¹ Màán tə́ŋ' kíkə́ ɖǝ̀ǝkinyǝ də́ǝ̀jí, vɔ̃à nyǝ ŋ' lǝ ɖu ǝŋɖə́kɛn lǝ mǝ nə́ ŋ lǝ wɔɛ ò. Vɔ̃à màán vá vá ǝŋunvǝ̀ kídə́ ɖǝ̀ɖǝ̀diìsá wó kǝ có Àxótɔ̃á gbɔ̃á gbɔ̃. ² Ŋdǝsi ŋíncu ɖə́ká lǝ Kristo mǝ kǝ, ǝ̀xo wíinǝ sɔ̃nŋ' kǝ̀, ǝ̀jì jɔɛ nə́ jìŋkorí ámǝ̀tɔantɔ̃, nə́ í nyín yə́ kídə́ yə́ mǝtíá nɔ̃mí tóvò nǝ yə́ mǝtíá í, nyǝ ŋ' nyán ò, Mawu yá nyán. ³ Í ŋ nyán bə́ ŋúncu ŋunnan (Nɔ̃mí yə́ mǝtíá nɔnmí tóvò nǝ yə́ mǝtíá í, nyǝ ŋ'nyá ò, Mawu nyán) ⁴ wó cɔ̃ɛ yi pàràdísò mǝ í ì lǝ sǝ gbɔ̃ngbɔ̃n mǝ nú gánŋgán wó càgbǝ nə́ amǝ ɖǝ̀síàɖǝ ná tə́ŋún núi. ⁵ Ŋlǝ kídə́ ɖǝ̀ǝkinyǝ, càgbǝ amǝ ŋúnan mɔnkúí. Vɔ̃à nyǝ ŋ' kàá kíkə́ ɖǝ̀ǝkinyǝ càgbǝ nyǝŋúntá tɔ ò, nə́ə́gbə́ càgbǝ tiŋ' gbɔjɔgbɔ̃jɔ̃ wó ta ɖó í. ⁶ Nə́ ŋ jíbə́ má kíkə́ ɖǝ̀ǝkinyǝ də́ǝ̀jìá, nyǝ ŋ'ɖóá nyí tagbɔ̃ kúkú tɔ̃ ò; ɖó màán kǝ nú àdòdó. Vɔ̃à màán kǝ cɔ̃ɛ də́ ɖǝ̀ǝkinyǝ jí í nyǝ nán kíkə́ ɖǝ̀ǝkinyǝ də́ǝ̀jiò, bə́ nə́ amǝ ɖə́kin ŋ' káa ɖó xɔ̃sǝ̀ baɖa də́ ŋkɔ nə́ ǝnú kǝ wó kpɔ̃nə́ də́ ǝŋúnǝ nɔ̃nmí kǝ wó sǝsǝ có ǝŋúnyǝan. ⁷ Màán kpɔ̃ ɖǝ̀ǝkinyǝ bə́ nyǝ ŋ' ká gbǝ kíkə́ ɖǝ̀ǝkinyǝ də́ǝ̀ji càgbǝ ɖǝ̀ɖǝ̀ diìsá wó nɔnɔnmǝ man nyán tanə́ wó. Kə́ǝnə́án, nyǝ ná ɖɔ̃ kídə́ amǝ ɖə́ki dódó də́ǝ̀ji ò, ɖó wó náŋ aŋunja ɖə́ká də́ ranmǝ, sátànà yə́ mǝ dɔ̃dɔ̃ nə́ àvà cáká ŋ, nə́ nyǝ ŋ' ká vá zun amǝ kǝ kíkə́nə́ ɖǝ̀ǝkia də́ǝ̀ji ɖóɖo ò. ⁸ Ŋɖǝ̀ kúkú nə́ Ahótɔ̃á zǝ̀tɔ̃n càgbǝ ŋnan tɔ, bə́ nə́ wá gboe yi lǝ̀ gbɔnyǝ. ⁹ Vɔ̃à ə́ núŋ bə́, > Gà ŋunan mǝ màán téŋún wɔ àkɔ̃ sùgbɔ də́ tiŋ' gbɔjɔgbɔ̃jɔ̃ jí, càgbǝ Kristo yə́ ŋúnsɛn nán nɔn mǝnyǝ. ¹⁰ Kə́ ǝ̀jì lǝ jɔŋ, lǝ tiŋ' gbɔjɔgbɔ̃jɔ̃ wó mǝ, lǝ ǝ̀zùwo mǝ, lǝ càkàcákáwó lǝ tǝ̀tǝ̀kpɔ̃wó mǝ kídə́ lǝ ǝnúxaxawó mǝ, nə́ Kristo; ɖó gàkǝmǝ ŋ gbɔ̃jɔ̃á, gaŋuna mǝ í ŋ kpɔ̃nə́ ǝ̀gan. ¹¹ Ŋtrɔ̃ zun amǝ ǝ̀tagbɔ̃ manɔnsítɔ̃! Mí zín də́ǝ̀jinyǝ í, ɖó mianwó í dó lá kǝ dɔ̃ŋ. Nyǝ ŋ'lǝ àgɔ̃mǝ̀ nǝ Àpóstòlò xɔ̃àfi ŋunawó ò, vɔ̃ gànŋkə́ nyǝ ŋ'nyín ǝŋɖə́ ò. ¹² Àpóstòlò yə́ dǝsi ŋtáŋtáwó zə́ lǝ mian mǝ lǝ jìgbɔ̃ɖɛ mǝ, tó dǝ̀sìwò, ǝnú jíiŋún kídə́ àmlìmànu wó jí. ¹³ Ɖó, lǝ nú kǝə́ wó mǝ í mi ŋ' lǝ və́və́ɖə́ lǝ sigbǝ Mawu há ɖǝ̀áwó ǝnə́, tóvò bǝ nyǝ ŋ' nyín àgbàn nǝ míán? Mí cɔ̃ àgɔ̃jǝjǝ ŋnan sə́ kǝŋ. ¹⁴ Kpɔ̃! Ŋ lǝ gbǝ̀sɔ̃sɔ̃ á yi mian gbɔ̃ zǝ̀tɔn antɔ̃. Í nyǝ ná vá nyín àgbàn nǝ mi ò, ɖó ŋ' nyín míán nú nɔn amǝsí í ŋ lǝ jí ò, mian ŋtáwó í ŋ lǝ jí. Ɖó, ɖǝ̀vìwó ŋ' ɖóá jɔnú nə́ wó jitɔ̃wó ò; kə́ tóvòa, àjìtɔ̃wó í ɖóá jɔnú nə́ wó xiwó. ¹⁵ Màán zán ǝnú fàà, í màán zán ɖǝ̀ǝkinyǝ nə́ míán kpɔrí wó. Nə́ ŋ rɔn mi sùgbɔ̃á, míán rɔnŋ hɔɛɖə́káà? ¹⁶ Vɔ̃à, sigbǝ í lǝ dóá, nyǝ ŋ' gbǝ nyín agban nǝ mi ò, vɔ̃à kǝ í nyín bə́ ŋ nyán ŋunú sugbɔ̃á, ǝnyǝ í lǝ mi kídə́ bìbí. ¹⁷ Ŋ kpɔɔ̃gomǝ lǝ mian ŋún tó amǝ ɖə́ká kǝ ŋ dɔ̃ ɖíɖá mian wó domǝtɔ ɖə́ká. ¹⁸ Ŋ dóògan Títò bə́ ná yi mian gbɔ̃ í ŋ dɔ̃ amǝ bú kídə́ǝ. Títò kpɔ̃ɔgomǝ lǝ mian ŋúàn? Ɖèé mí ŋ' zɔn də́ ɖǝ̀kárɔkpaà? Ɖèé mí ŋ' zɔn də́ àfɔtohó ɖə́ká wó jíà? ¹⁹ Ɖèé mí káɖə́jí bə́ lǝ gàxòxò ilá sééé mǝ mí lǝ hrɔn míán ɖə́kiwó ta lǝ mian gbɔ̃à? Lǝ Mawu yə́ ŋkɔà, lǝ Kristo mǝ, mí xonu có núsíanú ŋún nə́ míán ŋúnsɛndóámǝ. ²⁰ Ɖó ŋ lǝ vɔ̃nvɔ̃n bə́ nə́ ŋ vává nyǝ ŋ'káa vá kpɔ̃ mi sigbǝ ŋ lǝ jíɖóá ò. Ŋlǝ vɔ̃nvɔ̃n bə́ mi ŋ'káa vá kpɔ̃ŋ sigbǝ mí jíɖóá ò. Ŋ lǝ vɔ̃nvɔ̃n bə́ nyǝ ŋ'káa kpɔ̃ ǝnyɔndɔndɔn wó ò, ŋúnhuan, xomǝfíɛn ɖóɖo, amǝ ɖə́kitɔ jíjí wó, nuxó vɔ̃ɛn xoxo, kìkǝ də́ǝji kídə́ càkàcákáwó ò. ²¹ Ŋ lǝ vɔ̃nvɔ̃n bə́ nə́ ŋ trɔ̃váá, tiŋ' Mawu ŋ' abe dó ŋkpɛn ŋ lǝ míán ŋkɔ ò. Ŋlǝ vɔ̃nvɔ̃n bə́ ranmǝ ŋ' káa kúŋ də́ amǝ sùgbɔ kǝ wɔ núvɔ̃ɛn wó ŋún ò kídə́ kǝ wó ŋ' trɔ̃jìmǝ̀ lǝ ǝnú makɔmakɔ, lǝ gbɔ̃dɔ̃ndɔ̃n yàkàyàkà kídə́ vìvísǝsǝ jójró kǝ wó wɔ wó mǝ.