¹ Job ɖoŋtsi tobe: ² Nyanwo, miawoe nyi amɛwo, yi nɛmiku lɔ, kexɔnlɔ, nunyanyan tsan ku. ³ Nyɛnhan nunyan le asinyɛ sigbe miotsian nɛnɛ, enyɛ a, nyɛ ŋde gbenyi miayomɛtɔ; mɛɖe ŋdenyan nutsi towɔ mile o? ⁴ Ŋnyi enukoko nɔn xɔnlɔn nyɛwo, gatsimɛ ŋwo Mawu, amɛdjɔdjɔɛ, amɛmanyanɖe, nyinɔn alɔmɛɖenu. ⁵ Amɛtsi le nyuiɖe bunɔn be yala dovlo djɔgbevɔntɔ, yi yela tunuku amɛtsi ŋdele afɔte olɔ. ⁶ Ŋtsifafa le fianfitɔwo xome, ametsiwo donɔn djiku nɔn Mawu wonɔnɔn dedenɔnɔnme, yi woŋtɔwo sɔnɔn ŋsɛn abe yewe nyi Mawu. ⁷ Biɔ lanwo se, nɔn wa fia nu wo, kuɖo edji xeviwo, nɔn wa toe nɔn. ⁸ Xonuxo nɔn nɔn anyigban, ela fia nu, yi apumɛlanwo la toe nɔn. ⁹ Meɖe ŋdenyan le nuwɛwo kpata ŋtsi be Yehowa yo lɔ yi wa nuyɛ o? ¹⁰ Ele amɛlagbewo luvɔn ɖo yo lɔmɛ kuɖo amɛgbetɔ yo ŋtsilan gbɔngbɔn ɖesiaɖe. ¹¹ Alo etɔ ŋdɔnɔn enyɔn kpɔ sigbe letsi hlomɛ tsan ɖɔnɔn nuse kpɔ? ¹² Ɖe nunyan le amɛgasisiwo si, yi tagbɔ kɔkɔ linɔn amɛtsi le gbedjidji? ¹³ Nunyan ku ŋsɛn le Mawu si, nufiamɛ kuɖo ŋsɛn tsan gbenyi wetɔ. ¹⁴ Enu tsi yigbanlɔ mɛɖe ŋdegbetune o. Yi amɛtsi yi tu ɖo xɔmɛlɔ, mɛɖe ŋde tɛnŋ huŋ nɛ o? ¹⁵ Nɔn wo xemɔn nɔn etɔwo lɔ, womionɔ axotɛkpoo, yi nɔn wotasi wolɔ, wo wlonɔn anyigban. ¹⁶ Eɖo ŋtsɛn ku nunyan adodui, ekplannɔn amɛtsiwoe kplɔnɔn amɔwo trannɔn nɔn kuɖo emɔntretɔwo. ¹⁷ Ɛɖe aɖaŋɖetɔwo amama, yi nanɔn be hɔnudrɔtɔwo tsinɔn bome. ¹⁸ Eɖenɔn fiɔwo djizizi ɖaɖa, yi donɔn ka ali nɔn wo. ¹⁹ Eɖe enumanyɔnmanyɔnwo ɖogo nɔn nunɔn lawo, yi le amɛtsiwoe ɖoŋsɛnwo sɔ xu anyi. ²⁰ Exɔ nuxo le nuxoseotɔ nyuiwo si, yi yi ɖe nunyan le tamɛnɔn amɛgasisiwo. ²¹ Etrɔnɔn vlododo kɔɖo amɛganwo dji, yi gbɔdjɔnɔn godjiblanu nɔn ŋsɛntɔwo. ²² Eɖenɔn nule nutsiwla ɖo vivitsimɛ dji dji, yi sɔnɔn kekeli vanɔn kudjɛsu yo vɔnvɔnli mɛ. ²³ Enanɔn eduwo djinɔn ɖodji, yi yi gbetrɔnɔnwo, yi kekenɔnwo ɖodji kaka sɔyi djidjixoe, yi yi sɔnɔn wo sɔyi wolixowo dji. ²⁴ Eɖenɔn nunyan le tamɛnɔn dukɔnwo tatɔwo, yi nanɔn woɖinɔnsa le gbe tsimɛ emɔn ɖekpe ŋdele. ²⁵ Wosuku le vivitsimɛ, woŋde le enukpɔwɔ nyuiɖe, yi trɔwo wole saɖiwɔ sigbe ahanumunɔn nɛnɛ.