¹ Xana tsan dogbeɖa to be: Yehowa na be edji tɔnye fa miɔn, l e aseye sowɔ. Yehowa ɖe nusɛn tɔnyɛ fiɔn, yi djidjɔ dɔŋ ŋko ketɔ tɔnyɛwo ɖoŋtsia woxo uŋ. ² Amɛɖekpekpe ŋde le kokɔe sigbe Yehowa nɛnɛ o. Amɛɖekpekpe ŋde le sigbe wo nɛnɛ o. Agakpe ɖekpekpe ŋɖele sigbe miɔn Mawu lɔ nɛnɛ o. ³ Minonte adan kankan yi enyan vlowo ŋgbe nɔn totowɔ le numɛ nɛ mi o. Ɖoŋtsi Yehowa nyi Mawu tsi nya ŋɖe kpekpe yi nyi amɛtsi sonɔn enyan mɛ le amɛgbetɔ wo yo wɔnawo mɛ. ⁴ Kanlɛntɔwo go wo ŋɛn klukluklu, yi amɛgbloe wo kpɔ nusɛn. ⁵ Amɛtsiwoe ɖu nɔn nu ɖɔxo san lɔ, sɔ woaɖokui da woba be ye woa kpɔnu aɖu. Amɛtsiwoe ŋɖe kpɔ nɔn nu ɖunɔn san wɔlɔ, Aɖɔ ŋde gbe wunɔnwo. Konɔn va dji ziandre, amɛtsiwoe dji vi, gbanŋgbanŋ lɔ, wo va le sigbe amɛtsiwo ŋde dji vi kpɔ nɛnɛ. ⁶ Yehowa wunɔn amɛ, yi gbe fɔn nɔn amɛ, ɖo namɛ ɖaɖa zomavɔ mɛ yi gbe ɖe nɔn amɛ to. ⁷ Yehowa wɔ wamɛnɔn yi gbewɔ gatɔ tsan. Eye bɔbɔnɔn amɛɖewo ɖa nyi, yi donɔn amɛɖewo ɖo dji. ⁸ Eɖe amɛ nanamesitɔwo le kɔ mɛ, yi kɔ wamɛnɔn wo ɖo dji le azizɔ mɛ le woana nyi le amɛganwo dome, yi woabɔbɔ nɔn bubuxoewo. Anyigban yo gɔnmɛ ɖoɖo wo nyi yehowa tɔ, yi woawo dji yi tsu xixea mɛ godoo ɖo. ⁹ Ekpɔ nɔn yo mɛ tsiwo wɔnɔn nutexoi wota be woanyan zɔnzɔn amɛvɔnɖi wo latsrɔn ɖo vivitimɛ ɖoŋtsia ŋde amɛ yo nusɛn nana be woɖunɔn dji o. ¹⁰ Wolatsrɔn Yehowa yo futɔwo da ɖe gbe ɖo woadji so djipo. Yehowa la drɔn hɔnnu xixea mɛ kpata, ela na nusɛn yo fiɔa lɔ, yi la na yo amɛ siamina lɔ la ɖu dji. ¹¹ Yo ŋgbodomɛ a Elkana trɔyi woa de Rama, vɔa evia tsi nunɔla Eli gbɔ sɔ subɔ Yehowa. ¹² Eli yo viŋsuviwo nyi gakamɛwo woŋde nu nɔn Yehowa ɖo ŋɖekpekpe dji o. ¹³ Yi woŋde sɔ ɖe le kɔnu tsi ele nunɔlawo si nɛ djukɔna tsan o. N'ameɖe gbɔnnɔn vɔsa wɔgbe lɔ nunɔla yo dɔsɔvi le gafo nutɔn ɖa si va ni. Etsi vɔsatɔ le lan ɖawɔ lɔ. ¹⁴ Nunɔla yo dɔsɔvi le lanwo tɔwo le gaze alo eze, dawa, alo agban me, yi nuɖekpekpe tsi gafoa la ɖe to lɔ trɔ zun nunɔla tɔ. Lexa wowɔnɔn ɖo Israélvi ɖekpekpe tsi va vɔsa wɔgbe le Silo lɔ ŋtsi. ¹⁵ Keŋ gbɔxoe wola tɔzo amia lɔ, nunɔla yo dɔsɔvi yi nɔn ɖo amɛtsi va le vɔsawɔ lɔ gbɔ, vɛtonɔn ni be: na lan ɖe nunɔla; ŋde le ɖaɖa djiwɔ, mumu djiwɔe le. ¹⁶ Nɛ amɛa ɖoŋtsi ni be na woatɔ zo amia keŋgbɔxoe, na sɔ elan nɛnɛ tsi djroe lɔ, Etonɔn be gbeɖee! Sɔe nuŋ fifiɛ troloo! Nɛnɛ woa nasɔe akpasɛn sɛn. ¹⁷ Eli viawo yo nuvɔn yé baba le Yehowa yo ŋmɛ ŋtɔ, ɖoŋtsia woŋde do ŋmɛ ŋtɔ, ɖoŋtsia woŋde do bubu ɖekpepe Yehowa yo vɔsa lɔ ŋtsi o. ¹⁸ Le gaxoxo yé me lɔ, Samuel nɔn subɔsubɔ dɔwɔ le Yehowa yo ŋmɛ enyi vifɛn zaoɖe edo nɔn aklala wu tsi tɔngbe subutɔwo donɔn o. ¹⁹ Enɔa tɔn nɔn awu lɔgbɔ nyuiɖe danɔn ɖe ni exoe sia xoe, nɛ woa ku srɔn a Elkana va xoeta trɔ trɔ yo vɔsa gbe a. ²⁰ Yo ŋgbodomɛ a Eli biɔ yayra nɛ Elkana kudo srɔna tonɔn be: Yehowa nɛ gbena nyɔnu yé nɛ dji viwo nɔn nɛ nasɔ ɖo etsi wosɔ ni le texoe. Yi wotrɔ djonɔa yi nɔn woa de. ²¹ Yehowa ve Xana nu, yi dji vi ŋsuvi amɛtɔn kudo nyɔnuvi amɛve. Samuel vifɛna lɔtsan si le Yehowa gbɔ. ²² Fifia Eli ku tɔgbe. Enɔnɔ nu tsiwo kpata evia ŋsuviwo wɔnɔn ɖo Israel djukɔn meviwo ŋtsi lɔ sewɔ ese tsan be eviwo dɔnnɔn hudo nyɔnu tsiwoe subɔnɔn le takpekpe yo xoa mɔnu lɔ ŋtɔtsan. ²³ Lexa yi to nɔn wo be: ŋɖe ŋtsi mile enu yé wo wɔ ɖo? Amɛɖekpekpe le nuvlo tsiwo wɔ mile lɔ kpɔ. ²⁴ Evinye wo ŋde nyɔn loo! Yehowa yo djutɔwo ŋdele enyan nyui towɔ so miaŋtsi o. ²⁵ Nɛ amɛɖe wɔ nubaɖa ɖo nɔvia ŋtsia Mawu laxɔ nyan ɖo nubaɖa watɔa ta. Vɔa nɛ amɛɖe wɔ nubaɖa watɔ a ta. Vɔa nɛ amɛɖe wɔ nubaɖa ɖo Mawu ŋtsia mɛŋde laxɔ ni, ganke wogbe woa tɔa yo gbe sese, yiŋtsia yehowa ɖoe be yeawu wo. ²⁶ Samuel vifɛn a lɔ ɖo dji, yi yo nu dje dji Yehowa kudo amɛgbetɔwo. ²⁷ Fifia Mawu yo gbefanɖetɔ ɖe va Eli gbɔ tɔni be: Yehowa be: ŋde ɖokuinye fiɔn etɔwo gatsimɛ wo nyi kluvi nɛ Egypte yo fiɔn etɔwo wo gatsime wo nyi kluvi nɛ Egypte yo fiɔgan le Egypte nyigbandji a. ²⁸ Ŋtsia a xomɛ yé so Israel yo kɔta kpato dome be woanyi nunɔla tɔnye woawoe la subɔŋ le vɔ, yi woawo ke la do nunɔla yo awu tsi wowɔ subɔnɔn le axi ŋmɛ. Vɔsanu tsiwo kpata Israelviwo naŋ lɔ, ŋsɔ wo na etɔwo wo be woa nyi woatɔ. ²⁹ Ŋde ŋtsi wo kli ŋkuvi do vɔsa tɔnye kudo nunana tsi ŋbiɔ lɔ dji? Ŋde ŋtsi wodo bubu eviwo wo ŋtsi sɔ wuŋ? Miɖu djukɔn tɔnye vɔsa lan yo akpa nyuitɔa wo tsi da mi a. ³⁰ Ɖo yé ŋtsi a Yehowa, Israel yo Mawu lɔ to be: ŋdo ŋgbe va yi be axo xome kudo etɔwo yo xome lanyi nunɔla tɔnye, anɔn gbɔnye asubɔŋ tɛgbɛ, fifia Yehowa le totowɔ be: Ekpa: ŋdagbe va mɛ gbeɖe o, amɛtsiwoe bunɔnŋ lɔ nyetsan na buwo, yi amɛ tsiwoe do vloŋ lɔ, nye tsan na vlo wo. ³¹ Kpɔ ɖa gaɖeme tsi mawu ɖe kadjɛviwo le axo xomɛa kudo etɔwo yo xomɛa mɛ, kususu be amɛsisi ɖekpekpe ŋda gbenɔn axo xomɛa mɛ alo etɔ tɔ mɛ o. ³² Nɛ eye va mɛ lɔ, wola xanu, yi wola huanu Israel djumɛvi buwo ɖo letsa nana enu lanyɔn nɛ wo lɔ ŋtsi. Vɔ le akpa wo dji amɛ sisi ɖekpekpe ŋda gbenɔn axo xomɛ a mɛ o. ³³ Vɔa nagble axo djidjimɛvi ɖeka ɖe ye ɖɛ tsi subɔla asubɔŋ, nana ŋkuvi xitɔwo la gban, yi agbeamɛ nɔnɔ la zun dɔ ni. Axoe tɔwo mɛ viwo ye lɔ avola ku eku kpata le ɖekadjɛvi mɛ. ³⁴ Nɛ viwo amɛvewo, Hophni kudo Phinées, woku le ŋkeke ɖeka lɔ, wola ɖe fiɔ be enyan tsiwo kpotɔ ŋtonɔa lava mɛ godoo. ³⁵ Naɖo nunɔla, nutexoe watɔ, amɛtsi la wɔa nu ɖo axi djidji nu lɔ, nɔn ɖokuinyɛ, mana yo djidjimɛviwo la subɔŋ le axi amɛ siamina gbɔ tɛgbɛɛ. ³⁶ Axo djidjimɛ vi tsiwo la kpɔtɔa la yi nunɔla lɔ gbɔ ave biɔ ega kudo nuɖuɖu, yi wola ɖe kuku ni be: Miɖe kuku, ɖe mɔ nɛ mi miakpe ɖo nunɔlawo ŋtsi kususu be miakpɔ nu aɖu.