¹ Li daali, i ba yedi, "O Diedo, n dondi a, ki pagi a yeli. Kelima, bá yeni a pali ń den beni npo maama kuli, a pali ji sɔngi, ke a baagi nni. ² Diidi, U Tienu n tie n candaano; n baa dugi opo, n kan ya jie o, kelima, O Diedo n tie n paalu yeni n yanbu. Wani n tua n faabma." ³ Yeni li pamanli i, ke i ba luuni mi ñima, mi faabma caana nni. ⁴ Li daali, i ba yedi, "Pagi mani O Diedo, yini mani o yeli, ki mia mi todma; kpaadi mani i nibuoli siiga, ki waani wan sɔni ya tuonŋama, waani mani o yeli ń yabi maama. ⁵ Yiini mani ki dondi O Diedo, kelima wan tieni yaali pia ti kpiagdi. Kpaandi ki waani, ki tinga nni yaaba kuli ń gbadi. ⁶ Yigni mani i pamandanyigni, yinba yaaba n kua Siyɔn, kelima, wani yua n gagdi ki ŋani Israyeli nni, ye ti siiga.