¹ Nyɔnuɖɛtɔ Habakuki , yo nyɔnunu. ² Kakana gaŋdemɛ, Oo Yehowa ?... Ŋdo axua , vɔ wogbe toɖoɖoŋ ! Ŋdo akpasɛnsɛn xua ɖoɖa gbɔwo , ganke wogbe tɔtɔ nuŋ ! ³ Ŋdeŋtsi wonan ŋle nuvɔn kpɔɔ ɖo, yi wosɔ numadjɔmadjɔ daɖo axĩn ŋkuvidji ɖo? Ŋde ŋtsi yi ŋtasɛnsɛn kudo akpasɛnsɛn wole axĩn ŋkumɛ ɖo? Adjrewɔwɔwo kudo kodjoɖoɖo ŋedji yiɔ. ⁴ Yitsan esea ŋdegbe ɖo agbe O, yi nudjɔdjɔɛwawa ŋdegbe ɖo ŋsɛn Ɔn; ɖo amɛvuĩn le dji ɖuɔ ɖo amɛdjɔdjɔɛ dji, yi kadjoɖoɖo gɔnglɔnwo kpo ɖoɔ wole. ⁵ Mida ŋkuviwo ɖoɖa dukɔnwo mɛ , nɛ miakpɔ, yi mina nɛ djika nɛ somi , vɔnvɔn nɛɖomi ! Ɖo ŋle dja wɔ nuɖe le mia ŋkekewo tsinɛ nɛwonuii nɛmi lɔ miŋda kanɖodji O. ⁶ Kpɔɖa , ŋledja nabe Shaldeatɔwo lava, dukɔn akpasɛnsɛntɔwo kudo ŋzizimakunamɛtɔwo, tsinɛ laso edu djidjiɖe mɛ yilavaxɔ texoe ɖe tsinɛ ŋdenyi yitɔɔ. ⁷ Djikaso kudo vɔnvɔn lanɔn ŋtsi; elado ese kudo lakpɔ gan le yiŋtɔ si. ⁸ Yo sɔwo sidu sɔwu lanklɛwo, yi yo afɔwo sɔwu woetrɔmɛ yo amɛganxe, yi yo esɔdotɔwo zɔnɔn glodjo; wosonɔn djidjixoe, wozronɔn sigbebe ehɔn tsinɛ luŋɖo elan dji nɛnɛ. ⁹ Dukɔn xɔn kpata vabe yafĩn enu; wosɔ wo ŋkumɛ ɖo ŋkɔ tɛnŋŋŋ, yi wobɔnɔn gamɛnɔntɔ ɖɛ sigbebe ekɔ nɛnɛ. ¹⁰ Wokonɔn efiɔwo, yi woɖenɔn alɔmɛ le efiɔviwo ŋtsi; wokonɔn wo ehɔsɛnsɛnwo, wowɔnɔn akpata kudo anyigban, yi wolenɔn wo. ¹¹ Wohonɔn sigbebe huzuhuzu nɛnɛ, yi wozɔnɔn do, yɛlɔ enutsi le veveɖe nii lɔ yinyi yo nusɛn , yo mawu nɛ ! ¹² Yehowa , axĩn Mawu, axĩn kɔkɔɛtɔ, ŋu woele tɛgbɛtɛgbɛɔ? Miŋda ku O ! Oo Yehowa, woɖo dukɔn tsɛ benɛ ɖo axo kodjowo; Oo axĩn agakpe, woɖuidaɖɛ benɛ yasɔwɔ etodɔndɔnwo. ¹³ Axo ŋkuwo kɔ ŋtɔ be ŋde djinɔn be yakpɔ nubaɖaɔ, yi ŋda tɛnŋ kpɔ nuvɔn. Ŋde ŋtsi wolakpɔ adjeɖatɔwo, yi wola bɔnu ɖo, nɛ amɛbaɖa tsrɔn amɛdjɔdjɔɛ tsinɛ djɔ sɔwui ɖo? ¹⁴ Ɖeyi wolasɔ amɛgbetɔ daɖo kaɖeka dji sigbebe axumɛkpaviwo nɛnɛa, sigbebe elantata tsi ŋde ɖo axoetɔ ? ¹⁵ Elenɔnwo kpata kudo akpoŋ, yi yidɔnɔn wo ɖo eɖɔ mɛ, ebɔnɔnwo ɖo yo godokplɛwo mɛ; yi yinɔnɔn djidjɔɛ kudo aseyesoso mɛ. ¹⁶ Yiŋtsi yisa avɔ nɛ yo ɖɔ lo, esɔnɔn lĩnfi nanɔn yo godokplɛa; ɖo woenanɔn be akpomɛ donɔn ami nii, yi nuɖuɖu yitɔ vivinɔn. ¹⁷ Ɖeyi yila ɖɔli yo ɖɔa, yi yilanɔn dukɔnwo wuwu dji tɛgbɛ ŋzizi makumakua djia?