¹ Nɛ amɛɖe se woxofĩndo amɛ, yi yinyi amɛtsinɛ nɔn enua texoe alo ese , ganke ŋde nuii Olɔ, ke amɛa wɔ nuvuĩn, yi vodada lava dji. ² Nɛ amɛɖe le manyan manyan mɛ, tɔ alɔ enu makɔmakɔ, sigbebe elan makɔmakɔ kuku nɛnɛ lɔ, nɛ enyi gbemɛlan alo axomɛlan, alo elan tsinɛ tanɔn lɔ, yiŋtɔ lanyi lanyi amɛ makɔmakɔ yi yilanɔn vodada mɛ. ³ Nɛ ŋde nyan O, yi yitɔalɔ amɛkuku ɖe lɔ, yi yivanyan le yo ŋgbodomɛa, eladje nuvuĩn mɛ. ⁴ Nɛ amɛɖe, le plɛsi mɛ, tanu be yelawɔ nubaɖa alo nunyui, yi ŋde nyɛɛɔn , vɔ le yo ŋgbodomɛ vadjesi lɔ, eladje vodada mɛ. ⁵ Amɛɖekpekpe tsinɛ lado djesi vodada yɛwo domɛtɔ ɖeka lɔ, elahun yo vodada mɛ. ⁶ Yi yilasɔ alĩnɔn alo egbɔnɔn , lasɔwɔ vodada yo avɔsa nɛ Yehowa, sigbebe ŋtsiklɔklɔ yo avunlenu . Yi nunɔnla lawɔ nuvuĩn yo avunlele ɖo ta. ⁷ Nɛ ŋdeɖo ega tsinɛ yilasɔ xloe alĩnɔn lɔ alo gbɔnɔn lɔ olɔ, elasɔ peplelu eve alo ahɔnɛ eve sɔna Yehowa ɖo yo vodada texoe, ɖeka sigbebe nuvuĩn yo vɔsa yi vegɔnlɔ lanyi numɛvɔsa. ⁸ Elasɔwo sɔvanɛ nunɔnla , tsilasɔ vodada yo vɔsa savɔ tutugban. Nunɔnla lafĩn tamɛ nii le kɔsunu gbɔ, yi ŋda ɖewo ɖo vo O; yo ŋgbodomɛ lɔ, ⁹ elasɔ nuvuĩn yo vodadavɔsa yo hun hlĩnɖo avɔsakpea yo akpaɖeka, yi yilahlĩn ehun kpɛtɛlɔ ɖo avɔsakpea yo afɔnu: nuvuĩnɖeɖe yo vɔsa yɔ. ¹⁰ Elasɔ xevi ɖetɔlɔ sowɔ numɛmɛvɔsa, le ɖoɖowo nu. Nɛnɛyi nunɔnla lale avuŋ nɛ nusu tsiwɔ nuvuĩn ke, yi wolasɔ yo nuvuĩn kee. ¹¹ Nɛ ŋdatɛnŋ na peplelu eveawo alo ahɔnɛ eveawo lɔ, elasɔ ewɔ mɛmɛ afan ɖeka yo ewolia va , sigbebe nuvuĩn ɖeɖeɖa yo avɔsa; ŋdasɔ ami daɖo dji O, yi ŋdasɔ lĩnfĩn daɖo dji O, ɖo nuvuĩnɖeɖeɖa yo avɔsa yɔ. ¹² Elasɔɛva nɛ nunɔnla lɔ, yi nunɔnla laku alɔhunto ɖeka sigbebe ŋkuɖodjinu, yi yila tɔzoe le avɔsakpea dji, sigbebe ezovɔsawo tsinɛ ezo fiɔn le Yehowa yo ŋkumɛ: Nuvuĩɖeɖeɖa yo avɔsa yɔ. ¹³ Nɛnɛyi nunɔnla lale avun nii sɔso yo nuvuĩ tsinɛwo yiwɔ le nutsɛwo domɛtɔ ɖeka mɛ, yi wolasɔ kii. Nutsinɛ lakpɔtɔ le avɔsa ŋtsi lanyi nunɔnla tɔ, sigbebe le nunana vɔsa mɛ nɛnɛ. ¹⁴ Yehowa nunɛ Mɔse, be: ¹⁵ Nɛ amɛɖe ŋdewɔ nutexoe Olɔ yi yiwɔ nuvuĩn le manyan manyan mɛ le Yehowa yo nu kɔkɔɛwo ŋtsi lɔ, elasɔ agbo tsinɛ ŋtsi kɔ , tsinɛ yisɔ le elankpo yitɔ mɛ , tsinɛ yo ga homɛ lanɔn sekɛliga eve, le agbadɔ yo sekɛlia nu, asɔsa nuvuĩnvɔsa na Yehowa. ¹⁶ Elasɔ enu akpa atɔnlia kpeɖe ŋtsi, ehomɛ tsinɛ yisɔdje agɔ le agbadɔa ŋtsi, yi yilasɔɛ sɔna nunɔnla lɔ. Yi nunɔnla lasɔ agbo tsinɛ nyi nuvuĩnɖeɖe yo avɔsa lasɔ savɔ ɖo ta nii, yi wolasɔ kii. ¹⁷ Nɛ amɛɖe dapu yiso ɖo Yehowa yo dɔdoasiwo domɛtɔ ɖeka ŋtsi , le enu tsiwo ŋda wɔ, yi yikpɔ be yedje agɔ, yi agɔdjea ledjia. ¹⁸ Elasɔ agbo tsinɛ ŋtsi kɔ lasɔva nɛ nunɔnla, agbo tsinɛ yisɔ le elankpoa mɛ le axo nukpɔkpɔ nu. Yi nunɔnla lawɔ nuvuĩnɖeɖeɖa yo avɔsa nii, le nuvuĩn tsinɛ yiwɔ le manyan manyan mɛa, yi wolasɔ kii. ¹⁹ Nuvuĩnwawa yo avɔsa yinyi. Yehowa ŋtsi yi nusu tsɛ wɔ nuvuĩn le.