¹ Gbeɖeka Saul-vi Yonatan nu nɛ ŋsuvi tsi nyi yo dɔsɔvi be: va nɛ miayi Filisitɔwo yo djɔtɔ tsiwoe akpa xɔdaa lɔ gbɔ; vɔ ŋde toe ne etɔa lɔ. ² Yi Saul ɖo gbotititia gɔmɛ le Migron le gibea godo yi amɛtsiwoe le ŋtsi lɔ le sigbe ame alɔfa amadɛ nɛnɛ. ³ Yi Axiya, Axitub vi, ametsi nyi Eli vi, Pinexas yo vi, Tkabod nɔvi, enyi Yehowa yo nunɔtɔ le Silo, yi edo kɔmɛwu lɔ yi ahouakɔ lɔ ŋde nyan be, Yonatan djoo. ⁴ Keŋgbexoe ela yi Filisitɔwo gbɔa, eɖo la to ahlihankpe tsi enu gbɔna amɛ eve domɛ ɖeka nyikɔ nyi Bozeze yi evegɔan nyikɔ nyi sene. ⁵ Ahlihankpe ɖeka tɔte kako kpaŋkɔ edjia yi Mixmas, yi kpaŋkɔ gɔmɛa yi Geba. ⁶ Yi yonatan nu ne dɔsɔviɛ lɔ be: va miayi amɛa wo djɔtɔwo gbɔ, vlavo Yehowa le xɔnɛ mi, ɖoŋtsia ŋde do nuxo nɛ Yehowa be: ela sɔ amɛ sugbɔ alo ame vitukui ɖe axɔ nemiɔ. ⁷ Zeɖeha yo dɔsɔvia doŋtsi ni be: wɔnu ɖekpekpe tsi le axo djime; ŋle ŋtsio. ⁸ Yi Yonatan nu be: Okpɔɛ mile amɛawo gbɔ yiɔ, yi wola kpɔ mi. ⁹ Nɛ wonu nɛmi be: mianɔte nɛ Yewoa va lɔ kexɔ̀a mi la nɔte do xɔ̀ yi miŋda gbeteŋ yi woagbɔ. ¹⁰ Yi nɛ wo nu nɛmi be: mine va Yewogbɔ kexɔ̀a mila yi: ɖoŋtsia wo ɖee fiɔmi be: Yehowa sɔwo do miasi me. ¹¹ Yi Filisitɔwo djɔtɔwo kpɔ woa me evea woa; zeɖeka Filisitɔwo nu be: okpɔɛ, Hebritɔwo to le edo tsimɛ wobe ɖo lɔ mɛ. ¹² Yi ŋsutsiwoe nyi djotɔwo do gbe nɛ yonatan, nu ni be: mi va miagbɔ nɛ mia nu enyɔ ɖe nɛ mi. Zeɖeka Yonatan nu nɛ yo dɔsɔvia be kpɔŋ do ɖoŋtsi Yehowa sɔwo do asi nɛ Israel. ¹³ Yonatan dafɔ djoumɛ, dɔsɔvia kplɔɛ do; Yonatan xoo te do agnigban yi dɔsɔvia vu wo. ¹⁴ Amɛtsiwoe Yonatan kudo yo dɔsɔvia wu tutugban lɔ, le ame ame wui, nɛ wo kpɔ xɔà, a la bu se be enyi amɛ ve yi de agble le xɔ̀. ¹⁵ Yi vɔvɔ̀ do agbadoa kudo amesiame me, djika so djɔtɔwo kudo afunyitɔwo yi anyigban houhou ɖo axoetɔa gbɔ vɔvɔ̀ dji dodoa so. ¹⁶ Yi Saul yo ametsiwoe le Gibea-Benyamin lɔ, kpɔ be amesiamɛ le djoudji nɛ woyi fiyɛa woayi fiyɛ. ¹⁷ Zeɖeka Saul hu nɛ yitɔwo be mixlɛ amɛawo nɛ miakpɔ amɛtsi djo le mia domɛ! Yi etsi wo xlɛ̀ amɛawoa wo kpɔ be Yonatan kudo yo dɔsɔvi ŋde le wo domɛɔ. ¹⁸ Yi Saul nu nɛ Axiya be: sɔ Yehowa yo nubabla ɖaka lɔ va ɖoŋtsia Axoetɔ yo aɖaka lɔ le Israel-viwo gbɔ gbexɔgbe. ¹⁹ Etsi Saul le nuxoxo nɛ ŋkɔnɔtɔwoa Filisitɔwo le abobo kpaɔ le wo agbadɔ me, Saul nu nɛ ŋkɔnotɔ lɔ be: nɛnɔ anyi kpo. ²⁰ Yi Saul kudo ametsiwoe kpata le ŋtsilɔ va lɔ yi wo ahoua lɔ nu, yi amesiame tsaka yi wo wu woanɔnɔɛwo. ²¹ Hebritɔ tsiwoe nɔ Filisitɔwo kpadji san djo va tsi Israel kudo Yonatan dji. ²² Yi Israel-ŋsu tsiwo kpata beɖo Efrayim to tamɛa, se be Filisitɔwo sia woatsan wo kpɔwo do va va afitsi wole ahoua wɔɔ lea. ²³ Nɛnɛ yi Yehowa ɖe Israel gbexɔ̀gbe yi ahoua axota ne Bet-Awen. ²⁴ Ke enu tsikɔnɛ Israel ŋsuwo yi Saul kandan nɔwo be: ametsinɛ la ɖunu keŋgbɔxoe ezan ladoa ela diŋtsi, sɔna gatsimɛ yewoa biɔ hlɔé yewo ketɔwo, yi woŋde du nuɔ. ²⁵ Etsi wova do ave aɖe mɛa wokpɔ enyisi le sasraɔ va le yiyiɔ woŋde tɔ nuiɔ, doŋtsia wole vɔvɔɔ. ²⁶ Etsi wova do ave aɖe mɛa wokpɔ enyisi le sasraɔ va le yiyiɔ woŋde tɔ nuiɔ, doŋtsia wole vɔvɔɔ. ²⁷ Yonatan ŋdese be fofoa kandan nɔw, yi edo enyisia nume keŋgbɔxoe ŋmɛ kɔ ni. ²⁸ Zeɖeka amɛaɖe nu le wo domɛ be fofawò kadan ne dukɔa be ela ɖi ametsi la dunu egba ŋtsi vɔ adɔ wuwo keŋgbɔxoe. ²⁹ Yonatan nu be: fofonyɛ hɛ djɔgbevɛ va anyigban lɔ djie tsi ŋu nyisi viɖe kpoa ŋmɛ kɔnusɛ. ³⁰ De djukɔa du kluvimenuwo le ketɔwo si lɔ, ne yoŋda wuwo. ³¹ Etsi wonya Filisitɔwo do nu gbexɔgbea so Mixmas va kɔɖo ayalon, adɔ wu wo sugbɔ. ³² Yi djukɔa lɔ, lɔ amestsigbe yo nuwo, wolé alegbɔwo enyiwo kudo enyi-vifɛwo, yi wo wuwo kɔɖo anyigban yi wo ɖu. ³³ Yi wo va nu nɛ Saul be: djukoa wɔ nuvɔ do Yehowa ŋtsi, wo ɖu tsivumɛ! Zeɖeka enu nɔwo be: mikɔ ekpe gaà va nu. ³⁴ Yi Saul gbe nu be: Mikankan ɖo mia nɔnɔɛwo domɛ, minu nɔwo be: amesiamɛ nɛkplɔ yo nyi kudo alɛgbɔwa sɔva miwu wo le fiyɛ nɛ miaɖu, miŋgbe wɔ nuvɔ ɖo Yehowa ŋtsi ne miagbe ɖu elan tsi tsi vu mɛ keo, zeɖeka amɛɖekpekpe kplɔ yo yin ɖasi sɔva yi wo wu wo. ³⁵ Yi nyin vɔsasakpe tutugbatɔ tsi Saul ɖo anyi nɛ Yehowa. ³⁶ Yi Saul nu be: miva miakplɔ Filisitɔwo do zàyɛ me nɛ mia trɔdo wo keŋgbɔxe nɛ ŋu nɛ ke wodomɛtɔ ɖekpekpe ŋgbe tsi agbe o, yi nunɔla nu be: Miva miatrɔ Yehowa ŋtsi. ³⁷ Yi Saul xonuxo nɛ Yehowa, yi aƒetɔ se be: Madje yomenɔwoa? Ola sɔwo do miasimɛa? ŋde ɖo nyaɖekpekpe ŋtsi gbexɔ̀gbeo. ³⁸ Zeɖeka Saul nu be: mi amɛtsiwoe kpata le ŋkɔ nɛ djukɔa, mizɔva ne miado aka nen miakpɔ ametsi wɔ nuvɔà! ³⁹ Ŋta Yehowa tsi xɔ nɛn nu yo agbe be: nɛn evinyɛ yonatan yi enyi tsan, ele ni be elaku. ⁴⁰ Yi enu nɔwo be: minɔ akpa ɖeka, nyɛ kudo vinyɛ Yonatan tsan mianɔ akpa evegɔà. ⁴¹ Yi Saul biɔgbe Yehowa be: Yehowa ɖe nyɔtexoe lɔ sɔ fiɔ zeɖeka aka tsi wodoa, ele evia yonatan kudo Saul. ⁴² Midami kpɔ, nudada dje vinyɛ yonatan dji. ⁴³ Yi Saul biɛ be: ŋde yo wɔ? Yonatan ɖoŋtsi ni be: enyisi viɖe kpo yi ŋdɔkpɔ enyɛ ke, maku! ⁴⁴ Saul nu be: Yehowa nɛfiɔye nɛ yea gbe fiɔye ɖo dji: Yonatan ele be: naku! ⁴⁵ Djukɔ lɔ nu nɛ Saul be: Yonatan amɛtsi na mikoɔ djiɖuɖu gaà yɛa, akua? nɛ to akpa nɛn yeo, miata Yehowa yo agbe be: eɖa tsi le ta nia&, ɖekpekpe ŋtɔ ŋda gɛɔ, ɖoŋtsia Mawu yi ɖemɔ be enuye djɔ, lexa yi woxɔ nyɔ do yonatan nu yi ŋde gbe teŋ kuo. ⁴⁶ Yi saul trɔ le Yomɛ Filisitɔwo yi wo djo yi wo texoe. ⁴⁷ Fifiɛa Israel yo fiɔɖuxoe lɔ su Saul si, yi ewɔ tukaɖa kudo yo kɛtɔwo kpata, Moabitɔwo, Amon-viwo, Edomtɔwo kudo zoba-fiɔwo gbekudo Filisitɔwo kekeŋ kpedo yi eɖunɔdji. ⁴⁸ Ewɔ kanle, yi eɖeɖo amalɛkitɔwo dji, yi exɔ ne Israel viwo. ⁴⁹ Saul vi ŋsuwo nyin:yonatan, Yiswi kudo Malkisua yi evia nyɔnu amɛ eveawo nyikɔ woatɔwo nyi: amegaxotɔa nyi Merab, yi vifɛtɔa nyikɔ nyi Mixal. ⁵⁰ Saul srɔ̀ nyikɔ nyi Axmom Aximaz vinyɔnu, yi yo ahoua fiɔ enyin Abner, Saul ataviɛ lɔ Ner yo vi. ⁵¹ Saul fofoa Kis kudo Abner fofo Ner wawoe nyi Abiel viwo. ⁵² Yi Saul wɔ ahoua koudo Filisitɔwo ŋtɔ le yo agbea kpata me. Ne Saul gbe kpɔ ŋsu kpakoɖe, alo ŋsɛtɔɖe kpoa, ekplɔni ɖo yedokoe ŋtsi.