¹ Lawitey windey jine founey maanu ga to Alfaga Eliyezar da Yesua, Nun izo do, da mo Israyla izey kundey jine funay do. ² I salaŋ i se noodin Silo Kanana laabo ra: "Rabbi na lordi te Musa meyo ra ka ne,i ma no kwaarayan kan ra i ga goro da kurey nangu i almaney se." ³ Kal Israyla izey na lawitey no kwaara yaŋ, nda kuray nangu yaŋ no ngey tubo ra mate kan cine Rabbi na lordi i se da. ⁴ I na Kohat alamayalo no ngey baa. Alfa Haruna banda du kwaara way cindi hinza, kan Yehu nda kunda, Simeon kunda da benyamin kunda ni ino, caaca boŋ. ⁵ Kohat ize cindey du kwaara way ngey mo caaca bon, Ifrahimu kunda, da Dan kunda, da Manase kunda jara mo, almayaalo i na i noo. ⁶ Gerson banda mo du caace bon, kwaara way cindi hinza. Isakar kuunda, da Aser,da Naftali kundey, da Manase kunda jara kan go bazan ra, mo i na i noo. ⁷ Merari izey almayaley mo du ngey baa, kwaara way cindi hinka. I du a ra Ruben kunda, da Gad kunda, nda Zabulon kunda. ⁸ Israyla izey na Lawitey noo caaca bon, kwaara yaŋ da ngye windanta, mata kan cine Rabbi na lordi nda Musa se. ⁹ Yahuda nda Simeon kunda ra, i na kwaara yaŋ suuban i se boro kulu a maayo boŋ, ¹⁰ kan yan ciya mo Haruna izey, Kohat almayaaley da mo Lawi izey, zama ngey no du zaa sintiney baa. ¹¹ Israyla izey ni no Ciriat-Arba (Arba ga ti Anak banda,) nga no gati Hebron kan Yahuda tondey boŋ, da kuray nongey kan go a windanta. ¹² Amma i na Caleb Yefunna izo no kwaara beero nda nga kaawyey i ma ciya i wane yan. ¹³ I na Alfa Haruna izey no Hebron, Libna nda i kuurey nongey do, a ma cia booro wiyey se tuguyaŋ kwaare do. ¹⁴ Yattir da nga kuray nangey, Estemowa da nga kuray nangey, ¹⁵ Holon da nga kuray nangey, Debir da nga kuray nangey, ¹⁶ Ayin da nga kurey nangey, da Yutta da nga kuray nangey do, da Beyt-Semes da nga kurey nangey, ya no te kunda hinka ra; ¹⁷ Da mo Benyamin kunda ra no i du Jibeyon da nga kuray nangey, da Geba da nga kurey nangey, ¹⁸ da Anatot da nga kuray nangey, da Almon da nga kuray nangey, kwaara taaci nooya. ¹⁹ Kwaara way-cindi hinza da ngey kuray nangey no i kabbu Alfaga Haruna izey se. ²⁰ Lawitey kan yan go Kohoti ize cindey almayaaley ra, du nga baa Ifrahymu kunda ra, caaca boŋ. ²¹ I na i noo Sekem da nga kuryan nangey, Ifrayme tondey ra no a go, booro-wi tugu-yan nangu yan nangu fo no ya,Gezer mo du nga kuray nangey. ²² Kibzayim da nga kuray nangey,da Bayt-Horon da nga kuray nangey,kwara taaci nooya. ²³ Dan kunda ra,i du Elteke da nga kuray nangey, Jibbeton da nga kuray nangey. ²⁴ Ayyalon da nga kuray nangey,Gat–Rimmo da nga kuray nangey,kwaara taaci nooya. ²⁵ Manasse kunda jara ra mo, i du Taamaka,da nga kuray nangey, Gat-Rimmo da nga kuray nangey, kwara hinka nooya. ²⁶ A marganta te kwaara way, da ngey kuray nangey, Kohat ize cindey almayaaley se. ²⁷ Gerson, kaŋ gati Lawitey almayaalo, kaŋ go Manasse kunda ra, i n'a izey no Golan kaŋ go Basan ra da nga kuray nangey. Boro-wi tuguyaŋ kwara fo nooya. Beyes-Tera da nga kuray nangey, a te kwaara hinka. ²⁸ Isakar kunda ra , i du Cison , da Daberat , ²⁹ da Yarmut ,da En-Gannim nga dey i kuray nangey a te kwara taaci nooya. ³⁰ Aser kunda ra mo i du : Misal, da nga kuray nangey, Abdon da nga kuray nangey, ³¹ Helkat da nga kuray nangey, da Rehob da nga kuray nangey, a te kwaara taaci nooya. ³² Naftali kunda ra mo, i du Kedes kaŋ go Galili ra da nga kuray nangey. Boro-wi tuguayaŋ kwaara fo nooya. i du koyne Hammot-Dor da nga kuray nangey,da Kartan da nga kuray nangey, a te kwaara hinza nooya. ³³ Gerson izey kwarey kulu: almayaaley boŋ, i du kwaara way cindi hinza da ngey kuray nangey. ³⁴ Lawi kunda ize cindey mo, Merari izey almayaaley n'i no: Zabluna kunda ra,Yokneyam da nga kuray nangey, ³⁵ da Dimma da Karta da ngey kuray nangey do,da Nahalal da nga kuray nangey. kwaara taaci nooya. ³⁶ Ruben kunda ra, i du Bezer da nga kuray nangey , da Yahaz da nga kuray nangey, ³⁷ da Kedemot da nga kuray nangey, da Mefaat da nga kuray nangey,kwaara taaci nooya. ³⁸ Gad kunda ra mo, i du Ramot kaŋ go Jileyad ra da nga kuray nangey. Boro-wi tuguyaŋ kwaara fo nooya. i du Mahanayim da nga kuray nangey. ³⁹ Da Hesbon da nga kuray nangey, da Yazer da kuray nangey, a te kwaara taaci nooya. ⁴⁰ kwaara margata kulu kaŋ Merari izey du, ngey almayaaley boŋ, ngey kaŋ gati lawitey alamayaali cindo, te kwaara way cindi hinka. ⁴¹ Lawi kunda kwarey kulu marganta, kaŋ i du Israyla izey waney ra, te kwaara way taaci cindi ahakku, da ngey kuray nangey. ⁴² kwaara din kulu gonda i kuray nangey kaŋ g'i bare ga windi, da mo kwaarey din kulu bare nda. ⁴³ Yaadin mo no Rabbi na Israyla izey no laabo kulu, mate kaŋ a ze nda i kaayey se, ga ne nga g'i no laabo din, i n'a laabo ŋwa ka goro mo a ra. ⁴⁴ Rabbi mi no fulanzamay nangu kulu hare, mate kaŋ a n'a ze nda i kaayeey se. I ibarey ra sinda a fo kulu kaŋ key i jine. Rabbi ni i kulu daŋ i kambey ra. ⁴⁵ Gomni kulu kaŋ Rabbi n'a sanni te Israyla izey se, ba afo no mana gaze, amma i kulu kubay.