¹ Hiɔb doŋtsi nu be: ² Nyɔtexoe, ŋdjesi be, ele nenɛ: yi lede agbetɔ yo nyɔ la djɔ le Mawu gbɔa? ³ Nen edjɔdji nɔɔ be, nahɛnyan kudoe lɔ, ŋda teŋ do akpe exoe ɖeka teteo. ⁴ Edji nyanu le esi, yi yo ŋsɛn triakɔ, mɛŋde la sɔ nyɔ doŋtsi ŋgbodomɛn makpɔtɔ? ⁵ Eɖe eto ganganwo djo ke wo ŋde do djesio, etrɔ wozu gbadja le yo dɔmezoe mɛn. ⁶ Anyigban huhu le yo texoe, sigbe sɔtsiwo nɛnɛ. ⁷ Edo se nɛn ewoe yi ŋde zeo, yi esɔ nu tunu nɛn wetriviwo. ⁸ Yiɖeka keke djikezo mɛn yi ezo apudji. ⁹ Ewɔ koklonɔ, avunɔ ku avutɔ ku atsifiɛŋ kuɖo djiehe xletsiviwo. ¹⁰ Ewɔ nu gangan tsiwo yi woŋ dateŋ ku emɛn kpɔ ku amlimanu tsi wo da teŋ hlɛɔ. ¹¹ Kpɔɖa, eto ŋtsinyɛ va yi , yi nyɛn ŋde kpɔɛ, ezɔ va yi nyɛn de djesio. ¹² Kpɔɖa ehonɔ nu ku ke, mɛŋde la somɔ ni? Mɛŋde la nu ni be ŋde xɔ wɔ yo le yɛ? ¹³ Mawu yo dɔmezoe nu ŋde faɔ, yi Raxab yo xɔ nametɔwo la bɔbɔ nɔ gɔmɛni. ¹⁴ Lede yi nyɛɛ nawɔ nyɔ kuɖe ɖo, yi fiŋde enyɔ tɔnyen la djɔ le, le ŋmɛn ni. ¹⁵ Nɛn tɔnyɛn gbe djɔ sɔ wu kaka tsan lɔ, nyɛnda teŋ sɔ wu kaka tsan lɔ, nyɛɖa teŋ ɖoŋtsi niɔ, kexɔa na nu nyɔ nɛn axu kodjodoɖo lɔ. ¹⁶ Nɛn ŋyɔɛ yi etɔ nu tsan, nyɛn ŋda kanɖo dji edo to ŋɔ. ¹⁷ Eleŋ le ahoŋ ya men yi, vevesese tɔnyɛwo dji do dji ŋdekpekpe mawɔmawɔ. ¹⁸ Ŋde mɔ nu be magbɔɔ, kexɔa ena vevesesewo ɖɔ xodo nu. ¹⁹ Nɛn odji ŋsɛa lɔ ŋsɛntɔ ke, yi nɛn nyi kodjoɖoɖo lɔ, mɛŋde la kplɔŋ yi? ²⁰ Nɛn tɔnyɛ djɔa lɔ, enu tɔnyɛn wɔ nuvɔ, yi nɛn nyɛn ŋde wɔ nuvɔ tsan lɔ, akpɔŋ ɖo nubu dji. ²¹ Nɛn ŋde wɔ nuvɔɔ, nyɛn ŋde do djesi ɖokoenyɛɔ, yi ŋgbe nu le agbe tɔnyɛn gbɔ! ²² Woa kpata wole ɖeka yiŋtsi ŋle nuvɔ mawɔtɔ ku nuvɔwɔtɔ kunɔ. ²³ Nɛn adan kankan wunɔ amen le avo mean lɔ, kexɔan eɖea aglamɛn le nuvɔmawɔtɔ yo vesese ŋtsi. ²⁴ Wo sɔ anyigban sɔ na nubaɖawɔtɔwo, yi wɔ sɔ nu tsɔ ŋmɛn nɛn kodjoɖotɔ wo tɔwo. Nɛn ŋde yɛ yɔ lɔ, kexɔan mɛŋdé yi wɔɛ. ²⁵ Axu ŋkekewo le sɔsɔ sɔwu edjuxɔtɔ; wosi djo yi woŋde kpɔ nyɔnamɛn ɖekpekpeo. ²⁶ Wo yi lɛɛ sigbe tɔdjihu nɛnɛ, sigbe letsi ehɔ donɔ nuɖuɖugba ɖo anyigban ɖo ɖuɖudji nɛnɛ. ²⁷ Nɛn ŋbe: maŋlɔ konyifanfan tɔnyɛ bea, naɖasi ŋmɛn yɔyɔ yi ŋmɛn lakɔnu lɔ. ²⁸ Kexɔan vevesese tɔnyɛɔ kpata le vɔvɔ ɖoɔ, nu ɖoŋtsi ŋyɛ be ŋde le djodjoɔ le djinyɛɔ. ²⁹ Nuvɔ wɔtɔ ŋnyi kegbɔxoe, ŋde ŋtsi nanɔ agbagba djeɔ agbagbalo ɖo? ³⁰ Nɛn ŋle ɖetsifu, yi nen ŋklɔ alɔ tɔnyɛn do aɖifusi mɛn lɔ. ³¹ Kexɔa natsi baba mɛn yi awutɔnyɛwo la xoɖi anyɔŋu. ³² Ɖoŋtsia ŋde amɛn yi nyi sigbe enyen nenɛ, nɛn madoŋtsi ni be: ɖemɔ nɛn miayi kodjoɖoxoe o. ³³ Nya mɛnsotɔ ŋde le mia domɛn nen ya ɖo alɔ mia dji o. ³⁴ Nɛn amen xotsi yitɔ lɔ djo le ŋtsinyɛ yi ŋde do vɔvɔ nuŋɔ lɔ. ³⁵ Kexɔan naxo nuxo, yi nyɛn ŋda vɔ o; ɖoŋtsia ŋde nɛnɛ yi ele nɛ ɔ.