n den ti baa u paalu ki pugini, bi den teni ke bi tuuni bi po a tuona. Ama baa den deli ba. ³¹ Asela buolu yaaba ki den deli yaaba n ye ya dogi n tiena: Ako, Sidoni, Akilabi, Heliba, Afiki leni Lehobi. ³² Li tie lani yaapo yo ke bani Asela buolu yaaba den kaa kanana dotieba siiga. ³³ Nefitali buolu yaaba ki den deli kanana yaaba yaaba n den ye Beti-Semesi leni Beti-Anati. Bani Nefitali buolu yaaba den kali bi siiga ki teni ke bi tuuni bi po. ³⁴ Amola yaaba den deli Dana buolu yaaba ki kuani ba li juali nni baa den tuo ke bi jiidi u tialu nni. ³⁵ Lanwani Amola yaaba den suagi ki ye ya dogi n tiena: Hadi-Helesi, Ayalona leni Salibimi. Ama Josefi puoli huani den yuandi ki diedi Amola yaaba ki teni ke bi tuuni bi po a tuona. ³⁶ Amola yaaba diema bianu den cili Akilabima gbandieli kani, Sela dogu kani, ki ban do ki ca.