ATCHAMADO_BEN-aug_ezr_text

Ǝta 3

¹ Wretí ámə̀tɔn an tɔ́ váɖó, í Israël víwó lə wó dugánwómə. Gàanamə dùkɔ́á bɔ sigbə ŋúncu ɖə́ká ənə́ lə Yə̀rúsalɛ́m. ² Yòósùà, Jotsadak yə́ ví, kídə́ yə́ nɔnví vɔ̀sá tɔ́wó, kídə́ Zorobabel, Schealethiel yə́ ví, kídə́ yə́ nɔnvíwó, wó có í mɛn Mawu yó vɔsákpəŋkpə́le də́ Israël, nɛ́n wóá lə mɛn vɔ̀sá núwó ləjí, sigbə wówrɔn ɖɛ́ lə Mòósè yə́ sə́wónuán, Mawu yə́ mɛn. ³ Wó da vɔ̀sákpəŋkpə́le də́ yə́ gɔmədókpə́ jí tútútú, tógbɔ́bə́ wó lə vɔ́nvɔ́n nɛ́n ə̀dùàmə víwó, í wó lə nán Mawu vɔ̀sánúwó, nyindín kídə́ fiɛnyín vɔsáwó. ⁴ Wó ɖu àzàvàgɔmənɔn yə́ xo, sigbə wó wrɔɛn dɛ́ ənɛ́n, í wó lə nán vɔ̀sánúwó ŋkəkə síá ŋkəkə, sigbə hɛnhrɛn mɛ̀àn yinɔn ɖó lə ŋkəkə ɖə́káɖə́ká jí. ⁵ Lə ŋunan yə́ ngbə́á, wó nánen vɔ̀sánú gàsíágàmɛ̀n, wretí yéyéwó kídə́ àzanɖuɖuwó kə́ŋ́kə́ŋ kə wó ɖó nɛ́n Mawu yə́ vɔ̀sanúwó, í kídə́ amɛn ɖə̀síàɖə́ kə wɔnɛn núnáfàà nɛn Mawu. ⁶ Có ŋkəkə kélékélé tsa jí nɛ́n wretí ámadrə́ tɔ́á, wó tɔ́nɛ́n wɔ̀sánúwó nánán Mawu jí. Gàŋnamenwóŋ́ ɖó gbə̀dóxɔa yə́ gɔmɛnɖókpə́ anyín ò. ⁷ Wó lə náànho ə̀kpə́ kpatɔ́wó kídə́ ə̀xɔgbátɔ́wó, kídə́ ənúɖuɖuwó, àhàwo kídə́ ami sídónìtɔ́wó kidə́ Tyr tɔ́wó, nɛ́n wá tə́ŋ́ cɔ́ Liban yə́ xɔtutíwótó àxují kə́kə́ sə́yi Japho, tó əmɔ́n ɖəɖə kə míxɔ có Cyrus, Perse fiwɔagbɔ́á. ⁸ Lə ə̀xovə̀àtɔ́ámɛn có kə́kə́ kə wó vá Mawu yə́xómɛn lə Yə̀rúsalɛ́m an, lə wretí vàtɔ́ámɛn án, Zarobabel, Schealthiel yə́ ví, Yoósùà, Jotsadak yə́ ví, kídə́ Léwìvì wò, kídə́ amɛn kə gbɔcó lə̀lə́xó lə Yə̀rúsalɛm wó sééé, wó jə ə̀dɔ̀jíídɔ́ Léwùì ə̀xowui kídə́ kə wúnɛn víwó bə́ wóá kpɔ́ Mawu yə́ xómɛn dɔ́wó jí. ⁹ Í Yòósùà, ə̀vìáwó kídə́ nɔnvíáwó, Kadmiel kidə́ ə̀vìáwó, Yúdà yə víwó, Hénadad yə́ víwó, kídə́ wóvíwó kídə́ wó nɔnvíwó Léwùì tɔ́wó, wó kpɔ́ le jra wóɖə́kiwó dó də́ə̀du bə́ xómɛn wójí. ¹⁰ Kə ə̀dɔwɔtɔ́wó wɔ Mawu yə́ gbədóxɔ yə́ gɔmɛn ɖókpə́wó ɖɛ́á, wó nán í vɔ̀sátɔ́ kə lə awumɛn wóákpɔ́ɔ̀ gomɛn ləmɛn, kídə́ ə̀kpɛnwó, Léwùì tɔ́wó, Asaph yə́ víwó, kídə́ Cymbales, wo, gbɔ̀xó nɛ́n wóá tə́ŋ́ súbɔ́ Àxótɔ́, lə David Israël fiɔ yə́ nú ɖóɖówó nu. ¹¹ Wó lə jihà, lə dó Mawu də́ə̀ji í lə káfúi tó ənyɔntí iláwójí: Ɖó ə́ nyɔ́n, ɖó yə́ dɔnmənyɔ́nyɔ́n nɛ́n Israël lɛɖɛ́ tɛ̀gbɛ̀ɛ̀! Í ə̀dúá kə́ŋkə́ŋ lə də́ jìjɔ̀ xá sínsía í lə dó Mawu də́ə̀ji, ɖó ənú kə náán wó lə ɖó Mawu xɔ yə́ gɔmə ɖókpə́wó. ¹² Dó vɔ̀sátɔ́wó kídə́ Lə́wùìtɔ sùgbɔtɔwó, kidə́ pomə jí kpɔ́tɔ́ kə cinwó, kə kpɔ́ ə̀xɔ kə́lə́kə́lə́tɔ, lə fànvi í lə dáàxá gàkəmə wó lə ɖó ə̀xɔa yə́ gɔ̀mə̀ɖokpə́wó lə wó ŋkúvíməan. ¹³ Amə sùgbɔ̀wó lə kpɔ́ jìjɔ̀ í lə də́àxá, Kə́kə́ wó ŋ́téŋ́ lə də́ vòvò tótó amɛnwó jìjɔxawó kídə́ àvinxáwó mə ò, ɖó dùkɔ́álə də́ àxáwó sínsín kə́kə́ wó lə yi dìŋ̀dìn tóhó.