aug_2th_text_reg-2th-2

Ǝta 2

¹ Unfía, mí lɔ́ bíɔ́ có mìan bgɔ́ bǝ́, kudé àxotɔ́ Yesu Christo yé vàvà ŋtía, kídé mì an godódó kídé a, nɔnvíwó, ² mì ŋ̀ ká càká lǝ́ mì an súsúwò mɛn, kídé gbɔngbɔn mǝ dé ǝnyɔ́n an ŋ́ o, aloó sígbǝ́ wó wrán wǝ́man mɛn mí, í lǝ́ nan kakádejí bǝ́ àxotɔ́ yé vava gàmǝ an vá vɔ í o. ³ ằmɛn ɖǝ́kɛn ŋká blǝmí tó ǝmɔn ɖǝsiaɖǝ jí o. Ɖólǝ́ ǝnú ŋnan ŋ́kan vamǝ kǝkǝ́ nɛn gakǝ́mǝ àmǝ kǝ gbǝnú lǝ́ Mawu gbɔ́, í ŋwɔ ǝsǝ́ ɖǝkɛn ɖɛ́ o, í nyin ǝnù danhintɔ́ á lá có o. ⁴ Yé í cìnɛ́trǝ́ dǝ́ àmǝsíámǝ kǝ́ yɔ́ nǝ́ Mawu yé ŋ̀kɔ́, í subɔ́nɛn án. Vǝvǝ́tɔá, ǝ́vɛ́ kanren nɛn ɖɛ́ dǝ́ Mawu yé ɖǝxóxɔmɔ, í nan bǝ́ ǝ yé í nyin Mawu. ⁵ Mì ŋ́ gbǝlǝ́ ɖóŋ bǝ́, ŋ́ nú ǝnyɔn ŋ́ nan wó nɛn mì gakǝ́mǝ́ ŋ́ lǝ́ mì an gbɔ́ɖɛ́ a ? ⁶ Ǝnú kǝlǝ́ dayá nɛn ŋfia a yé í nyin bǝ́ yé ɖǝkɛn í wò káa ɖǝ disá lǝ́ gaŋnana mǝ. ⁷ Ɖó bǝ́ ǝtɔ́ amliman nú wò jí kǝ nyin ǝsǝ́ ji manwɔ́manwɔ́ xóxó àmǝ ɖǝ́ká í lǝ́ ɖɛ́ gbɔ̀xó kǝkǝ́ nɛn gakǝ́mǝ à cólǝ́ ǝ́mɔ́n án jí a. ⁸ Àmǝ kǝŋ́ káa wɔ̀ dǝ́ ǝsǝ́ jí a, wòa ɖǝdǝ́ akpáɖǝká, í àxotɔ́ Yesu a wuíi kídǝ́ yé gbɔngbɔ́n. Àxotɔ́ là gbɛn gúdúgúdú tó ɖǝdǝfiɔn mǝ lǝ́ yé vává ŋ́tí. ⁹ Cócódǝ́ ámǝ ŋ́ lá có àbùsan ŋ̀ gbɔ́ tó yé nù wɔ̀wɔ̀ mǝ kidé ŋ́sɛn, kídé dǝsíwò, kídé amlimanù kǝ ŋ̀ nyin adòdò a wó wɔwɔ, ¹⁰ Kídé àmɛn blǝ́blǝ́ lǝ ǝnyɔntóhó á gbɔ́. Ǝnù ŋnan wò í la kprɔ́ àmɛn wo‌ɩŋ́ dó rɔnrɔn nɛn ǝnyɔ́n dodó á nɛn wó á tǝ́ŋ́ xɔ́ nɛn wò o. ¹¹ Cagbǝ́ ŋ́nantɔ́, í Mawu à kprɔ̀ wó bùmɔn nɛn wó á kúdé víxò nyɔn wó jí. ¹² Ǝnù kǝ woá nyan yé í nyin bǝ́ wò à ɖó kójó nɛn àmǝ kǝ ŋ́ kádé ǝnyɔn dodó à jì a wó, í sǝ́ viví nɛn ǝnù tóhó manwɔ̀manwɔ̀. ¹³ Mí cɔ́ akpǝdàdà tɔ́hɛɛ́ nɛn nɔnví rɔnrɔn to wó lǝ́ àxótɔ́ a mǝ, ɖóbé Mawu cán mì sígbǝ́ atíkucincin kǝ́lǝ́kǝ́lǝ́ tɔ́ kǝ́ kpɔ́ ɖǝɖǝ tó vɔsasamǝ nɛn gbɔngbɔn lǝ́ kákádǝjí mǝ nɛn ǝnyɔn dodó à. ¹⁴ Kǝ wó yɔ́ mí nɔ́n tó ǝnyɔ́nyɔngbí á jí nɛn mì án xɔ́ kpɛnkpɛn có mì an xotɔ́ Yesu Christo gbɔ́. ¹⁵ Tinŋ̀ nɔnvíwó, mì lǝ̀ mí án ɖǝkíwó sinŋsin, nɛn tùyùɖó kǝ wó kprá mì an wó, tó ǝnyɔn nùnù wò jí aloo to ǝnù ŋrɔnrɔn mǝ án, mì ká gbǝ́ɖǝ́ o. ¹⁶ Ŋ́fíá kǝ mì an xotɔ́ Yesu Christo ŋ̀tá, kídé Mawu kǝ́ nyin mí an dádá rɔ́n mì í mi vó ɖɛ tɛgbɛɛ́, kídé kákádé jí nyɔnŋgbi có ǝcɔ́ kǝ́ gbɔ̀nɔn án tó yé amɛnuvǝ́vǝ́, ¹⁷ Nán gbangó dǝ́ mì an jì wó mǝ, nɛ́n mì an sǝ́ wɔ̀dɔ́ nyɔnyɔŋgbi wò.