¹ Tsaphar Naamatɔ xɔ nyɔn ɔlɔ tobe: ² Nyaɖɔɛ nuxo gbogbo yɛ lavakpɔ ɖoŋtsia, yi nuxo sugbɔ xotɔtɔ la nyi djɔdjɔɛ a? ³ Nyandɔɛ wawa tɔwo nan amɔnwo bɔnu, egɔnmenyi be wole nyanɖɔɛ wawɔ kaka yi amɛɖekpekpe ŋdegbe kenɔnudomɛ nɔnwo. ⁴ Wo tobe: nukpƥkpɔ tsinyɛmɛ kɔ, yi ŋle djɔdjɔɛ le ŋmɛ nɔn. ⁵ Ao nɛ Mawu djibe yaxonuxo lɔ, yi la kenu yitɔwo adonyɔn ŋtsi nɔn. ⁶ Yi nɛ eɖe yo nunyan nyan wlawlawo fia, be nunyan gangan xɔn dɔnmɛ gloglo lɔ, kexɔn a nanyanbe, Mawu yo ŋkuvi djole vodada yetɔ ɖewoŋtsi. ⁷ Trɔ do Mawu yo susu kpɔ, alowolateŋ ɖo Mawu ŋsɛnwo kpata gɔnmɛ kaka sɔ yi a? Eyidji sigbe djipo nɛnɛ, ŋde wɛ olawa? ⁸ Etsito wu kuwodi, ŋde wɛ onyan? ⁹ Yo djidjimɛ djidji wu anyigban, yi keke wu apu. ¹⁰ Nɛevayi, nɛ elenu, yi nɛ woyɔɛle kodjoɖo xoe yi ŋde yio ɖe, mɛɖe la xemɔn nyi? ¹¹ Ɖoŋtsia edesi adjeɖatɔwo, yi kpɔ nu numanyɔn wawa; vɔ ŋde nyan daɖɛsan. ¹² Agbetɔ yɛlɔ wodji yilesigbe esɔkɛtɛ gbemetɔ nɛnɛ. ¹³ Fifiɛ nɔn wo djra edji tɔwo woɖo ɖaɖa Mawu lɔ, vlu alɔtɔwo ɖaɖaɛ. ¹⁴ Ɖe ɖeki ɖaɖa le nuvɔn glɔ, yiŋgbe tasi zugbe ɖo agbadɔɛ tɔwomɛ o. ¹⁵ Kexɔna wolakɔ ŋmɛ yidji tsi eɖi ɖekpekpe ŋdanɔn ŋmɛ nɔnwo, yi wola like, yi ŋda vɔnnɔn. ¹⁶ Wola ŋlɔnbe ayaɖuɖu tɔwo, yilanɔn ŋkuvi dji nɔn sigbe esi tsi slavayi nɛnɛ. ¹⁷ Ŋkeke tɔwowo lagbe klɛn sɔwu nyidɔnkusu gaweve mɛtɔ, yi vivitsi tɔwo lanɔn sigbe ŋdekanyɛnmɛ yo klɛn nɛnɛ. ¹⁸ Kakaɖodji lanɔn asiwo, yidjika ŋdagbe sonɔnwo; wolakpɔn nuɖekpekpe tsitɔdo ɖekiwo, wola mlɔn anyi bɔkɔ kuɖo kakaɖodji. ¹⁹ Wola mlɔn anyi tsi amɛɖe ŋdatsakawo, yi amɛsugbɔ lakɔ ŋmɛ tɔwo dodji. ²⁰ Amɛbadawo ŋkuvi latsi fluflu; bebexoe la budowo wo mɔkpɔ kpoe nyibe yewo akpɔ aya kpɛtɛ kpo aku.