¹ Ŋsu ɖe nɔn Uts yo nyigbandji tsi woyɔnɔn be Djɔb. Ŋsu yé nyi amɛ djɔdjɔɛ nyui. Evɔn nɔn Mawu yi etri enu vɔnɖi. ² Wodji evi ŋsuvi amaŋdrɛ kudo nyɔnuvi amɛtɔn nyi. ³ Elan yitɔwo hlehlemɛ nyi kotokun amadrɛ, esɔ kotokun tɔn, enyi eveve texoe alɔfa amatɔn, kudo enyinɔn djivi alɔfa amatɔn, dɔsɔvi sugbɔ tsan lesi kaka amɛɖekpekpe ŋde sɔkuile woezexoe anyigban wo kpata dji o. ⁴ Evia ŋsuwo wɔ ɖoɖo, yi wowɔ nɔn glo ɖunɔn nu le woa dɔmetɔ ɖe kpékpé yo xomɛ le ŋkéké vovovowodji yi woyɔnɔn woa nɔvi nyɔnu amɛtɔnawo tsan va be woa ɖu nu, anu nu kudo yewo. ⁵ Nɛ djidjɔ kpɔkpɔ yio gamɛ va yi vɔa, Djɔb dɔnɔn amɛ ɖoɖa wova klɔnɔn eviawo ŋtsi. Efɔnnɔn ŋdekanyɛ, yi wɔnɔnn numɛ vɔsa ɖo eviɛwo hlehlemɛ tsi wo nyia. Etonɔn edjiedji be: ɖomahi evinyɛwo latɛnŋ wa nuvɔn, yi woado vlo Mawu le wo susumɛ. Lexa Djɔb wɔnɔn gasiagamɛ. ⁶ Gbeɖeka lɔ Mawu viwo va bɔ ɖo Yehowa yo ŋmɛ,yi Saŋtana tsan le woa domɛ. ⁷ Yewoha biɔ Saŋtana be: fiŋɖe woso? Saŋtana ɖoetsi be: ŋso saɖigbe le anyigbadji. Ŋɖi sa le edji kpata. ⁸ Yehowa biɔsé be wole ŋkuvido dɔla tɔnyɛ Djɔb ŋtsia? amɛɖekpekpe ŋde sɔkui le anyigbandji o. Nuvɔn ŋdele ŋtsio, enyi amɛdjɔdjɔɛ, evɔnɔn Mawu, yi trinuvɔn wɔwɔ. ⁹ Saŋtana ɖo ŋtsi nɛ Yehowa be: ŋnyi ŋɖe ŋtsi Djɔb vɔnɔn Mawu ɖo? ¹⁰ Ŋekpa wotɔn trɔdo yitɔ, yo axoe kudo yo nunɔn amɛsiwo kpata le gowo kpata mɛ a? Woyra edɔtsiwoe wanɔn yi wona yo kesinɔnuwo djiɖodji sugbɔ le anyigbandji. ¹¹ Talɔ enutsiwo kpata lesia kpɔ ɖa be n na ɖe, naxofi dowo numakpɛn tɔɛ mɛ. ¹² Yehowa tonɛ Saŋtana be: Enyɔ! yo nuwo kpata le alɔ tɔwo mɛ; vɔa ɖekpɔe ŋdatalɔ yiŋtɔ. Lexa Saŋtana djole Yehowa gbɔ. ¹³ Gbe ɖeka evɛmɛ be Djɔb yo viŋsuawo kudo nyɔnuawo kpata wole wonɔvi amɛganxoɔa yo xomɛ le nu ɖuwɔ, le vɛn nuwɔ. ¹⁴ Trolo kpɔa amɛdɔdɔ ɖe va Djɔb gbɔ va toni be enyiawo le dɔwaɔ yi esɔnnɔwo le gbeɖuwɔ le axa nɔnwo. ¹⁵ Sabatɔwo va djewoadji, yi wole elawo djo wowu dɔlawo kpata kudo kpatsa. Nyɛ ɖeka kpɔe kpɔtɔ yi ŋsi be mavatoenɔn. ¹⁶ Etsi amɛdɔdɔ yɛ kpɔtɔ le nuxo xowɔ lɔ, dɔla bu kéké gbeva ɖo. Etobe Mawu yo zo gɛn so djipo va fiɔn elanwo kuɖo dɔlowo kéŋkéŋ. Nyɛ ɖeka kpɔe kpɔtɔ yi ŋsi be mava toe nɔn. ¹⁷ Amɛyɛ tsan ŋdekpɔ ɖenu le yo nyɔn mɛ ɔn, kéŋgbɔxoé amɛbu tsan gbevabe kalde djua so ha soso amɛtɔn va dje kpɔsɔawo dji, yi wole wo djo wowu dɔlawo kpata, nyɛ ɖeka kpɔe kpɔtɔ, yi ŋsi be mava toe nɔn. ¹⁸ Dɔla yɛ tsan ŋde kpɔ wu yo nya keŋ kpɔxoe amɛbu tsan gbe va kɔɖe be eviwo wo kpata le nu ɖuwɔ le vɛn nuwɔ le woa nɔvi amɛganxotɔa yo xomɛ. ¹⁹ Woakpɔ kpɔa aya sɛnsɛnɖe kpoe xo so alɔ go xɔnɖa mɛ va lɔ exo tsimɛ wolea yi mui xu eviwoawo dji gbloo; wo kpata woku. Nyɛ ɖeka kpɔe tolemɛ, yi ŋva be matoe nɔn. ²⁰ Djɔb tsite, zɛn yo wu, xlota sɔŋmɛ tsɔnanyi; yi dogbé ɖa be: ²¹ Ama ama ŋle to so enɔnyɛ yo xodomɛ, yi ama ama ke nagbe nɔn adjo! Yehowa yi noŋ; Yehowa ke gbexoɛ. Woakafu Yehowa. ²² Le nuyɛwo kpata mɛ lɔ, Djɔb ŋde wɔ nuvɔn ɖo Mawu ŋtsi o gi ŋde bufɔnɛ tsan ɔn.