¹ Yerixo yo agbowo le tutu le Izraɛlviwo yo ŋkumɛ, yi amɛɖekpe ŋda tɛnŋ o eduamɛ alo ato. ² Yehowa nu ne Yoshua be: kpɔ, ŋsɔ Yerixo kudo yo sɔdja sɛnsɛn wo sɔdo alɔmɛ nɔwo. ³ Mitrɔdo edua, mia sɔdja nusu ahuawɔtɔwo, mitrɔdoe zeɖeka. Wolawɔ nɛnɛ ŋkeke adin sɔnŋ. ⁴ Nunɔla aŋdrɛ lasɔ nublabla ɖaka kudo ahuakpɛn aŋdrɛ; le ŋkeke aŋdrɛ gbe lɔ, milatrɔdo edua zeaŋdrɛ; yi nunɔlawo laku ahuakpɛnwo.k ⁵ Nɛ wooku elanzo lɔ nudjinudji, yi nɛ mise ahuakpɛn yo kuku lɔ, dukɔn kpata lado abobo ganɖe. Soxɔndji edua yo gbli lanu, yi dukɔn lɔ lazɔn yi ŋkɔ amɛ ɖeka ɖeka. ⁶ Nɔn vi Yoshua, yɔ nunɔlawo, yi yinu nɔwo be: Misɔ nublabla ɖaka yi nunɔla aŋdrɛ wonɛku ahuakpɛn aŋdrɛ le Yehowa yo nubababla ɖaka yo ŋkɔ. ⁷ Yi yinu nɛ dukɔnlɔ be: Mizɔn nɛ miatrɔdo edua, yi nusu ahuawɔtɔwo nɛdje ŋkɔ ne Yehowa yo nublabla ɖaka. ⁸ Tsinɛ Yoshua xo nuxo nɛ dukɔnlɔ vɔlɔ, nunɔla aŋdrɛ tsiwo sɔ ahuakpɛn aŋdrɛ wodje ŋkɔ yi wodje ahuakpen lɔ kuku. Yehowa yo nubabla ɖaka le ŋgbodomɛ nɔwo. ⁹ Nusu tsiwo blakpa nɛ ahuawɔwɔ wo zɔn le nunɔla ekpɛnkutɔwo yo ŋkɔ, yi amɛ kpɛtɛwo kplɔ nublabla ɖaka do; wole ekpɛnwo kuɔ le gatsimɛ yi wole zɔzɔn ɔɔ. ¹⁰ Yoshua do ese ye nɛ dukɔnlɔ: miŋda ɖo axua alo lana mia gbe laɖi o, yi enyɔɖe ŋda tole nume nɛ mi, kakavana gbetsigbe yi nanu be: mido ahua! yi mila do ahua. ¹¹ Yehowa yo nublabla ɖaka trɔdo edua, etrɔdoe zeɖeka, yi yoŋgbodomɛ lɔ, woyi do agbadɔwo mɛ, yi wodɔn alɔn. ¹² Yoshua fɔn le ŋdekenyɛn mɛ yi nunɔlawo sɔ Yehowa yo nubabla ɖaka. ¹³ Nunɔla amandrɛ tsinɛwo so ahuakpen amandrɛ le Yehowa yo nubabla ɖaka yo ŋkɔ tɔ zɔnzɔn yi ku ekpɛnwo. Nusu ahuagawo le zɔnzɔnkɔ le ŋkɔ nɔwo yi amekpetɛwo kplɔ Yehowa yo nubabla ɖaka lɔ do; le azɔnli lɔ mɛ lɔ wo ku ekpɛnwo. ¹⁴ Wotrɔdo edu tutugban le ŋkeke evegɔn me; yi wotrɔdjo yiɖo wo agbadɔ mɛ. Wowɔ nɛnɛ pɛpɛpɛ ŋkeke amadin. ¹⁵ Le ŋkeke andrɛ gɔnlɔ gbe lɔ, wofɔn le fɔnfɔnme boo, yi wowɔ nɛnɛ ke ze andrɛ trɔdo edua; agbexɔngbe yinyi tutugban tsinɛ yi wotrɔdo edua ze andrɛ. ¹⁶ Le ze andrɛ gɔnlɔ mɛ lɔ, tsinɛ nunɔlawo ku ekpɛnwo lɔ, Yoshua tonɛ dukɔnlɔ be: mido axua, ɖo Yehowa sɔ edua na mi! ¹⁷ Wolatsrɔn edua na mi! Wolatsrɔn edua na Yehowa, edua kudo nutsiwo kpata lemɛ; vɔ wola ɖati agbe nɛ Rahab ahasitɔlɔ kudo amɛtsiwo kpata lanɔ egbɔ le axoea mɛ, ɖoŋtsi exla amɛdɔndɔn tsiwo midɔ ɖoɖa. ¹⁸ Mikpɔ nyuiɖe le nutsiwo wolatsrɔn ŋtsi; ɖo nɛ misɔ nuɖe le nutsiwo milatsrɔn ŋtsi lɔ, milatsrɔn Israɛl yo agbadɔlɔ yi milado tsakatsaka emɛ. ¹⁹ Ega ɖekpekpe kudo sika, gadjin nuwo alo gakpo tɔwo, wolanyi Yehowa tɔ, yi wolaginɖo Yehowa yo nudjraɖoxoe. ²⁰ Dukɔnlɔ kpa abobo, yi nunɔlawo ku ahuakpɛnwo. Tsinɛ dukɔnlɔ se ekpɛnlɔ yo kuku lɔ, ekpa abobo, yi egliɛ mu; dukɔnlɔ ginɖo edua mɛ, amɛ ɖeka ɖeka. Woxɔ edua, ²¹ Yi wotsrɔ edua kudo ewigan, wotsrɔn edua kudo ewigan, wotsrɔn nutsiwo kpata le edua mɛ, nusuwo kudo nyɔnuwo, ɖeviwo kudo amɛganxowo, kakavadje enyiwo, alinwo kudo esɔakɛtɛwo dji. ²² Yoshua nunɛ amɛ eveɛwo tsinɛwo yikpɔ eduamɛ be: miɖo ahasitɔ nyɔnua yo xomɛ, yi miɖe yi kudo amɛtsiwo kpata nyi yitɔ, sigbe aletsi mita nu nii nɛnɛ. ²³ Ɖekadjɛwo, tsiwo vayi ɖisa le anyigban dji, ginɖo axoeɛmɛ yi woɖe Rahab to, etɔlɔ, enɔlɔ, nɔviɛwo kudo amɛtsiwo nyi yo xomɛtɔwo, sɔva Israɛl yo asara godo. ²⁴ Wotɔzo edua kudo nutsiwo kpata le emɛ; vɔ ganke wo ŋde tɔ alɔ Yehowa yo ga, sika kudo gadjin kudo gakpo nuwo tsile Yehowa yo xomɛ ŋtsi o. ²⁵ Yoshua na Rahab ahasitɔlɔ tsi agbe, yo axoedo lɔ, etɔlɔ, kudo amɛtsiwo le yo axomɛ; enɔn Izraɛl dome kakavana egbeɛ, ɖo exlua amɛdɔdɔwo tsinɛ Yoshua dɔ ɖoɖa be wonɛyi kpɔ Yeriko duamɛ. ²⁶ So gbexɔngbe yi Yoshua kan atanŋ be: wo xofiŋ do ametsinɛ la tsite le Yehowa yo ŋkumɛ benɛ Yatrɔ tu Yeriko yo dua! Elaɖi ŋtsi, yi evia tutugban yilasɔ tu efin, yi yilaɖo agoawo kudo yo vi nusu adɔmlin lɔ. ²⁷ Yehowa nɔanyi kudo Yoshua, tsinɛ yo ŋkɔ kankan ɖo dua kpata mɛ.