¹ Yehowa xonuxo nɛ Mɔse , yinu be: ² Xonuxo nɛ Aarɔn kudo eviawo be wonɛkpɔ nyuiɖe le Izraɛlviwo yo nu kɔkɔɛwo tsinɛ ŋtsi wokɔ nuŋ ŋtsi, benɛ woŋgbe xoɖji axĩn nyikɔ kɔkɔɛ lɔ. Enyɛ yinyi Yehowa. ³ Tonɔnwo be: Nɛ mia viwo alo mia djidjimɛviwo domɛtɔɖe ŋtsi ŋde kɔ, yi enu tsiŋtsi Izraɛviwo kɔ nɛ Yehowa yi xoɖi lɔ, ɖo makɔmakɔ ɖe le ŋtsi lɔ, ke wolatsrɔn amɛa ɖa le axĩn ŋkumɛ. Enyɛ yinyi Yehowa. ⁴ Nusu ɖekpekpe tsinɛ so Aarɔn yo kɔtamɛ, tsinɛ laɖo ekpodɔ alo laɖo evomɛkɔsidɔ lɔ, ŋdatɛnŋ ɖu enukɔkɔɛwo kakasɔnan gatsimɛ yi yikɔ. Elanɔn nɛnɛ nɛ amɛtsinɛ latɔ alɔ amɛtsinɛ tɔ alɔ amɛkuku, alo amɛtsinɛ ŋtsi esi lekɔkɔɔ le, ⁵ nɛ amɛtsinɛ latɔ alɔ enu tsiwo tanɔn le anyigban, yi axoɖi, alo amɛtsinɛ ɖo makɔmakɔ ɖe tɔnŋgbe yi laxoɖi yiɖokoe. ⁶ Amɛtsinɛ latɔ alɔ nutsɛwo lanɔn makɔmakɔ kakavanan woetrɔgbɔ ; ŋdaɖu enu kɔkɔɛwo domɛtɔ ɖekpekpe O, vɔ ela lesi le tɔmɛ. ⁷ le ezandodo yo ŋgbodomɛ vɔlɔ, elanɔn kɔkɔɛ, yi yilaɖu enukɔkɔɛwo azɔn, ɖo yo nuɖuɖu yɔ. ⁸ Ŋda ɖu elankuku alo tsinɛ wovuŋvuŋ O, benɛ yaxoɖi yiɖokui sɔto wodji O. Enyɛ yinyi Yehowa. ⁹ Wolawɔɖo axĩn gbedoasiwo dji, kudo vɔnvɔn be woadro nuvuin yo gban yi woaku, le etsimɛ woxoɖi enukɔkɔɛwo . Enyɛ yinyi Yehowa, tsinɛ lakɔwo ŋtsi. ¹⁰ Amɛdjro ɖe ŋdedja ɖu enukɔkɔɛwo O; amɛtsinɛ le nunɔnla yo xomɛ kudo agbantedɔwɔtɔ ɖe ŋdaɖu enukɔkɔɛwo O. ¹¹ Vɔlɔ, nunɔnla ɖe tsinɛ ɖo amɛxloexloe latɛnŋ ɖu, nɛnɛke amɛtsinɛ wodji le axoeamɛ; wolaɖu yo nuɖuɖu. ¹² Nunɔnla yo vi nyɔnuvi tsinɛ ɖe amɛdjro , ŋde kpɔmɔn be yaɖu enukɔkɔɛwo tsiwo nyi nunanan adjɔtɔ Ɔ. ¹³ Vɔlɔ nunɔnla yo vi nyɔnuvi tsinɛ nyi ahosi alo wogbee, vɔ evi ŋde lesi O, yi yitrɔgbɔva etɔlɔ yo xomɛ sigbebe gatsimɛ yi yinyi ɖevi, latɛnŋ ɖu etɔlɔ yo nuɖuɖu. Amɛdjro ɖekpekpe ŋda ɖuio. ¹⁴ Nɛ nusuɖe ɖu enukɔkɔɛa le manyamanyamɛ lɔ, elasɔ enukɔkɔɛa yo homɛga nan, yi yilasɔ yo akpa atɔnlia kpee. ¹⁵ Nunɔnlawo ŋda xoɖi enukɔkɔɛwo tsinɛ Izraɛviwo lasɔnɔnvaɔ, yi tsinɛ wodonɔn ɖo edji nɛ Yehowa; ¹⁶ yi wo nuvuin ŋgbe nɔn wodji nɛ woɖu enukɔkɔɛwo: ɖo enyɛ yinyi Yehowa, tsinɛ kɔnɔn woŋtsi. ¹⁷ Yehowa xonuxo nɛ Mɔse yinu, be: ¹⁸ Tonɛ Aarɔn kudo eviɛwo, kudo Izraɛlviwo kpata, be: Nusu ɖekpekpe tsinɛ le Izraɛl xomɛ alo nyi amɛdjro le Izraɛl, tsinɛ lasɔ numɛmɛvɔsa vanɛ Yehowa, nɛ ŋgbedodo looo alo nunanan tsi yiŋtɔ dji lɔ, ¹⁹ lasɔ enyisu tsinɛ kɔ le yo enyiwo domɛ, alĩnwo alo egbɔnɔnwo, benɛ yo vɔsa nɛnyɔn . ²⁰ Miŋda sɔ elan tsinɛ enuwɔ ɖe sɔvaɔ, ɖo ŋda djɔdji nuŋ Ɔn. ²¹ Nɛ nusuɖe be yaɖe adjɔgbefian alo yado akpe nɛ Yehowa, alo nunanan tsi djroe va lɔ, elan ɖolanyi enyi alo alĩn tsinɛ ŋtsi kɔ sɔva benɛ yadjɔdji nuŋ; nuɖekpe ŋde ɖola wɔɛɔ. ²² Miŋda hin eɖe tsinɛ ŋku gbănɔn, afɔ ŋɛnɔn alo tsinɛ xɔ abi, alo tsiɖo nuxoxo, akpa alo dobavĩĩŋ O; miŋda sɔɛ wɔ ezovɔsa le Yehowa yo ŋkumɛ alo yo vɔsakpe dji O. ²³ Wolatɛnŋ sɔ enyi alo alĩn tsinɛ afɔ djidji alo kpokpuina sɔva avɔ, vɔ ŋdanyi adjɔgbeɖeɖe yo nunanan . ²⁴ Miŋda sɔ elanɖe tsinɛ nɛku gbănɔn alo vuŋvuŋnan, tsinɛ wodrɛn alo wodja Ɔ; miŋda sɔɛ sɔwɔ avɔsa le mia dumɛɔn. ²⁵ Miŋdaxɔ lexa yo avɔsa le amɛdjro si O, benɛ miasɔ savɔ nɛ mia Mawu O; ɖo nuvuin yi wonyi yi wo ŋtsi ŋde kɔ: woŋda djɔdji nuŋ Ɔn. ²⁶ Yehowa tonɛ Mɔse be: ²⁷ Nɛ wodji enyi, alĩn alo egbɔnɔn lɔ, elanɔn enɔnlɔ gbɔ nɛ ŋkeke amanŋdrɛ; le ŋkeke enyigɔngbe sɔyi lɔ, elanyɔn be woasɔɛ sɔwɔ ezo vɔsa nɛ Yehowa. ²⁸ Enyi alo alĩn lɔ, miŋda wu yi kudo enɔnla gbeɖekagbe O. ²⁹ Nɛ milasɔ akpedavɔsa vanɛ Yehowa lɔ, miakpɔgbɔ benɛ djɔdji nii. ³⁰ Wolaɖu elan gbexɔngbe ke; miŋdagble ɖekpekpe daɖɛ nɛ fɔnfɔmɛɔn. Enyɛ yinyi Yehowa. ³¹ Milawɔɖo axĩn gbedoasiwo dji, yi milazɔn le womɛ. Enyɛ yinyi Yehowa. ³² Miŋda xoɖi axĩn nyikɔɔ, benɛ woakɔ ŋtsinyɛ le Izraɛlviwo domɛ. Enyɛ yinyi Yehowa tsinɛ kɔnɔn mia ŋtsi, ³³ yi enyɛ yi ɖemi tole Egipti dumɛ , benɛ manyi mia Mawu. Enyɛ yinyi Yehowa.