¹ Li Miali Diedo maleki den (())ani Giligali dogu ki gedi Bokima ki yedi Isalele yaaba: N den (())ani yi Ejipiti ki cuani yi min den pola ki niani yi yaajanba ke n ba paba ya diema yaa nii nni. N den yedi ke n kan miidi min bili ya hantaado leni yi hali abada. ² Ama n den yedi yi mo yin da baa hantaado baa leni mi naa diema yaaba, yin mudi bi padibinbina. Ama yii tuo ki hua min den yedi yi yaala. Be yaapo ke yi tieni yeni? ³ Li tie lani yaapo ke n mo yedi ke n kan deliba yi po. Bi ba yaa taa ki ye leni yi, bi buli mo ba yaa tie yipo diagu. ⁴ Li Miali Diedo maleki n den maadi Isalele yaaba laa maama, bi kuli den tiani ki buudi. ⁵ Bi den yini laa kaanu Bokima lani n bua ki yedi yaaba n buudi. Bi den padi a pada Li Miali Diedo po. ⁶ Josue den cabi ku niligu. Bani Isalele yaaba den lebidi ki kuni yua kuli wan den baa ya tinga po ki diedi mi diema. ⁷ Isalele yaaba den hua Li Miali Diedo Josue miali dana bianu kuli, leni ya ninkpela n den laa Li Miali Diedo hanbicianli kuli Isalele ke Josue kpe ki haa ba moko ya miali dana bianu kuli. ⁸ Nuni bi jua Josue, Li Miali Diedo naacemo den kpe ki pia kobiga n bina piiga. ⁹ Bi den piini o wan den baa ya diema nni, Timina-Helesi dogu, Gasi juali jienu po. ¹⁰ Laa nifiima kuli den kpe ki kuni bi danba po, nifiitoama den yuandi ki fii bi puoli, yaaba n ki den bani Li Miali Diedo leni wan den hanbi isalele yaaba po maama. ¹¹ Lani, Isalele yaaba den tien yaala n ki mani Li Miali Diedie ki hoadi yabuli n yi Baali. ¹² Bi den haa Li Miali Diedo bi yaa janba Tienu, yua n den (())ani ba Ejipiti nni. bi den ha o ki hoadi ya ni buoli n den lindiba n den hua ya buli. Bi den padi bani ki den fiini U Tienu pali. ¹³ Bi den haa Li Miali Diedo ki hoadi ya buli n yi Baali leni Asitadi. ¹⁴ lani yaapo Li Miali Diedo pali den beni Isalele yaaba po ke o taaba ki teni ya toagola n yen fenli yaa nuu nni ke bi fenli ba. O den taaba ki teni bi yi balin yaaba n lindi ba yaa nuu nni ke baa go den fidi ki togidi leniba ke li caa kaanu. ¹⁵ Bi ya den gedi bu toabu naankani kuli, Li Miali Diedo den yen se bipo ki tiendi ba yaala n bia nani wan den waani ba maama. Bi den ye leni o fala biado. ¹⁶ Lani Li Miali Diedo den puni ba bi gobidi kaaba ke bi faadi ba yaaba n den felini ba nuu nni. ¹⁷ Ama baa den cengi bi gobidi kaaba yeni, bi den haa U Tienu ki hoadio i buli ki padi yini. Bi den yaadi tontoni ki haa bi yaajanba yaaba n den tuo ki tiendi Li Miali diedo (())oabona n den hua ya sanu. Baa den tuo ki hua Li miali Diedo (())oabona nani bi yaajanba n den tuo ki hua maama ¹⁸ Li Miali Diedo ya den puni ba gobidikoa kuli Li Miali Diedo yen yeni laa gobidikoa ki gaani Isalele yaaba bi yibalinba nuu nni wan o gobidikoa yeni miali dana kuli nni. Li Miali Diedo den gba bipo mi nihima yaaba n manbidiba ya den wangiba fala ke bi buudi. ¹⁹ Ama o gobidikoa yeni ya ti kpe, bi yen guani ki biagi ki cie bi yaajanba ki haa Li Miali Diedo ki hoadi i buli ki yaapadi yini. Bi den yen suagi liiga leni laa tagu leni laa paguaga. ²⁰ Li Miali Diedo pali den beni Isalele yaaba po ke o den yedi: bi nibane miidi n han taado min den kuani yua leni bi yaajanba, baa tuo ki hua min yedi ba yaala. ²¹ Lani yaapo n kan go deli bipo Josue n den kpe ki haa yanibuoli baa nibuoyendu. ²² N ba yaa bigidi Isalele yaaba leni laa nibuoli ki le bi ya ba tuo bi bi ya kan tuo n yanbuama ki yaa tiendi min yedi yaala nani bi yaajanba n den tuo maama. ²³ Lani Li Miali Diedo den haa laa nibuoli, wan ki den taa yaaba ki teni Josue nuu nni yeni ke bi ye mi diema nni leni mi yanduanma. Waa den jaligi ki deliba tontoni.