¹ Elihu trɔxɔ djise tobe. Mia nunyantɔwo mise nyɔn tsinye wo! ² Yi mia nugɔnesetɔwo, mile to do enyɔn tsinye ŋtsi! ³ Ɖoŋtsia eto ɖonɔn nyɔnse kpɔ sigbe letsi hlome ɖonɔn nududu kpɔ nɛnɛ. ⁴ Miasɔ nyɔn djɔdjɔɛ, miakpɔ nunyui le minɔnɔewo me. ⁵ Djob tobe: ŋnyi ɖemanyanla, gake Mawu gbebe yeŋda so kodjo nuŋɔn: ⁶ Enyɔn tsinye djɔ, vɔ wo bunɔnŋ ɖo adjeɖatɔdji: Abitɔny le veveŋwɔ, yi ŋle nuvɔnme. ⁷ Ameɖe gbele sigbe Djob nɛnɛ, yi yo koko a trɔzun shinunu nyi a? ⁸ Amebaɖa le amɛvɔnɖiwo hame, yiku ɖo amɛvlowo le mɔn eɖka dji. ⁹ Ɖoŋtsia eto be: ŋde nyi viɖe nɔn agbetɔ nɛ sɔbɔ Mawu o. ¹⁰ Mise nɔn tsinye ɖa, enunyantɔ nɔn azɔge nɔn Mawu ma djɔmadjɔ, egbenɔn djidjixoe nɔn nubaɖa sɛnŋ. ¹¹ Eɖonɔn texoe nɔn agbetɔ le yo dɔ wawa me, yi vanɔnme nɔn ameɖeka ɖeka le yo mɔwodji. ¹² Nyawo, Mawu ŋde wanɔn nubaɖa o, ŋsɛnwo kpatatɔ ŋde zinɔn nyɔn djɔdjɔɛ dome o. ¹³ Meɖe sɔ anyigban do alɔme nyi yi meɖeɖo xixe kplogodo ɔ gome ɖo anyi. ¹⁴ Nɛn edjinɔn yiŋtɔ ɖeki tɔkpo, yitasi yo gbɔgbɔ kuɖo yo agbe ɖo yiɖe kui melɔ. ¹⁵ Kexɔn a ŋtsilan yitɔ la vovo haɖeka yi agbetɔ latrɔzu ekɔ. ¹⁶ Nɛn wo ɖo nunyan lɔ, se nyɔn yɛ wo keto do enyɔn tsinyɛnwo ŋtsi. ¹⁷ Amɛtsi leke djɔdjɔɛnyinyi la teŋ ɖufiɔ a? Yi wobe yabufɔn amedjɔdjɔɛ tsinyi ŋsɛntɔ a lɔ? ¹⁸ Eɖoŋsɛn atonɔn fiɔ be yakametɔ? yi nɔn amegan be amevɔnɖi a? ¹⁹ Ŋde donɔn ameganwo djio, yi ŋde ɖonɔn vovototo gatɔ ku wamenɔn me o, doŋtsia yeŋtɔ lɔnu nu wawa wonyi. ²⁰ Yi gaxoxo ɖekame a, woku, dukɔnɔ wo ŋme tsɔn le zan tsitsina yi wotɔnu vayi, woɖe ŋsɛntɔwo ɖaɖa vɔŋde toagbetɔ ɖekpekpe dji o. ²¹ Ɖoŋtsia Mawu lenɔn ŋkuvi ɖo agbetɔwo mɔndji ɖekaɖeka. ²² Viviti ku vɔnnɔnli ɖe ŋdeli tsi nuvɔnwatɔ la beɖo. ²³ Ŋde hian be Mawu akpɔ nu djidjiɖe gbɔxoe agbetɔ lava hɔnudrɔxoe le gbɔ. ²⁴ Etuku ŋsɛntɔwo tsiŋde nawo toklan o, yi sɔ amebuwo do wotexoe. ²⁵ Ɖoŋtsia enyan wo dɔwawawo, wo tutu wo fuanyi le zanme, yi wo tuku bidibidi. ²⁶ Exɔnɔnwo sigbe amebaɖawo nɛnɛ le amɔwo dome; ²⁷ Ɖoŋtsi woyi ŋgbedem leŋtsi, egbe yo mowo keŋkeŋ toto. ²⁸ Woŋde hɛn amedahɛnwo xa dodo va yo ŋme nɛn yase hiantɔwo xoa dodo. ²⁹ Nɛn enan gbɔndji va axome ɖe, meɖe la bufɔnŋɛn? Yi nɛn ewla yo ŋme ɖe, meɖe la teŋtɔɛ? Keboŋ yo ŋkuvi le dukɔnwo kuɖo amegbetɔwo kpata dji. ³⁰ Keŋgbɔxoe nɔn amevlowo ŋgbe dudji o, yi nɔn wonyi gamɔn nɔn dukɔn lɔ. ³¹ Ɖoŋtsia ameɖe la tonɔn Mawu kpɔ be: ŋɖuaya, vɔ nyɛnŋde wa nuvɔn ɖekpe keŋgbɔxoe o wa? ³² Fiaŋ nutsi nyɛnŋde kpɔkpɔwɔ, yi nɛn ŋwa numadjɔmadjɔ ɖe lɔ, nɔn nyɛnŋgbewa ke o. ³³ Le aho nukpɔkpɔ me a Mawu la ɖoŋtsi a? Ewoe trɔsɔnɔn nu danɔnŋgbe yi gbesɔnɔn ŋde nyen wɔ, yi nɔn wo nyan ŋnuɖe lɔ tui. ³⁴ Nugɔnme setɔwo lanɔn nyɔtsinyen dji, nunyantɔ tsile toɖoŋ wɔlɔ, elaɖe susu sigbe enyɛn nɛnɛ. ³⁵ Job lenuxoxo wɔ numanyantɔ, yi enyɔn dodui ɖekpe ŋdele yo nuxoxowo me o. ³⁶ Ɖelebe wa drɔhɔnnu Job kaka vasɛnɖo yo texoe keŋgbɔxoe a? Ɖoŋtsi yoŋɖoɖowo le sigbe nuvɔnwatɔ tɔ nɛnɛ. ³⁷ Ɖoŋtsia esɔ nubaɖa yeyewo sɔle yo nuvɔnwo kpewɔ; ele alɔ fowɔ le miadome, ele nuxo sugbɔ xowɔ sɔ Mawu ŋtsi.