¹ Zǝ̀tɔantɔ̃ kǝ ŋ kàá vá mian gbɔ̃ kǝ̀. Wóá jro amə́brɛ ha mǝ tó amǝ ámǝ̀vǝ̀ nɔ̃mí amǝ ámǝ̀tɔn yə́ ɖasə́ɖíɖí jí. ² Ŋ nú nə́ amǝ kǝ wɔ núvɔ̃ɛn wó, kíɖə́ amǝ kpɛtíáwó, kǝ ŋ vá zǝ̀vǝ̀àtɔ̃, í ŋ gbǝ lǝ núi kə́: Nə́ ŋ gbǝ trɔ̃ vá kə́á nyǝ ná sə́ kǝwó ò. ³ Ŋlǝ nú ǝnə́ nə́ mí ɖó mí lǝ jí ǝ̀kpə́ɖójí nú bə́ Kristo lǝ xonu tó ǝ̀jinyǝ. Ŋ nyín amǝ gbɔ̃jɔ̃ ɖə́ mian ŋún ò; bòŋún ə́ ɖó ŋúnsɛn ɖə́ mian ŋún. ⁴ Ɖó, wó krɛɛn càgbǝ yə́ gbɔjɔgbɔ̃jɔ̃ ta, vɔ̃à ə́ lǝ àgbǝ̀ tó Mawu yə́ ŋúnsɛn mǝ. Ɖó míán cá mí gbɔ̃jɔ̃ lǝ yá mǝ, vòà míán nɔn àgbǝ̀ yí ɖáá kídə́ǝ tó Mawu yə́ ŋúnsɛn jí, lǝ mian mǝ. ⁵ Mí yi mian ŋtáwó ɖə́ki wó mǝ nə́ mian kpɔ̃ nə́ mi lǝ xɔ̃sǝ̀ mǝ. Mi dó mian ŋtáwó wó kpɔ̃. Miŋ də́ dǝ̀sì bǝ Yesu Kristo lǝ mian mǝàn? Ǝ́ lɛ, nə́ə́gbə́ ǝnə́ hùun mí ŋ' lǝ tɔxɛɛ ò. ⁶ Í ŋ kádə́jí bə́ míán vá nyán bə́ wó ŋ'dó mí kpɔ̃ ò. ⁷ Ífia, mí lǝ xoɖǝ̀ nǝ̀ Mawu bə́ mí ŋ'ká gbǝ wɔ nú baɖa ɖə́ ò. Nyǝ ŋ'lǝ xoɖǝ̀ bǝ míán nɔn sigbǝ wó dómi kpɔ̃ ǝnə́ ò. Bòŋún, ŋlǝ xoɖǝ̀ bǝ mian lǝ wɔ nú kǝ jǝ, nə́ ì gbǝ nyín cá bə́ dòdókpɔ̃á gró mí. ⁸ Ɖó míŋ' ná tə́ŋún wɔ ǝŋɖə́kɛn tóvò nǝ ǝnyɔn dodó ò, vɔ̃à nə́ ǝnyɔn dodó tɔ ɖǝ̀ɖǝ. ⁹ Ɖó míkpɔ̃nə́ jìjɔ̃ nə́ mí gbɔ̃jɔ̃, gànŋkə́ mí sɛɛn ŋún ɖɛ. Mí lǝ dógbǝ̀ɖá cá nə́ míán nyɔnyɔ̃n də́jí. ¹⁰ Ŋlǝ ŋrɔnnú ilá wó nə́mi kǝ ínyi cá bə́ ŋ diŋdin də́ mian, càgbǝ gàkǝmǝ ŋ lǝ mian gbɔ̃à, nyǝ ŋɖóá wɔ̃ àkpá sɛnsɛn nú kídə́ mí ò, bə́ má zán àcɛkpakpa (kǝ Mawu náŋ bə́ má sǝ dó mí ŋúnsɛn kǝ ŋ'nyí bə́ má sə́ kaka mí ò). ¹¹ Ífia, nɔnvíwó, mí kpɔ̃ jìjɔ̃! Mí wɔ̃dɔ càgbǝ míán nyɔnyɔ̃n, mí xɔ ŋúnsɛn dódó, mí nɔn ɖǝ̀ká wɔwɔ mǝ, mi nɔn ŋtífáfá mǝ. Í rɔ̃nrɔ̃n kídə́ ŋtífáfá yə́ Mawu á nɛn kídə́ mí. ¹² Mian lǝ cí mian ɖə́kiwó kídə́ nugbígbɔ̃n kǝ kɔa. ¹³ Amǝ kɔkɔwó séé lǝ cí mi. ¹⁴ Kə́ Àhótɔ̃ Yesu Kristo yə́ mǝnú və́və́, Mawu yə́ rɔnrɔn kídə́ gbɔ̃ngbɔ̃n kɔkɔ yə́ ɖǝká wɔwɔ, ná nɛn kídə́ mianwó séé.