¹ Yoshua bɔ Izraɛl yo kɔtawo kpata le zichemi yi yɔ Izraɛl yo amɛsisiwo, efiɔwo, kɔdjoɖotowo kudo sɔdjameganwo kpata, sɔwó ɖo Mawu yo ŋkume. ² Yoshua nu ne djukua kpata be: Le Yehowa nu ke, Izraɛl yo Mawu lɔ: Mía tɔwo, Abraham yo tɔ Térach kudo Nachor yo tɔ, wónɔ esitɔalo godo le blemame yi le Mawu buwo subɔɔ. ³ Ŋyɔ mía tɔ Abraham le tɔalɔ godo yi ŋkplɔɛ ɖisa to Canaan djua kpata me; ŋna yo djidjimɛa sugbɔ Izaki. ⁴ Ŋna Izaki Ykɔbo ku Esaii, yi ŋna Esaii yo djidjimea zei yo eto dji, voa Yakɔbo viawo djoyi Egypt. ⁵ Ŋdon Mose kudo Araron, yi ŋxo Egypte yo djua kudo nuyiwo kpɛn wuwó sɔ ɖemí le wóɔ tsitsina. ⁶ Ŋɖe mía tɔwo to le Egypt, yi míva ɖo aputɔ lɔ gbɔ, le eyi Egypt tɔwo kplɔ mía tɔwo do kaka ve ɖo aputɔ djɛn lɔ gbɔ, sɔ ahuakekeviwo kudo esɔakɛtɛkutɔwo tsiwo yome. ⁷ Mía tɔwo doaxua yɔ Yehowa. Yehowa na vivitsi tsɔn namí kudo Egypt tɔwo dome, yi sɔ aputɔalɔ tson wódji. Miɔ ŋkuwo kpɔ enuyi ŋwa kudo Egypt tɔwo. Yi minɔn zogbedji lɔ djidjiɖe sugbɔ. ⁸ Ŋkplɔ mí yii Amorɛni tɔwo djume yi wóle yɔdan yo alɔgo ɖeame yi wówa ahua kudo mí ŋssɔwó doasi ne mi: ngbanwó yi mixɔ wódjua. ⁹ Tsippori yo vi Balak, Moab yo fiɔ tsite kpe akon kudo Izraɛl woyɔɛ be Balaam, Beori vi, be ne apofido mí. ¹⁰ Vɔa nyeŋde ɖoto Balaam o, bohu édjro yra mi, yi ŋɖe mí le Balak yo asiwome. ¹¹ Mito yɔdan dji vɛ kɔɖo Yeriko. Yeriko tɔwo wɔahua ku mí, Amorinitɔwo, Pherezitɔwo, kanatɔwo, Hetsɛnitɔwo, Guirganitɔwo, Herɛnitɔwo kudo Yebusitɔwo. Ŋsɔwó doasi ne mi, yi miɖu wódji. ¹² Ŋdon nugblegawo, wóvonyawó le ŋkɔ ne míɔ Amorɛnitɔwo yo iɔ emeveawo nɛnɛ: ŋde míɔ ahuawawüwo alo yi wa ŋdekpeo. ¹³ Ŋsɔ edju yi míŋ de tsu oa sɔna mí, edjuganwo yi míŋde nyan leyi wótsui ɖo oa sɔna mi: wãnyi kudo yo atsiwo kpata yi núŋdo do oa sɔna mí yi va le ŋɖuɖu naɔ nú fifie. ¹⁴ Yiŋtsia von Mawu, nawa dɔ ni kudo bɔbɔɛnyinyi, nutexue wawa sɔ Mawu yiwa miatɔwa le susubɔ san le esitɔalo godo le Egypte kɔŋgbe yi na subɔ Yehowa Mawu ŋtɔŋalɔ. ¹⁵ Yi ne mikpɔ be ŋde nyɔ be yóawa subɔ Mawu so egbedji oa, mítsian nuyi mila subɔ alo ne miatɔwo be mawuawo yi wósubɔ le etɔagodo alo Amorɛnitɔwo be mawuwo yiwó le djuyime míle lɔ yinyia, ele miagbɔ; nye kudo axu xoedoɛ lɔ mila subɔ Yehowa Mawu. ¹⁶ Djukua oɖŋtsi nií be: miŋdea teŋ gbenu le Yehowa gbɔ avɛ subɔ mawuwo gbeɖe o. ¹⁷ Ɖoa Yehowa mía Mawu yii ɖemi tole Egypt djuame, mía kudo miatɔwo le kluvinyinyi gbɔ; Éye nanyi kudo mí le afiɖe kpekpe, edju yiwo kpata me mítɔ lɔ me, yii wa nuyi amɛgbetɔ ŋdeteŋwa le míɔ ŋkuwo me. ¹⁸ Ényan Amorɛnitɔwo le djutsɛ yimɛ míle nyan djuwo le ŋkɔ ne mí. Mía tsan míla subɔ Yehowa ɖoa yíi nyi Mawu. ¹⁹ Yoshua nu ne djukua be: ŋsɛn ŋdele míasi be mía subɔ Yehowa o ɖoa Mawu kɔkɔɛtɔ, nuhuantɔ yii nyi; ŋdea vasɔ míɔ nuvoɛnwo kudo vɔdadawo kemí o ne míɔ nuvoɛnwo kudo vɔdadawo kemi o ne mígbe va gbenu le Yehowa gbɔ vɛle Mawu yi míŋde djesioa subɔɔ, ²⁰ Elavawa nunyanyra kudo mí yií lana ezo lafiɔ mi le eyi wa nunyuiwo ne nu vɔ lɔ. ²¹ Djukua nu ne Yeshua be: ŋdea va eme! ɖoa Mawu kpo míla subɔ yi ɖaa. ²² Yoshua nu ne djukua be: Mínyi nutexoekpɔtɔ ne míaɖokuiwo be míaŋtɔwo yi tsian Yehowa be mía subɔɛ. Wónu be: míaŋtɔwo enui, ɛɛɛ. ²³ Mitrɔ míɔ amɛdjiwo ɖoɖa Yehowa, Izraɛl yo Mawu gbɔ, ne mígban, míɖe Mawu manyamanyanwo ɖoɖa djo vɔ yo ŋgbodome. ²⁴ Djua nu ne Yeshua be: Míla subɔ Yehowa, míɔ Mawu, ado bubu awa ɖo yo nyɔwo dji. ²⁵ Yoshua wa nublabla kudo djukua le ŋkeke xɔn dji yi sɔ esewo kudo esedodowo nawó le sichemi. ²⁶ Yoshua xlɔ nuyɛwo ɖo Mawu yo se-xoma me. Ésɔ ekpegan ɖe, ta atsi yile Mawu yo texoe kɔkɔɛ lɔ ɖo dji. ²⁷ Yi Yoshua nu ne djua kpata be: Ekpe tsɛ yi lanyi nutexoe kpɔtɔ ɖo mianŋtsi, ɖoa ése enyɔwo kpata yiYehowa nu ne mi; élavanyi nutexoe kpɔtɔ ɖo míanŋtsi be ne mí ŋgbe va da le míɔ Mawua lɔ ŋtsio. ²⁸ Yo ŋgbodomea Yoshua nya djukua be amɛsiamɛ me djɔyi yo domenyinu gomea me. ²⁹ Nun yo vi, Yoshua Mawu yo dɔsɔvia lɔ yi nyanwó yo ŋgbodomea, eku le exue kotoku ɖeka kudo amewo me. ³⁰ Óɖi ɖo Thimnatshi sevachi yo dome yinu-nyigban gomea me, yile Efraïm yo etokɔkɔ lɔ me le Gaachi djexe tokɔkɔa gbɔ. ³¹ Izraɛl djua subɔ axoetɔ le Yoshua ya agbenɔwu yi le yo ku ŋgbodome ŋtɔtsan kudo amɛsisi yiwó kpata geb kpɔ Mawu be nuyiwo Éwa Izraɛl lɔ kpɔa. ³² Óɖi Yozef yo xu oa yiwo Izraɛlviwo hɛnso Egypt gbɔ va ɖo Sishemi, le anyigban yi Yakobo xle le Harmoriviwo, Sishemi tɔ lɔ si kudo ga home sigbe gakpevi kotoku nɛnɛn yinyi Yosefviwo be domenyinu. ³³ Aaron yo vi, Eleazar tsan ku yi óɖi ɖo Guibeathi Phinɛi yi ókesɔna evia Phinɛi le Efraïm tokɔkɔa me.