¹ Ɖayi olateŋ akan adɔ ne djata yo viwoa alo deyi olateŋ dji djaŋtanɔ yo nuɖuɖu mia, ² Le gahime wóvɛ danlon le wóɔ anymlɔxuea alo gahime axóvɛ le gbongbon ɖiɔ domea? ³ Mɛŋde yi nanɔ ako yo nuɖuɖu ɖe ɖo ni ne wóo viwo do ahua ɖoɖa Mawu gbɔ ne adɔwuwo? ⁴ Onya gahime axegbuɛwo djnɔ yo viwoa? onya leyi wódjinɔ wóɔ viwo ɖoa? ⁵ Ohlɛn wuetri nɛnɛ yi wóhɛn wòɔ viawoa, yi onya gahoho yi tsutsu me wó djinɔ viawoa? ⁶ Wóbɔbɔnɔ ada ɖeviawo ɖo anyigban be ne wóasɔ ɖiɖi wóɔ vevesese kpɔtɔ. ⁷ Ɖeviɔ sinɔ le ayanu, ɖonɔ ŋsɛn zeɖeka; yi wódjonɔ le wóa nɔyidjiwo gbɔ wóŋdetrɔ gbɔ nɔ gbeɖeo. ⁸ Mɛŋde na vovokpɔkpɔ avesɔwo? Meŋde ɖasiwo be wóne djo yi ŋdekpekpe ŋdea nɔtewo? ⁹ Ŋnɛ texoe le zogbedji yi xu; anyigban yi xoɖi dji yi ŋdɛ ɖo. ¹⁰ Edju nyui xɔnɔ kokoedɔŋtsi nyɔwo kpue yi ŋde ɖonɔto yo nufiɔtɔ o. ¹¹ Yo nɔxoe kpoe nyi etoyidji élea yi nuɖe kpekpe yi doama, kpɔ djiɔ énɔnɔ. ¹² Ɖe eto dji lanɔ axo dɔwaxoe? Ɖeyi wɔ zan le axo gbonɖeme xomea? ¹³ Ɖeyi olateŋ doeka be néawa dɔ le axo agble mea? Ɖeyi lateŋ nɔ ŋgbodomenɔ anɔ ekpowogban woa? ¹⁴ Olateŋ ɖiɖome le édji ɖoa éɖo ŋsɛn gan? Olateŋ sɔ edoawo do asi né be ne kpɔ djia? ¹⁵ Okpɔnɔ djidjiɛ ɖoŋtsi le nuɖeɖe yo huenua? Ɖoa eɖoŋsɛn laɖenu ɖoaxo texoa? ¹⁶ Okan ɖodji be élaɖe ebliwo yi lasɔwo yii axomea? ¹⁷ Djidjuɛle zogbexegan yo awada gome; amɛveve yi nyi ni be éɖo awada lɔ. Voa ŋde ɖanasi yo azi yi xoa lɔ ɖo anyigban o, yi huŋhun nanɛ zozo. ¹⁸ Ŋde gbe ɖonɔŋku be yo afɔ lagbanwo o alo be gbeme lan ɖe lateŋ ɖafɔ wódji o. ¹⁹ Eɖenɔ voɛn ne viawo sigbe ŋde yitɔ yo nyi nɛnɛo; ŋde senɔn vevenɔwo be yeŋtɔ ɖoxɔ djiwo o. ²⁰ Ɖoa Mawu ndenɛ nunyan o, ŋdexo yo sidjedje yo domenyinu o. ²¹ Nefɔn djemɔ lɔ, enyinɔ nukoko nii be yédjole esɔ kudo esɔ kutɔwo gbɔ. ²² Ewòe yinɔnɔ ŋsɛndodo esɔwoa alo donɔ gan lekɔ do ekɔ nɔwoa? ²³ Alo ewòe nanɔ étinɔ kpɔ tenɔ sigbe akpɔkplɔ nɛnɛa? Yo djidjue emeŋ emetɔ nanɔ dɔmezui, djikou. ²⁴ Enɔnɔ anyigban kuɔ yi nɔnɔ djidjuɛ kpɔ ɖo yo ŋsɛn ŋtsi, kpanaŋkɔ ahuakɔa lɔ. ²⁵ Djika ŋde sonío, ŋde vonɔ o yi ŋde ahuawawu yi lana élateyi ŋgbodomeo. ²⁶ Yii ŋtsi ehua yo akpo lo nɔnɔ yi awutsrɔ dada lɔ nɔnɔ klɛnlɛn le ŋtsi ne. ²⁷ Ŋdeateŋ note ɖo djiɖegbe yo klɛnklɛn nuo. ²⁸ No djiɖegbe kezo, énunɔ be: Mizon do! Ɖoa esenɔ ahua yo hɔehɔɛn le djidjixoe. ²⁹ Axo nunyan yi ahuanko sɔ zrɔnɔa alo yi sɔ kenɔ yo awada le gawueve mea? ³⁰ To axo gbenana dji (aigle) honɔ lea alo sɔ wanɔ yo donxoe le atsiɖɔmebo lea?