¹ Amosi yua n den tie Tikoa dogu yua n den ba ya doagidima wan yua n den tie bi yankpaaba siiga yendo, o den ba li bonlekaala yaala n tie Isalele diema po. Li den tie Osiasi n den tie Juda bado ke Jaasi bijua Jelobaami mo tie Isalele diema bado ya yogunu. Li den sua ke li sieni bina lie mi tindigima n tieni. ² O den yedi : Li Miali Diedo ye siyono ki buoni . O ye hali Jelusalema ki kpaani . A yankpaafuana kuodi kelimeli juali yuli po kuodi. ³ Li Miali Diedo yedi mine: Damasa yaaba tieni tuongunda taa li pundi ba bona naa , ya n teni ke n kan lebidi min jagi yaala . Bi den hma ki midi Galaadi yaaba leni leni ya toateliti ya toama n pia ti kudi ke ti sondi. ⁴ N baa soani mi fantama man buoni O bado Asayeli puolihuani. Mi baa je O bado Beni-Adadi badidiegu. ⁵ N baa mudi Damasa sendabila ya n luondi U dogu buliñoabu. N baa bolini Bekali Afeni yaaba, N baa bolini ya bado n kaa Beti-Edena. Sili niba mj baa gedi ti yonbidi Kili dogu po, Li Miali Diedo n yedi yeni. ⁶ Li Miali Diedo yedi mine: Gasa yaaba tieni tuongunda taa li pundi baa bona naa ya n teni ke n kan lebidi min jagi yaala. Bi cuo ya yonbi nkaa wa ti yonbidi ki baa teni Edomi diema. ⁷ N baa soani mi fantama Gasa dogu bilini nni mi baa je likani diema hama. ⁸ N baa bolini Asidodi dogu yaaba , Asikaloni dogu yeni mo, min bolini li kani bado. Li Miali Diedo n yedi yeni. ⁹ Li Miali Diedo yedi mine: Tili yaaba tieni tuongunda taa li pundi baa bona naa, ya n teni ke n kan lebidi min jagi yaala. Bi cuo niba boncianla ki teni Edomi yaaba ki naa tiadi ya hantaado n den loli bani Tili yaaba leni bi kpiiba Isalele yaaba. ¹⁰ N baa soani mi fantama Tili dogu bilin nni, mi baa je li kani diehama. ¹¹ Li Miali Diedo yedi mine: Edomi yaaba tieni tuongunda taa , li pundi ba bona naa yaa n teni ke n kan lebidi min jagi laala. Bi den hoadi ki deli bi kpiiba leni ki jugisiega kaa gbadi bi po niñima ba kuli. Bi pala ya fii , haa pia ke ha jiidi, baa pia sugili. ¹² Lani yaapo n baa soani mi fantama bi dogu Tema nni , mi baa je Botisila dogu diehanma. ¹³ O Diedo yedi mi naa maama: Anmoni yaaba tieni tuongunda taa li pundi baa bona naa ya n teni ke n kan lebidi n yanjagili. bi den lidi a potugipunba Galaadi diema nni kelima bi bua ki diadi bi diema. ¹⁴ Lani yaa po n baa soani mi fantama Laba dogu bilini nni mi baa je li kani diehanma , mi janjanma daali bu toabu kuudi siiga , li baa ya tie nani ku tafabiadigu siiga yeni. ¹⁵ Bi bado mo baa gedi ti yonbidi ,wani leni o koanbala , Li Miali Diedo n yedi yeni.