¹ David yo éha. Yehowa tɔ yinyi anyigban kudo ŋdekpekpe yile édjia, xixia kudo amɛyiwo kpata le emea! ² Ɖoa etsui ɖo apuwo dji, yi elii ɖo etɔsasrawo dji. ³ Mɛde lateŋu lia Yehowa yo eto tamɛ? Mɛde lateŋu yii yo texoe kɔkɔɛ lɔ? ⁴ Amɛyi be alɔwo ŋde wa nubaɖa yi be edji kɔ; amɛyi ŋde sɔ yo luvɔn dasi ne adjeɖaɖa yi ŋde tananu ɖo adjeɖaɖa djio. ⁵ Éla xɔ Yehowa yo yayra, Mawu yo djɔdjɔɛnyɛnyɛ ne yio ɖeɖekpɔkpɔ. ⁶ Amɛyɛwo nyi djidjimɛ yi wóyɔnɛ, amɛyiwo Yakobo Mawua ŋkumɛ djiɔ. -Gbɔviɖe. ⁷ Agbowo, mikɔ ta yii dji, blema gahɔn mifɔn yi dji! nɔn bubufiɔ, agɛnɖo mía mɛ. ⁸ Mɛɖe nyi dodoɖo dji yo fiɔ tsɛ? Yehowa ŋsɛntɔ kudo kalɛntɔ, Yehowa kalɛntɔ le ahuawo men. ⁹ Agbowo; mikɔ ta yii dji, blema gahɔnwo mihu! Ne bubufiɔ negɛnɖo mɛ! ¹⁰ Mɛde yi nyi bubufiɔa lɔ fifiɛ? Ahuawatɔwo Mawu, Yehowa Zedaɔt: bubufiɔa lɔ nɛ! -Gbɔnviɖe.