¹ Í ífiaá nɔnvíwó, mí xóɖǝ̀ dǝ̀ míán ta, càgbǝ Àxótɔ́á yǝ́ nyɔn nán kaka dǝ́xíxǝ́á mǝn kábá í wóá dóǝ dǝ́ǝ̀ji, sigbǝ ì lǝ mián kpájíá. ² Mi xóɖǝ̀ bǝ míán dǝ lǝ amǝn nyràn kú kídǝ́ amǝn vɔ́ɛ́n wó lǝmǝn, ɖó wó sééé wóŋ́ wɔ xɔ̀sǝ̀ɖɛ ò. ³ Vɔ̀à Àxótɔ́á nyín ǝnú dodó wɔtɔ́ kǝ á ɖómi anyín í á ɖǝ mi có amǝn nyrànkúwó lɔmǝn. ⁴ Mí ɖó kàká dǝ́jí lǝ Àxótɔ́ámǝn dǝ́ mian ŋún, bǝ́ mi lǝwɔ í mián gbǝ yiji í lǝ wɔ ǝ núkǝ mí ɖó nǝ́n. ⁵ Àxótɔ́á nán kprɔ mián jíwó vá Mawu yǝ́ rɔnrɔn gbɔ́ kídǝ́ Crísítò yǝ́ ŋunɖɔɖɔ. ⁶ Ífia nɔnvíwó, mí ɖó min anyín lǝ míán xótɔ́ Yèésù Crísítò yǝ́ ŋ́kɔ́ mǝn, bǝ́ mi ŋ́ ká cá kuɖǝ́ nɔnvíkǝ nɔn àgbǝ̀ lǝ ǝ̀dɔ̀ɖǝ́ mawɔmawɔmǝ ò ǝ nú kǝ ŋ́ sɔ kíɖǝ́ ǝ̀dǝ̀kɔnu kǝ mi xɔ lǝ núán gbɔ́á ò. ⁷ Ɖó mián ŋtáwò mi nyan bǝ ǝ́ nyín ŋŋ́ɖǝ́ mawɔmawɔ kǝ wóá sǝ́ sɔ kíɖǝ́ mí. ɖó mí ŋ́ nɔn àgbǝ̀ ŋnan mǝn sigbǝ amǝn kǝ́ ŋ́ xɔ kpakpra ǝmǝ́n. ⁸ Í míŋ́ ɖu amǝnɖǝ́ yǝ́ núɖuɖu gbàalé ò. Kǝ́ tóvò nǝn ŋunan án, mí wɔ̀dɔ ǝ̀zan kíɖǝ nyindɔn lǝ nɔ̀nɔ̀nmǝ̀n sǝ́ǝnŋún kídǝ́ kǝ váàɖiwó mǝn, càgbǝ mì ŋ́ káa nyín àgban nǝn mi ò. ⁹ Mí ŋ́ wɔ ǝnǝn ò càgbǝ mì ŋ́ wɔ àcɛkpakpa dǝ́kɛ́n ɖɛ́ o. Tóvòa, mì wɔɛ càgbǝ mían nyín kpɔ́dǝ́ŋú nǝ́n mi, bǝ́ mian tǝ́ŋún wɔ sigbǝ mi. ¹⁰ Gàkǝmǝn nú lɛ kídǝ́ mián, mí ɖómi anyín: «Nǝ́n amǝnɖǝ́ gbǝ́ yǝ ŋ́ kàá wɔdɔ́ woá, ŋ́ ká ɖunú ò. ¹¹ Ɖó mí sǝbǝ́ amǝn ɖǝ́wó lǝ mian wó ŋ́ lǝ jí bǝ́ yoá wɔ̀dɔ ò. Wó ŋ́ wɔ̀nǝ ǝ̀dɔ ò, tóvòa wó nyín ǝnú gbále wɔtɔ́wó. ¹² Hɔ́ntɔn nǝ́n amǝn ŋuran wó mɔnkúíá, mí wɔnǝn dòdó nǝ́nwó í xomǝn ǝ̀tóɖó nóó lǝ Àxótɔ́ Yèésù Crísítò mǝn bǝ́ wóá wɔ̀dɔ brɛ̀wùù í wóá ɖu wó ŋtáwó ŋɖuɖu. ¹³ Vɔ̀à mianwó yá, nɔnvíwó, ǝnúnyɔ́ɛ́n wɔwɔ ŋ́ ká tìkɔ nǝ́n mi ò. ¹⁴ Nǝ́n amǝn ɖǝ́ ŋ́ bu míán nyɔnwó lǝ míán lɛ́tàwomǝn án, mi nɔn ŋun lǝ ŋún í mi ŋ́ ká wɔ ɖǝ̀ká kídǝ́ǝ ò nǝn ǝŋun nán kpɛɛn. ¹⁵ Mi ŋ́ ká cɔ́ɛ sigbǝ miaăn kǝtɔ́ ǝnǝ́n ò, vɔ̀à mi krɛ́ɛn sigbǝ nɔnvi ɖǝ́ká ǝnǝn. ¹⁶ Àxótɔ́ yǝ́ ŋ́tá nán námi yǝ́ ŋúntífáfá gàsíágàmǝ̀n í lǝ núsíanúmǝn. Nán nɛn kídǝ́ mian wó sééé. ¹⁷ Ǝnyǝn Pɔ́lù ŋ lǝcí mi, tó tiŋ́lɔ ŋ́tátájí sigbǝ ŋ wɔnɛn lǝ tiŋ́ lɛ́tàwomǝn ǝnǝ́n. ¹⁸ Kǝ míán xótɔ́ Yèésù Crísítò yǝ́ mǝnúvǝ́vǝ́ nán nɛn kídǝ́ mianwo sééé.