¹ So kaka gaɖeme Yehowa na ɖiɖome Izraɛl viwo le ɖeɔ le yo ketɔwo kpata yiwole kpɔtsi doɔ atame niwo lɔme. ² Yoshua sile xue me. Yoshua sii sugbɔ lɔ, yɔ Izraɛl lɔ kpata, amɛsisiwo, efiɔwo, kodjoɖotɔwo kudo sɔdjawo, nu nɔwó be: ŋsii vɔ, axu xue yidi sugbɔ. ³ Míkpɔ nuyiwo kpata Yehowa, mia Mawwua lɔ wa le miɔ ŋkume le djua kpata me; Yehowa mí Mawu yi wa hua ɖo miata. ⁴ Mikpɔ ŋma domenyinuawo na amɛsiame, ɖo miɔ kɔtawo dji, yɔdan lɔ ɖo djukɔ yi wo tsianyi lɔ dji, edju yiwo kpata ŋtɔrɔnwo, kaka yi apugan lɔ yi le weɖoxɔxoe kpata dji. ⁵ Yehowa, mia Mawu la tsutsu, anyawo ɖoɖa mía gbɔ; yi mílaxɔ wó ɔ djuwo sigbe leyi Mawumavɔtɔ, míɔ Mawu mi ne mí nɛnɛ. ⁶ Mísɔ nuyiwo kpata le Mose yo woema me do dɔwawa, awaɖodji kudo nuyaya, míŋgbe trɔ yi ɖusi alo emiɔ me gbeɖe o. ⁷ Miŋgbe kpɔ dju xonwo yi wóva le míadomewo gbɔ o, míŋgbe yɔ wóɔ mawuwo ŋkɔ o, yi miŋgbe tanu ɖo wó djio alo agbe dotagu nɔwo gbeɖe keo. ⁸ Mileɖo Yehowa míɔ Mawu lɔ ŋtsi sigbe leyi mile yɔda san vasɛn ɖo egbɛ. ⁹ Yehowa nyan djugan sɛŋuwo le ŋkɔnemí; yi amɛɖekpe ŋɖe tɔte ɖo ŋkɔ ne mí ɖu mia dio. ¹⁰ Amɛɖeka le amɛ kototku nuɔ djanyi; doa Yehowa miɔ Mawu le ahua waɔ ne mi sigbe leyi énu nɛnɛ. ¹¹ Midjeayɛ ɖo miɔ luvɔnwo dji be ne tɔn Yehowa míɔ Mawu ɖeka. ¹² Ne míɖasi le miɔ Mawu ŋtsi vɛ wa ɖeka kudo djukɔ yi le míadome le srɔnɖeɖeme alo vɛ le ɖo wóŋtsi ɖo kadodo kudo wó lɔ, ¹³ Mikanɖodji be Yehowa, mía Mawua lɔ ŋgbea gbe djukɔwo le ŋkeneni gbeɖe keo; vɔ lɔ wólanyi eɖɔ, afɔklinu, eba ne mi yi lanyi aŋudjawo le ŋkuviwo dji, kaka milaku le edju nyui xon yi Yehowa mía Mawu namía me. ¹⁴ Mikpɔ axu agbe lɔ le nuwuwu yiɔ vɔ, Minyɛ kudo miɔ amɛdji kudo luvɔn kpata keŋkeŋ be ŋgbedodo nyo nyuiwo kpata yi nuɔ Mawu Yehowa nuwo kpɔ eme vava; éwu wokpata nu ɖekpekpe ŋde tsianyi o. ¹⁵ Sigbe leyi éwa ɖo enyɔ nyui ŋgbewo kpata dji ne mía, nɛnɛ ke Yehowa mia Mawu lava ɖo baɖatɔawo tsan dji atsrɔn mí le yo edju nyui yina mí lɔ me. ¹⁶ Ne mítrɔ tagu ne Yehowa mía Mawu yo kadodo yi sɔnani lɔ dji, yi ne mívɛ le mawu buwo subɔ le klodjeɔ nɔwó lɔ, Yehowa yo djiku lava miadji, yi mílaku le xon zeɖeka le yo dju nyui yinɔ na mía lɔ me.